INTUC Chief Clarifies Stance on Asha Workers' Strike

ഐ.എൻ.ടി.യു.സി സംസ്ഥാന പ്രസിഡന്റ് ആർ ചന്ദ്രശേഖരൻ ആശാ സമര വിവാദത്തിൽ വിശദീകരണവുമായി രംഗത്തെത്തി. കെ.പി.സി.സി ആസ്ഥാനത്തെത്തി കെ.പി.സി.സി അധ്യക്ഷൻ കെ സുധാകരനുമായി നേരിട്ട് കൂടിക്കാഴ്ച നടത്തിയാണ് വിശദീകരണം നൽകിയത്. ആശാ വർക്കേഴ്സിന്റെ പ്രശ്നങ്ങൾ പഠിക്കാൻ സമിതി രൂപീകരിക്കണമെന്ന ആവശ്യം ഉന്നയിച്ചത് താനല്ലെന്ന് ആർ ചന്ദ്രശേഖരൻ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സാമ്പത്തിക പ്രതിസന്ധിയുടെ പശ്ചാത്തലത്തിൽ വേതന വർധന വേണ്ടെന്ന് താൻ ഒരിക്കലും പറഞ്ഞിട്ടില്ലെന്നും ആർ ചന്ദ്രശേഖരൻ കൂട്ടിച്ചേർത്തു. ഐഎൻടിയുസി എല്ലായ്പ്പോഴും ആശാ വർക്കേഴ്സിനൊപ്പമാണെന്ന് അദ്ദേഹം കെ.പി.സി.സി അധ്യക്ഷനെ അറിയിച്ചു. ആശാ വർക്കേഴ്സിന്റെ ആവശ്യങ്ങൾ പഠിക്കാൻ സർക്കാർ ഒരു കമ്മിറ്റിയെ നിയോഗിച്ച തീരുമാനത്തെയാണ് താൻ പിന്തുണച്ചതെന്നും ആർ ചന്ദ്രശേഖരൻ വ്യക്തമാക്കി.

ആശാ വർക്കേഴ്സിന്റെ സമരം 55-ാം ദിവസത്തിലും നിരാഹാര സമരം 17-ാം ദിവസത്തിലുമാണ്. കെ.പി.സി.സി അധ്യക്ഷനും പ്രതിപക്ഷ നേതാവും ആർ ചന്ദ്രശേഖരന്റെ നിലപാടിനെ തള്ളിപ്പറഞ്ഞിരുന്നു. ആശാ വർക്കേഴ്സിന്റെ പ്രശ്നങ്ങൾ പഠിക്കാൻ കമ്മിറ്റി വേണമെന്ന നിലപാട് കോൺഗ്രസിനില്ലെന്ന് പ്രതിപക്ഷ നേതാവ് വി.ഡി. സതീശൻ വ്യക്തമാക്കിയിരുന്നു.

പാർട്ടി നിലപാടിന് വിരുദ്ധമായി നിലപാടെടുക്കുന്ന ആർ ചന്ദ്രശേഖരനെ താലോലിക്കാനാവില്ലെന്ന് കെ.പി.സി.സി അധ്യക്ഷൻ കെ. സുധാകരൻ പറഞ്ഞിരുന്നു. തുടർച്ചയായി ആശാ സമരത്തെ തള്ളിപ്പറയുന്ന നിലപാട് സ്വീകരിച്ചതിനെ തുടർന്നാണ് ആർ ചന്ദ്രശേഖരനെ വിളിച്ചുവരുത്തി വിശദീകരണം തേടാൻ കെ.പി.സി.സി തീരുമാനിച്ചത്. ആശാ വർക്കേഴ്സിന്റെ ആവശ്യങ്ങൾ പഠിക്കാൻ സമിതി വേണമെന്ന ആവശ്യം താനുന്നയിച്ചിട്ടില്ലെന്ന് ആർ ചന്ദ്രശേഖരൻ വ്യക്തമാക്കി.

വഖഫ് ബില്ല് മതസ്വാതന്ത്ര്യത്തിന് എതിരെന്ന് പാളയം ഇമാം

Story Highlights: INTUC state president R Chandrasekaran offered an explanation regarding the Asha workers’ strike controversy.

മുനമ്പം വിഷയം: സർക്കാരിനെതിരെ രമേശ് ചെന്നിത്തല