ജയ്പൂർ (രാജസ്ഥാൻ)◾: ഇന്ത്യൻ പ്രീമിയർ ലീഗിൽ (ഐപിഎൽ) രാജസ്ഥാൻ റോയൽസിന് ഇന്ന് ലക്നൗ സൂപ്പർ ജയന്റ്സിനെതിരെയാണ് മത്സരം. രാത്രി 7.30ന് ജയ്പൂരിലാണ് മത്സരം. പോയിന്റ് പട്ടികയിൽ താഴത്തെ പകുതിയിലുള്ള രാജസ്ഥാന്, ഫോമിലേക്ക് മടങ്ങിവരുന്ന ലക്നോയെ നേരിടുക എന്നത് വെല്ലുവിളിയാണ്.
യശസ്വി ജയ്സ്വാളിന്റെ മികച്ച പ്രകടനം ഒഴിച്ചുനിർത്തിയാൽ, രാജസ്ഥാന്റെ ബാറ്റിംഗ് നിരയും ബൗളർമാരും നിരാശപ്പെടുത്തുന്ന പ്രകടനമാണ് കാഴ്ചവച്ചത്. ക്യാപ്റ്റൻ സഞ്ജു സാംസണിന്റെ ഫിറ്റ്നസ് പ്രശ്നങ്ങളും ടീമിന് തിരിച്ചടിയാണ്. കഴിഞ്ഞ മത്സരത്തിൽ പരുക്കേറ്റ സഞ്ജുവിന്റെ പങ്കാളിത്തം ഇന്നത്തെ മത്സരത്തിൽ സംശയമാണ്.
സഞ്ജു കളിക്കുന്നില്ലെങ്കിൽ റിയാൻ പരാഗ് വീണ്ടും ടീമിനെ നയിക്കും. വയറിന് വേദനയുണ്ടെന്നും സ്കാനിങ്ങിന്റെ അടിസ്ഥാനത്തിലേ ടീമിലെ സ്ഥാനം സംബന്ധിച്ച് പറയാനാകൂവെന്നും കോച്ച് രാഹുൽ ദ്രാവിഡ് വ്യക്തമാക്കിയിരുന്നു. ഡൽഹിക്കെതിരെ സ്വന്തം തട്ടകത്തിൽ നടന്ന കഴിഞ്ഞ മത്സരത്തിൽ രാജസ്ഥാൻ പരാജയപ്പെട്ടിരുന്നു.
ലക്നോയ്ക്ക് മായങ്ക് യാദവിന്റെ തിരിച്ചുവരവ് ആവേശം പകരും. ആകാശ് ദീപ്, മായങ്ക് യാദവ്, ആവേശ് ഖാൻ എന്നിവരില്ലാതെയാണ് ലക്നോ സീസൺ ആരംഭിച്ചത്. ഏഴ് മത്സരങ്ങളിൽ നാല് വിജയങ്ങളും മൂന്ന് തോൽവികളുമായി ലക്നോ മികച്ച ഫോമിലാണ്. ഇന്നത്തെ മത്സരത്തിൽ ജയിച്ചാൽ പത്ത് പോയിന്റുമായി പോയിന്റ് പട്ടികയിൽ മുന്നേറാൻ അവർക്ക് സാധിക്കും.
നിക്കോളാസ് പൂരനും മിച്ചൽ മാർഷും ചേർന്ന് 652 റൺസ് അടിച്ചെടുത്ത് ലക്നോയുടെ ബാറ്റിംഗ് നിരയെ ശക്തിപ്പെടുത്തുന്നു. ഇളക്കം തട്ടാത്ത മധ്യനിരയും ദിഗ്വേഷ് രതിയും രവി ബിഷ്ണോയിയും നേതൃത്വം നൽകുന്ന സ്പിൻ സംഘവും ലക്നോയുടെ കരുത്താണ്. സാധ്യതാ ഇലവൻ ഇങ്ങനെ:
ലക്നോ സൂപ്പർ ജയന്റ്സ്: 1 എയ്ഡൻ മർക്രം, 2 മിച്ചൽ മാർഷ്, 3 നിക്കോളാസ് പുരാൻ, 4 റിഷഭ് പന്ത് (ക്യാപ്റ്റൻ, വിക്കറ്റ് കീപ്പർ), 5 ആയുഷ് ബദോനി, 6 ഡേവിഡ് മില്ലർ, 7 അബ്ദുൾ സമദ്, 8 ശർദുൽ താക്കൂർ, 9 ആവേശ് ഖാൻ, 10 മായങ്ക് യാദവ്, 11 ദിഗ്വേശ് രതി, 12 രവി ബിഷ്ണോയ്.
രാജസ്ഥാൻ റോയൽസ്: 1 യശസ്വി ജയ്സ്വാൾ, 2 സഞ്ജു സാംസൺ (ക്യാപ്റ്റൻ, വിക്കറ്റ് കീപ്പർ)/ വൈഭവ് സൂര്യവംശി/ ശുഭം ദുബെ, 3 നിതീഷ് റാണ, 4 റിയാൻ പരാഗ്, 5 ധ്രുവ് ജുറൽ, 6 ഷിമ്രോൺ ഹെറ്റ്മെയർ, 7 വനിന്ദു ഹസരംഗ, 8 ജോഫ്ര ആർച്ചർ, 9 മഹീഷ് തീക്ഷണ, 10 സന്ദീപ് ശർമ, 11 തുഷാർ ദേശ്പാണ്ഡെ/ ആകാശ് മധ്വാൾ, 12 കുമാർ കാർത്തികേയ.
Story Highlights: Rajasthan Royals face Lucknow Super Giants in Jaipur tonight, with Sanju Samson’s fitness a concern for the struggling Royals.
വർഷാവസാനം, ആളുകൾ ഗൂഗിളിൽ തങ്ങൾ തിരഞ്ഞ കാര്യങ്ങൾ അറിയാൻ കാത്തിരിക്കുകയാണ്. ഈ വർഷം Read more
2025-ൽ ഐപിഎൽ കിരീടം നേടിയ റോയൽ ചലഞ്ചേഴ്സ് ബാംഗ്ലൂർ 2026-ലെ സീസണിന് മുന്നോടിയായി Read more
രാജസ്ഥാൻ റോയൽസുമായുള്ള സഞ്ജു സാംസണിന്റെ യാത്ര അവസാനിച്ചു. സഞ്ജുവിന് ശാരീരികവും മാനസികവുമായ ക്ഷീണമുണ്ടായിരുന്നെന്നും Read more
സൺറൈസേഴ്സ് ഹൈദരാബാദ് ഓപ്പണർ ഇഷാൻ കിഷൻ, മുംബൈ ഇന്ത്യൻസ് ക്യാപ്റ്റൻ ഹാർദിക് പാണ്ഡ്യയുടെ Read more
ഐ.പി.എൽ ടീമായ ലക്നോ സൂപ്പർ ജയന്റ്സിൻ്റെ മെന്റർ സ്ഥാനം സഹീർ ഖാൻ രാജി Read more
ജിഎസ്ടി നിരക്ക് 28 ശതമാനത്തിൽ നിന്ന് 40 ശതമാനമായി ഉയർത്തിയതോടെ ഐപിഎൽ ടിക്കറ്റ് Read more
ഇന്ത്യൻ സ്പിൻ ഇതിഹാസം ആർ. അശ്വിൻ ഐ.പി.എൽ ക്രിക്കറ്റിൽ നിന്ന് വിരമിച്ചു. ചെന്നൈ Read more
ഐ.പി.എൽ 2026 സീസണിന് മുന്നോടിയായി സഞ്ജു സാംസൺ രാജസ്ഥാൻ റോയൽസ് വിടാൻ ആവശ്യപ്പെട്ടതായി Read more
സഞ്ജു സാംസൺ ചെന്നൈ സൂപ്പർ കിംഗ്സിൽ ചേരുമെന്ന അഭ്യൂഹങ്ങൾക്കിടെ, താരത്തെ നിലനിർത്താൻ രാജസ്ഥാൻ Read more
2023-24 സാമ്പത്തിക വർഷത്തിൽ ബിസിസിഐയുടെ വരുമാനം 9741 കോടി രൂപയായി ഉയർന്നു. ഇതിൽ Read more
