Kerala HC stays SFIO action in CMRL case

സിഎംആർഎൽ – എക്സാലോജിക് കരാറുമായി ബന്ധപ്പെട്ട മാസപ്പടി കേസിൽ, എസ്എഫ്ഐഒ സമർപ്പിച്ച അന്തിമ റിപ്പോർട്ടിലെ നടപടികൾ തൽക്കാലം നിർത്തിവയ്ക്കാൻ ഹൈക്കോടതി ഉത്തരവിട്ടു. കമ്പനി നിയമമനുസരിച്ച് തുടർനടപടികൾ സ്വീകരിക്കുന്നതിൽ സംശയം പ്രകടിപ്പിച്ചാണ് ഹൈക്കോടതിയുടെ ഈ ഇടക്കാല ഉത്തരവ്. സിഎംആർഎൽ സമർപ്പിച്ച ഹർജിയിൽ കേന്ദ്ര കമ്പനികാര്യ മന്ത്രാലയത്തിന് നോട്ടീസയച്ച കോടതി, എതിർകക്ഷികളായ എസ്എഫ്ഐഒ ഉൾപ്പെടെയുള്ളവർ അഞ്ച് ആഴ്ചയ്ക്കകം മറുപടി നൽകണമെന്നും നിർദേശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹൈക്കോടതിയുടെ അവധിക്കാല ബെഞ്ചാണ് കേസിൽ നിലവിലെ സ്ഥിതി തുടരാൻ നിർദേശം നൽകിയത്. വിചാരണ കോടതി പ്രതിചേർക്കപ്പെട്ടവരുടെ വാദം കേൾക്കാതെയാണ് തീരുമാനമെടുത്തതെന്നും സിഎംആർഎൽ ഹർജിയിൽ വാദിച്ചു. എസ്എഫ്ഐഒ റിപ്പോർട്ടിനെതിരെ സമർപ്പിച്ച ഹർജി അവധിക്കാലത്തിനു ശേഷം കോടതി വിശദമായി പരിഗണിക്കും.

എസ്എഫ്ഐഒ റിപ്പോർട്ട് കോടതിക്ക് സ്വീകരിക്കാമെന്നും കമ്പനി നിയമത്തിലെ നടപടിക്രമങ്ങൾ പാലിച്ചാണ് കേസെടുത്തതെന്നുമായിരുന്നു കേന്ദ്രസർക്കാരിന്റെ വാദം. ക്രിമിനൽ നടപടിക്രമം അനുസരിച്ചല്ല കോടതിയിലെ നടപടികളെന്നും കേന്ദ്രം വാദിച്ചു. എന്നാൽ ഈ വാദങ്ങൾ ഹൈക്കോടതി അംഗീകരിച്ചില്ല.

അതേസമയം, എസ്എഫ്ഐഒ നടപടികൾ തടസ്സമില്ലാതെ മുന്നോട്ടുപോകുമെന്ന് പരാതിക്കാരനായ ഷോൺ ജോർജ് പ്രതികരിച്ചു. കേസിലെ തുടർ നടപടികൾക്കായി കാത്തിരിക്കുകയാണെന്നും അദ്ദേഹം കൂട്ടിച്ചേർത്തു. കേസിൽ കൂടുതൽ വ്യക്തത വരുത്തുന്നതിനായി ഹൈക്കോടതിയുടെ അന്തിമ വിധി നിർണായകമായിരിക്കും.

സിഎംആർഎൽ ഇടപാട്: സിബിഐ അന്വേഷണം ആവശ്യപ്പെട്ട് ഹർജി ഇന്ന് ഹൈക്കോടതിയിൽ

Story Highlights: The Kerala High Court has stayed further proceedings in the SFIO chargesheet related to the CMRL-Exalogic contract and monthly payment case.

ആശാ വർക്കേഴ്സ് സമരം: ഹൈക്കോടതി ഇടപെടുന്നില്ല