Kerala University MBA Exam Answer Sheets Missing, VC Calls Emergency Meeting

തിരുവനന്തപുരം: കേരള സർവകലാശാല എംബിഎ പരീക്ഷയുടെ ഉത്തരക്കടലാസുകൾ നഷ്ടമായ സംഭവത്തിൽ അടിയന്തര യോഗം ചേരാൻ വൈസ് ചാൻസലർ തീരുമാനിച്ചു. ചൊവ്വാഴ്ചയാണ് യോഗം. 71 ഉത്തരക്കടലാസുകളാണ് നഷ്ടമായത്. 2022-24 ബാച്ചിലെ എംബിഎ വിദ്യാർത്ഥികളുടെ ഉത്തരക്കടലാസുകളാണ് നഷ്ടമായത്. ഈ സംഭവത്തെത്തുടർന്ന് വിദേശത്തുൾപ്പെടെ ജോലിയിൽ പ്രവേശിച്ച വിദ്യാർത്ഥികൾ പ്രതിസന്ധിയിലായിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരീക്ഷ വീണ്ടും നടത്തുമെന്നാണ് സർവകലാശാലയുടെ വിശദീകരണം. പരീക്ഷ എഴുതിയ വിദ്യാർത്ഥികളെ സർവകലാശാല ബന്ധപ്പെടുമെന്നും അറിയിച്ചിട്ടുണ്ട്. ജനുവരി 13-ാം തീയതി രാത്രി 71 ഉത്തരക്കടലാസുകളുമായി ബൈക്കിൽ യാത്ര ചെയ്യുമ്പോഴാണ് ഉത്തരക്കടലാസുകൾ നഷ്ടമായതെന്ന് അധ്യാപകൻ പറയുന്നു. തന്റെ ഭാഗത്തുനിന്നാണ് വീഴ്ചയുണ്ടായതെന്ന് ഉത്തരക്കടലാസ് ഏറ്റുവാങ്ങിയ അധ്യാപകൻ വ്യക്തമാക്കി.

ഉത്തരക്കടലാസുകൾ നഷ്ടമായ സംഭവത്തിൽ അധ്യാപകനെതിരെ സർവകലാശാല നടപടിയെടുക്കും. ആലത്തൂർ കഴിഞ്ഞപ്പോഴാണ് ഉത്തരക്കടലാസുകൾ നഷ്ടമായത് അറിഞ്ഞതെന്ന് ഗസ്റ്റ് അധ്യാപകൻ പ്രമോദ് പറഞ്ഞു. ഹൈവേ ആയതിനാൽ ഉത്തരക്കടലാസുകൾ നഷ്ടമായത് അറിഞ്ഞില്ലെന്നും അദ്ദേഹം കൂട്ടിച്ചേർത്തു. സഞ്ചരിച്ച വഴികളിലൂടെ ഒന്നിലധികം തവണ തിരച്ചിൽ നടത്തിയെന്നും അധ്യാപകൻ പ്രമോദ് പറഞ്ഞു.

പരീക്ഷ പൂർത്തിയാകുന്നതിന് പിന്നാലെ ബണ്ടിലുകളായി തിരിക്കുന്ന ഉത്തരക്കടലാസുകൾ മൂല്യനിർണയത്തിനായി സർവകലാശാലയിൽ നിന്ന് അധ്യാപകർക്ക് കൈമാറുകയാണ് പതിവ്. ഇത് വീട്ടിൽ കൊണ്ടുപോയി മൂല്യനിർണയം നടത്താൻ അനുമതിയുണ്ട്. ഇത്തരത്തിൽ കൊണ്ടുപോയപ്പോഴാണ് ഉത്തരക്കടലാസുകൾ നഷ്ടപ്പെട്ടതെന്നാണ് അധ്യാപകന്റെ വിശദീകരണം. വിദ്യാർത്ഥികളുടെ ഭാവി അവതാളത്തിലാക്കിയ ഈ സംഭവത്തിൽ സമഗ്രമായ അന്വേഷണം നടത്തുമെന്ന് സർവകലാശാല അധികൃതർ ഉറപ്പുനൽകി.

കേരള സർവകലാശാലയിൽ എംബിഎ ഉത്തരക്കടലാസുകൾ നഷ്ടപ്പെട്ടു

Story Highlights: Kerala University’s MBA exam answer sheets went missing, prompting an emergency meeting called by the Vice-Chancellor.

ഉത്തരക്കടലാസുകൾ നഷ്ടമായ സംഭവം: അട്ടിമറിയില്ലെന്ന് അധ്യാപകൻ