Kerala argues TN Governor delay verdict applies, SC adjourns hearing

സുപ്രീം കോടതിയിൽ കേരള സർക്കാർ നൽകിയ ഹർജിയിൽ തമിഴ്നാട് ഗവർണർക്കെതിരായ വിധി കേരളത്തിനും ബാധകമാണെന്ന് സംസ്ഥാനം വാദിച്ചു. ബില്ലുകളിൽ ഗവർണർമാർ വരുത്തുന്ന കാലതാമസത്തിനെതിരെയാണ് കേരളം സുപ്രീം കോടതിയെ സമീപിച്ചത്. തമിഴ്നാട് സർക്കാരിന്റെ സമാനമായ ഒരു കേസിൽ സുപ്രീം കോടതി നേരത്തെ വിധി പുറപ്പെടുവിച്ചിരുന്നു. ഈ വിധി കേരളത്തിനും ബാധകമാണെന്നാണ് സംസ്ഥാന സർക്കാരിന്റെ വാദം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തമിഴ്നാട് കേസിലെ വിധി കേരളത്തിന് ബാധകമല്ലെന്ന് കേന്ദ്ര സർക്കാർ വാദിച്ചു. അറ്റോണി ജനറൽ ആർ. വെങ്കിട്ടരമണിയാണ് കേന്ദ്ര സർക്കാരിനു വേണ്ടി ഹാജരായത്. കേരളത്തിന്റെയും തമിഴ്നാടിന്റെയും സാഹചര്യങ്ങൾ വ്യത്യസ്തമാണെന്നും അതിനാൽ തമിഴ്നാട് കേസിലെ വിധി കേരളത്തിന് ബാധകമല്ലെന്നും അദ്ദേഹം വാദിച്ചു.

കേസ് പരിഗണിക്കുന്നത് അടുത്ത മാസം ആറി ലേക്ക് മാറ്റി. ജസ്റ്റിസ് പി.എസ്. നരസിംഹ, ജസ്റ്റിസ് ജ്യോതിമാല ഭാഗ്ചി എന്നിവർ അടങ്ങുന്ന ബെഞ്ചാണ് ഹർജി പരിഗണിച്ചത്. വിധി പരിശോധിച്ച് വരുന്നതേ ഉള്ളൂ എന്ന് സോളിസിറ്റർ ജനറൽ തുഷാർ മേത്ത കോടതിയെ അറിയിച്ചു.

കഴിഞ്ഞ തവണയും ഈ ഹർജി ഇതേ ബെഞ്ചിന് മുന്നിൽ ലിസ്റ്റ് ചെയ്തിരുന്നെങ്കിലും പരിഗണനയ്ക്ക് വന്നിരുന്നില്ല. തമിഴ്നാട് സർക്കാറിന്റെ ഹർജി പരിഗണിച്ച ജസ്റ്റിസ് ജെ. ബി. പർദ്ദിവാല ഉൾപ്പെട്ട ബെഞ്ചിലേക്ക് ഈ ഹർജിയും മാറ്റണമെന്ന് കേരളത്തിനു വേണ്ടി ഹാജരായ മുതിർന്ന അഭിഭാഷകൻ കെ. കെ. വേണുഗോപാൽ ചീഫ് ജസ്റ്റിസിന് മുൻപിൽ ആവശ്യപ്പെട്ടിരുന്നു.

വനിതാ സിവില് പൊലീസ് ഓഫീസര് റാങ്ക് ലിസ്റ്റ്: കാലാവധി ഇന്ന് അവസാനിക്കും, സമരം തുടരുന്നു

Story Highlights: The Supreme Court adjourned Kerala’s petition arguing that a verdict against the Tamil Nadu Governor on bill delays also applies to Kerala.

തമിഴ്നാട് ഗവർണർ വി.സി.മാരുടെ യോഗം വിളിച്ചു; ഉപരാഷ്ട്രപതി മുഖ്യാതിഥി