മലപ്പുറം◼️ആശുപത്രികളിലെ സുരക്ഷിതമായ പ്രസവത്തിന് പകരം വീടുകളില് പ്രസവം നടത്താന് ഒരു മതവും പ്രോത്സാഹിപ്പിക്കുന്നില്ലെന്നും ഇക്കാര്യത്തില് നിലനില്ക്കുന്ന തെറ്റിദ്ധാരണകള് അകറ്റാനും ബോധവത്കരണം ശക്തമാക്കാനും മലപ്പുറം ജില്ലാ കലക്ടര് വി. ആർ. വിനോദ് വിളിച്ച മത നേതാക്കളുടെ യോഗത്തില് സമവായം. ആരോഗ്യമുള്ള ഭാവി തലമുറയ്ക്കായി ആശുപത്രികളിലെ പ്രസവം പ്രോത്സാഹിപ്പിക്കുന്നതിനായി ജില്ലയിലെ ആരോഗ്യ വകുപ്പ് നടത്തുന്ന ‘കുഞ്ഞോമന ജനിക്കേണ്ടത് ഏറ്റവും സുരക്ഷിത കരങ്ങളില്, പ്രസവം സുരക്ഷിതമാക്കാന് ആശുപത്രി തന്നെ തിരഞ്ഞെടുക്കാം’ എന്ന കാമ്പയിന്റെ ഭാഗമായാണ് യോഗം വിളിച്ചത്.
ഒരു മതവും പ്രസവത്തിന് ആശുപത്രികളില് ചികിത്സ തേടുന്നതിനെ എതിര്ക്കുന്നില്ലെന്നും ചികിത്സയും ശരിയായ പരിചരണവും വേണമെന്ന് നിഷ്കര്ഷിക്കുകയാണ് ചെയ്യുന്നതെന്നും യോഗത്തില് പങ്കെടുത്ത വിവിധ മത നേതാക്കള് അഭിപ്രായപ്പെട്ടു. ഒറ്റപ്പെട്ട സംഭവങ്ങള്ക്ക് പിന്നിലുള്ളവര്ക്ക് മത സംഘടനകളുടെയോ മത തത്വങ്ങളുടെ യോ പിന്ബലമില്ല. ജനങ്ങള്ക്കിടയില് തെറ്റിദ്ധാരണ പരത്തുന്നത് തടയാന് ശക്തമായ ബോധവത്ക്കരണം നടത്തണം. ഇക്കാര്യത്തില് ആരോഗ്യ വകുപ്പിന്റെയും ജില്ലാഭരണ കൂടത്തിന്റെയും ശ്രമങ്ങള്ക്ക് എല്ലാ മത സംഘടനാ നേതാക്കളും പിന്തുണ ഉറപ്പ് നല്കി. അതേസമയം, അനാവശ്യമായി സിസേറിയന് നടത്തുന്നതായും മറ്റും ആശുപത്രികളെ കുറിച്ച് സംശയമുളവാക്കുന്ന സാഹചര്യം ഒഴിവാക്കാന് ആരോഗ്യ വകുപ്പ് ജാഗ്രത പുലര്ത്തണമെന്നും യോഗം.
സിസേറിയന്റെ കാര്യത്തില് ആശങ്കപ്പെടേണ്ട ആവശ്യമില്ലെന്നും ഇക്കാര്യത്തില് കൃത്യമായ ഓഡിറ്റിങിന് സര്ക്കാര് തലത്തില് സംവിധാനമുണ്ടെന്നും ആരോഗ്യ വകുപ്പ് ഉദ്യോഗസ്ഥര് അറിയിച്ചു. ആശുപത്രികളിലെ പ്രസവത്തെ സംബന്ധിച്ച് ആളുകളുടെ ഇടയില് എന്തെങ്കിലും ആശങ്കകള് ഉണ്ടെങ്കില് അത് പരിഹരിക്കാനുള്ള നടപടികള് സ്വീകരിക്കുമെന്നും ബോധവത്കരണ പരിപാടികള് സംഘടിപ്പിക്കുമെന്നും ജില്ലാ കലക്ടര്. ഗാര്ഹിക പ്രസവങ്ങള് കൂടുതലായി റിപ്പോര്ട്ട് ചെയ്യുന്ന താനാളൂര്, മംഗലശ്ശേരി, ചെറിയമുണ്ടം എന്നീ പ്രദേശങ്ങള് കേന്ദ്രീകരിച്ച് പ്രത്യേക ബോധവത്കരണ പരിപാടികള് സംഘടിപ്പിക്കും. വനിതകളെയും പിന്നോക്ക വിഭാഗത്തില് പെട്ടവരെയും യുവജനങ്ങളെയും ബോധവത്കരിക്കും. മതനേതാക്കള് വഴിയും ബോധവല്ക്കരണ പരിപാടികളും ആശുപത്രികളിലെ പ്രസവത്തെ പ്രോത്സാഹിപ്പിക്കുന്ന സന്ദേശങ്ങളും പ്രചരിപ്പിക്കും.
ജനങ്ങളുടെ മനസ്സിലെ ആശങ്ക അകറ്റി ആശുപത്രികള് ഗര്ഭിണി- ശിശു സൗഹൃദമാക്കി മാറ്റും. ഭാവി തലമുറയെ കൂടി ബാധിക്കുന്ന സാമൂഹിക പ്രശ്നമായി തന്നെയാണ് ഗാര്ഹിക പ്രസവത്തെ കാണുന്നത്. ഇത് പ്രോത്സാഹിപ്പിക്കുന്നവര്ക്കെതിരെ നടപടികള് സ്വീകരിക്കും. കാമ്ബയിന്റെ ഭാഗമായി തുടര്യോഗങ്ങളും ചര്ച്ചകളും നടത്തും. ആരോഗ്യ സൂചികയില് ഉയര്ന്നു നില്ക്കുന്ന കേരളം ലോകത്തിനുതന്നെ മാതൃകയാണ്. 2024 -25 വര്ഷത്തില് 192 ഗാര്ഹിക പ്രസവങ്ങളാണ് മലപ്പുറം ജില്ലയില് റിപ്പോര്ട്ട് ചെയ്തിട്ടുള്ളത്. സാമൂഹിക സാഹചര്യങ്ങളും പിന്നോക്കാവസ്ഥയും ആശുപത്രികളെ കുറിച്ചുള്ള ആശങ്കകളും ഇതിനൊരു കാരണമാണെന്നും യോഗം വിലയിരുത്തി. ഈ അവസ്ഥ പരിഹരിക്കുന്നതിനും ആശുപത്രികളിലെ പ്രസവം പ്രോത്സാഹിപ്പിക്കുന്നതിനുമാണ് ജില്ലാ കലക്ടര് യോഗം വിളിച്ചു ചേര്ത്തത്.
Story Highlights: Malappuram district collector convened a meeting with religious leaders to promote hospital deliveries and address misconceptions about home births.
മലപ്പുറം ജില്ലയുടെ ചരിത്രം വിദ്വേഷ പരാമർശങ്ങൾ ഉയർന്നുവന്നതുകൊണ്ടാണ് ഓർമ്മിപ്പിക്കേണ്ടി വന്നതെന്ന് എം. സ്വരാജ് Read more
കായിക മന്ത്രി വി. അബ്ദുറഹിമാൻ മെസി കേരളത്തിലേക്ക് വരുന്നതായി അറിയിച്ചു. ലോകകപ്പ് ജേതാക്കളായ Read more
ത്യാഗത്തിന്റെയും സഹനത്തിന്റെയും ഓര്മ്മകള് പുതുക്കിക്കൊണ്ട് ബക്രീദ് ആഘോഷിക്കുമ്പോൾ മുഖ്യമന്ത്രി പിണറായി വിജയന് ആശംസകള് Read more
രാജ്യത്ത് കൊവിഡ് വ്യാപനം കൂടുന്നതായി റിപ്പോർട്ട്. കഴിഞ്ഞ 24 മണിക്കൂറിനുള്ളിൽ 5364 പേർക്ക് Read more
മലപ്പുറം കൂരിയാട് ദേശീയപാതയുടെ തകർച്ചയ്ക്ക് കാരണം മണ്ണിന്റെ ഉറപ്പില്ലായ്മയാണെന്ന് എൻഎച്ച്എഐയുടെ ഇടക്കാല റിപ്പോർട്ട്. Read more
മേരാ യുവ ഭാരത് പോര്ട്ടലില് പോസ്റ്റ് ഓഫീസ് ഡിവിഷന് കീഴില് ഇന്റേണ്ഷിപ്പിന് അവസരം. Read more
സംസ്ഥാനത്ത് സ്വര്ണവില വീണ്ടും വര്ധിച്ചു. ഇന്ന് ഒരു പവൻ സ്വർണത്തിന് 320 രൂപയുടെ Read more
മലപ്പുറം തലപ്പാറയിൽ ദേശീയപാത വീണ്ടും ഇടിഞ്ഞുതാഴ്ന്നു. വലിയപറമ്പിൽ അഴുക്കുചാൽ കടന്നുപോകുന്ന ഭാഗത്താണ് റോഡ് Read more
സംസ്ഥാനത്ത് സ്വർണവിലയിൽ വീണ്ടും വർധനവ് രേഖപ്പെടുത്തി. ഇന്ന് ഒരു പവൻ സ്വർണത്തിന് 72,720 Read more
രാജ്യത്ത് കൊവിഡ് കേസുകൾ വർധിക്കുന്ന സാഹചര്യത്തിൽ സംസ്ഥാന ആരോഗ്യവകുപ്പ് മാർഗ്ഗനിർദ്ദേശങ്ങൾ പുറത്തിറക്കി. രോഗലക്ഷണങ്ങളുള്ള Read more
