KEAM Mock Test: Free Practice for Engineering Entrance

കീം (KEAM) എൻട്രൻസ് പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്ക് മോഡൽ പരീക്ഷ എഴുതാൻ അവസരമൊരുക്കി പൊതുവിദ്യാഭ്യാസ വകുപ്പ്. കൈറ്റ് (KITE) നേതൃത്വത്തിൽ നടക്കുന്ന പരിശീലന പരിപാടിയുടെ ഭാഗമായാണ് ഈ മോക് ടെസ്റ്റ് സംഘടിപ്പിക്കുന്നത്. ഏപ്രിൽ 16 മുതൽ 19 വരെയാണ് എഞ്ചിനീയറിംഗ് വിഭാഗത്തിലെ മോഡൽ പരീക്ഷ നടക്കുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരീക്ഷയ്ക്ക് തയ്യാറെടുക്കുന്നതിനും സ്വയം വിലയിരുത്തുന്നതിനും ഈ മോക് ടെസ്റ്റ് സഹായിക്കും. entrance.kite.kerala.gov.in എന്ന വെബ്സൈറ്റിൽ രജിസ്റ്റർ ചെയ്ത വിദ്യാർത്ഥികൾക്ക് പരീക്ഷയിൽ പങ്കെടുക്കാം. കീം പരീക്ഷയുടെ മാതൃകയിൽ തന്നെയായിരിക്കും മോഡൽ പരീക്ഷയും.

മൂന്ന് മണിക്കൂർ ദൈർഘ്യമുള്ള പരീക്ഷയിൽ 150 ചോദ്യങ്ങളുണ്ടാകും. ഫിസിക്സ്, കെമിസ്ട്രി, മാത്തമാറ്റിക്സ് എന്നീ വിഷയങ്ങളിൽ നിന്നുള്ള ചോദ്യങ്ങൾ ഉൾപ്പെടുന്നതാണ് പരീക്ഷ. ഫിസിക്സിൽ നിന്ന് 45 ചോദ്യങ്ങളും കെമിസ്ട്രിയിൽ നിന്ന് 30 ചോദ്യങ്ങളും മാത്തമാറ്റിക്സിൽ നിന്ന് 75 ചോദ്യങ്ങളുമാണ് ഉണ്ടാവുക.

യൂസർനെയിമും പാസ്വേഡും ഉപയോഗിച്ച് ലോഗിൻ ചെയ്ത ശേഷം ‘എക്സാം’ എന്ന വിഭാഗത്തിൽ ‘മോക്/മോഡൽ പരീക്ഷ’ ക്ലിക്ക് ചെയ്താൽ പരീക്ഷയിൽ പങ്കെടുക്കാം. നിലവിൽ 52020 വിദ്യാർത്ഥികൾ പരിശീലനത്തിന് രജിസ്റ്റർ ചെയ്തിട്ടുണ്ട്.

കൈറ്റ് വിക്ടേഴ്സ് ചാനലിലും യൂടൂബിലുമായി കഴിഞ്ഞ അഞ്ച് മാസമായി നൽകിവരുന്ന ക്ലാസുകളുടെ തുടർച്ചയായാണ് ഈ മോക് ടെസ്റ്റ്. 300ലധികം വീഡിയോ ക്ലാസുകൾ ഇതിനകം സംപ്രേഷണം ചെയ്തിട്ടുണ്ട്. ഈ വീഡിയോകൾ entrance.kite.kerala.gov.in പോർട്ടലിലും ലഭ്യമാണ്.

ആശാ വർക്കേഴ്സിന്റെ സമരം: വിട്ടുവീഴ്ചയില്ലെന്ന് തൊഴിൽ മന്ത്രി

ഓരോ യൂണിറ്റിനും ശേഷവും ആവശ്യാനുസരണം ടെസ്റ്റുകൾ എഴുതാൻ അവസരം നൽകിയിരുന്നു. എല്ലാ യൂണിറ്റുകളെയും ഉൾപ്പെടുത്തിയാണ് ഇപ്പോൾ എഞ്ചിനീയറിംഗ് മോഡൽ പരീക്ഷ നടത്തുന്നത്. പുതുതായി രജിസ്റ്റർ ചെയ്യുന്ന സർക്കാർ, എയ്ഡഡ് സ്കൂളുകളിലെ കുട്ടികൾക്കും മോക് ടെസ്റ്റിൽ പങ്കെടുക്കാമെന്ന് കൈറ്റ് സി.ഇ.ഒ. കെ. അൻവർ സാദത്ത് അറിയിച്ചു. മെഡിക്കൽ എൻട്രൻസ് മോഡൽ പരീക്ഷ പിന്നീട് നടത്തും. മോക്ടെസ്റ്റിന്റെ സർക്കുലർ പോർട്ടലിൽ ലഭ്യമാണ്.

Story Highlights: KITE offers free KEAM engineering mock test for registered students from April 16-19.

കൊല്ലം പൂരത്തിൽ ഹെഡ്ഗേവാർ ചിത്രം; കേസെടുത്തു