Wife of prime accused in Biju Joseph murder case to be charged

**ഇടുക്കി◾:** ബിജു ജോസഫിനെ തട്ടിക്കൊണ്ടുപോയി കൊലപ്പെടുത്തിയ കേസിൽ ഒന്നാം പ്രതി ജോമോന്റെ ഭാര്യ ഗ്രേസിയെയും പ്രതി ചേർക്കുമെന്ന് പോലീസ് അറിയിച്ചു. കലയന്താനിയിൽ നടന്ന ക്വട്ടേഷൻ കൊലപാതകത്തിൽ നിർണായക വിവരങ്ങൾ ഗ്രേസിക്ക് അറിയാമായിരുന്നുവെന്നും, തെളിവ് നശിപ്പിക്കൽ, കൊലക്കുറ്റം മറച്ചുവെക്കൽ തുടങ്ങിയ കുറ്റങ്ങൾ ചുമത്തിയായിരിക്കും കേസെടുക്കുകയെന്നും പോലീസ് വ്യക്തമാക്കി. ബിജുവിനെ കൊലപ്പെടുത്തിയ ശേഷം ആദ്യം എത്തിച്ചത് ജോമോന്റെ വീട്ടിലായിരുന്നു, അന്ന് വാതിൽ തുറന്നുകൊടുത്തത് ഗ്രേസി ആയിരുന്നുവെന്നും പോലീസ് കണ്ടെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിമാൻഡിൽ കഴിയുന്ന ജോമോനെ വീണ്ടും കസ്റ്റഡിയിൽ വാങ്ങി ഗ്രേസിയെയും ഒപ്പമിരുത്തി ചോദ്യം ചെയ്യുമെന്ന് പോലീസ് പറഞ്ഞു. ബിജുവിനെ തട്ടിക്കൊണ്ടുപോകുന്നത് മുതലുള്ള സംഭവങ്ങൾ ഗ്രേസിക്ക് അറിയാമായിരുന്നുവെന്നാണ് പോലീസിന്റെ നിഗമനം. ആദ്യഘട്ട ചോദ്യം ചെയ്യലിൽ ഗ്രേസി ഒന്നും അറിയില്ലെന്ന് പറഞ്ഞിരുന്നുവെങ്കിലും, ഫോറൻസിക് പരിശോധനയിൽ ലഭിച്ച ശാസ്ത്രീയ തെളിവുകളുടെ അടിസ്ഥാനത്തിലാണ് ഗ്രേസിയുടെ പങ്ക് സംശയിക്കുന്നത്.

കേസിലെ രണ്ടാം പ്രതി ആഷിക് ജോൺസന്റെ മൊഴിയുടെ കൂടുതൽ വിശദാംശങ്ങളും പുറത്തുവന്നിട്ടുണ്ട്. ജോമോൻ നൽകിയ ക്വട്ടേഷനാണെന്ന് മരിക്കും വരെ ബിജുവിന് അറിയില്ലായിരുന്നുവെന്നും, വാൻ ഓടിച്ച ജോമോൻ മാസ്ക് ധരിച്ചിരുന്നുവെന്നും ആഷിക് പറഞ്ഞു. ബിജുവിനോട് ജോമോൻ വാനിൽ വച്ച് ശബ്ദം മാറ്റി സംസാരിച്ചിരുന്നുവെന്നും, ഉപദ്രവിച്ചപ്പോൾ എന്തുവേണമെങ്കിലും നൽകാമെന്നും വെറുതെ വിടണമെന്നും ബിജു പറഞ്ഞതായും ആഷിക് മൊഴി നൽകി. തുടർ ചോദ്യം ചെയ്യലിനു ശേഷമായിരിക്കും ഗ്രേസിയെ പ്രതിപ്പട്ടികയിൽ ഉൾപ്പെടുത്തുക.

ജിം സന്തോഷ് കൊലക്കേസ് പ്രതി ജയിൽ വാർഡനെ മർദ്ദിച്ചു; കമ്പ്യൂട്ടർ തല്ലിത്തകർത്തു

Story Highlights: The wife of the prime accused in the Biju Joseph abduction and murder case will also be charged.

നെടുമ്പാശ്ശേരി കൊലപാതകം: സിഐഎസ്എഫ് ഉദ്യോഗസ്ഥരെ പിരിച്ചുവിടാൻ നടപടി തുടങ്ങി