SKN 40 Kerala Yatra reaches Idukki today

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇടുക്കി:

ലഹരിവിരുദ്ധ ബോധവൽക്കരണത്തിനായി ട്വന്റിഫോർ ചീഫ് എഡിറ്റർ ആർ. ശ്രീകണ്ഠൻ നായർ നയിക്കുന്ന എസ്കെഎൻ 40 കേരളയാത്ര ഇന്ന് ഇടുക്കി ജില്ലയിലെത്തും. ഹൈറേഞ്ചിന്റെ കവാടമായ തൊടുപുഴയിൽ നിന്നാണ് യാത്രയുടെ തുടക്കം.

തൊടുപുഴ പ്രൈവറ്റ് ബസ് സ്റ്റാൻഡിൽ രാവിലെ ആരംഭിക്കുന്ന യാത്ര വൈകിട്ട് മങ്ങാട്ടുകവലയിൽ സമാപിക്കും. വിദ്യാർത്ഥികളുമായി സംവദിക്കുന്നതിനായി ആർ. ശ്രീകണ്ഠൻ നായർ വിവിധ കോളേജുകളിൽ സന്ദർശനം നടത്തും.

രാവിലെ 8.45ന് ന്യാമാൻ കോളേജിലും തുടർന്ന് 11.30ന് അൽ അസ്ഹർ കോളേജിലും അദ്ദേഹം വിദ്യാർത്ഥികളുമായി സംവദിക്കും. ഉച്ചയ്ക്ക് 2.30ന് കുടിയേറ്റ ചരിത്രപ്രാധാന്യമുള്ള മൂലമറ്റം സെന്റ് ജോസഫ്സ് കോളേജിലും അദ്ദേഹം എത്തിച്ചേരും. കോട്ടയം ജില്ലയിലെ രണ്ട് ദിവസത്തെ പര്യടനത്തിന് ശേഷമാണ് യാത്ര ഇടുക്കിയിലെത്തുന്നത്.

വൈക്കത്ത് നിന്ന് ആരംഭിച്ച യാത്ര പാലായിൽ സമാപിച്ചു. വിദ്യാഭ്യാസ സ്ഥാപനങ്ങൾ, റസിഡൻസ് അസോസിയേഷനുകൾ, സന്നദ്ധ സംഘടനകൾ തുടങ്ങി വിവിധ മേഖലകളിൽ നിന്നുള്ള നൂറുകണക്കിന് ആളുകൾ കോട്ടയം ജില്ലയിലെ പരിപാടികളിൽ പങ്കെടുത്തു. ഇടുക്കി ജില്ലയിലെ യാത്ര വൈകിട്ട് 5.30ന് മങ്ങാട്ടുകവലയിൽ നടക്കുന്ന പൊതുസമ്മേളനത്തോടെ സമാപിക്കും.

എസ്കെഎൻ ഫോർട്ടി കേരള യാത്ര: കോട്ടയം ജില്ലയിലെ ആദ്യദിന പര്യടനം സമാപിച്ചു

തുടർന്ന് 28ന് എറണാകുളം ജില്ലയിലേക്ക് യാത്ര തിരിക്കും. ലഹരിക്കെതിരെ ശക്തമായ സന്ദേശം നൽകുക എന്ന ലക്ഷ്യത്തോടെയാണ് എസ്കെഎൻ 40 കേരള യാത്ര സംഘടിപ്പിക്കുന്നത്. ലഹരിയുടെ ദൂഷ്യവശങ്ങളെക്കുറിച്ച് ജനങ്ങളെ ബോധവൽക്കരിക്കുകയും ലഹരി ഉപയോഗത്തിനെതിരെ സമൂഹത്തിൽ ഒരു ജനകീയ പ്രതിരോധം തുടങ്ങുകയുമാണ് യാത്രയുടെ പ്രധാന ലക്ഷ്യം.

ഇടുക്കി ജില്ലയിലെ യാത്രയും ജനങ്ങളുടെ സജീവ പങ്കാളിത്തത്തോടെ വിജയകരമാകുമെന്ന് പ്രതീക്ഷിക്കുന്നു. Story Highlights:

Twentyfour Chief Editor R Sreekandan Nair’s SKN 40 Kerala Yatra against drug abuse reaches Idukki district today.

എസ്കെഎൻ 40 കേരള യാത്രയുടെ ആദ്യഘട്ടം തൃശ്ശൂരിൽ സമാപിച്ചു