Case filed against BJP leaders for death threats against MLA Rahul Mamkootathil

**പാലക്കാട്◾:** രാഹുൽ മാങ്കൂട്ടത്തിൽ എംഎൽഎയ്ക്കെതിരായ കൊലവിളി പ്രസംഗത്തിന്റെ പേരിൽ ബിജെപി നേതാക്കൾക്കെതിരെ പോലീസ് കേസെടുത്തു. ബിജെപി ജില്ലാ അധ്യക്ഷൻ പ്രശാന്ത് ശിവൻ, ജില്ലാ ജനറൽ സെക്രട്ടറി ഓമനക്കുട്ടൻ എന്നിവർക്കെതിരെയാണ് കേസ് രജിസ്റ്റർ ചെയ്തിരിക്കുന്നത്. വീഡിയോ തെളിവുകൾ ഉൾപ്പെടെ പരിശോധിച്ചതിന് ശേഷമാണ് പോലീസ് നടപടി സ്വീകരിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാലക്കാട് നഗരസഭയിലെ നൈപുണ്യ വികസന കേന്ദ്രത്തിന് ആർഎസ്എസ് നേതാവ് ഹെഡ്ഗേവാറിന്റെ പേര് നൽകാനുള്ള നീക്കം വിവാദമായതിനെ തുടർന്നാണ് രാഹുൽ മാങ്കൂട്ടത്തിൽ എംഎൽഎയുടെ ഓഫീസിലേക്ക് ബിജെപി മാർച്ച് നടത്തിയത്. ഈ മാർച്ചിനിടെയാണ് ബിജെപി നേതാക്കൾ കൊലവിളി മുഴക്കിയത്. പ്രതിഷേധത്തിനിടെ രാഹുലിന്റെ തല ആകാശത്ത് കാണേണ്ടിവരുമെന്ന് ഓമനക്കുട്ടൻ ഭീഷണിപ്പെടുത്തി.

ബിജെപി നേതാക്കൾക്കെതിരെ കേസെടുക്കാത്തതിൽ പ്രതിഷേധിച്ച് ഇന്നലെ വ്യാപക പ്രതിഷേധം നടന്നിരുന്നു. ഡിസിസി ഓഫീസ് മാർച്ചിലും രാഹുലിനെതിരെ ഭീഷണി മുഴക്കിയിരുന്നു. നൈപുണ്യ വികസന കേന്ദ്രത്തിനെതിരായ നീക്കമാണ് എംഎൽഎയുടേതെന്നും ഭിന്നശേഷി വിദ്യാർത്ഥികളെ അപമാനിക്കുകയാണ് എംഎൽഎയെന്നും ആരോപിച്ചാണ് ബിജെപി ഇന്ന് എംഎൽഎ ഓഫീസിലേക്ക് മാർച്ച് നടത്തിയത്.

പാലക്കാട് കാലുകുത്താൻ അനുവദിക്കില്ലെന്നും ജില്ലാ ജനറൽ സെക്രട്ടറി ഓമനക്കുട്ടൻ ഭീഷണി മുഴക്കി. നേരത്തെ ഡിസിസി ഓഫീസ് മാർച്ചിലും രാഹുലിനെതിരെ ഭീഷണി മുഴക്കിയിരുന്നു. വീണ്ടും ഭീഷണി മുഴക്കിയതിനെതിരെയാണ് പോലീസ് കേസെടുത്തിരിക്കുന്നത്.

ഭിന്നശേഷി കേന്ദ്രത്തിന് ഹെഡ്ഗേവാറിന്റെ പേര്; മാറ്റില്ലെന്ന് ബിജെപി

Story Highlights: Police in Palakkad have filed a case against BJP leaders for making death threats against MLA Rahul Mamkootathil.

മുനമ്പം: സർക്കാർ ഇടപെടണമെന്ന് കുമ്മനം