Thodupuzha Murder: Business Partner Arrested in Financial Dispute Case

തൊടുപുഴയിൽ ചുങ്കം സ്വദേശിയായ ബിജു ജോസഫിന്റെ കൊലപാതകവുമായി ബന്ധപ്പെട്ട് ബിസിനസ് പങ്കാളിയും കേസിലെ ഒന്നാം പ്രതിയുമായ ജോമോനെ പോലീസ് അറസ്റ്റ് ചെയ്തു. തട്ടിക്കൊണ്ടുപോകൽ, കൊലപാതകം, തെളിവ് നശിപ്പിക്കൽ തുടങ്ങിയ ഗുരുതര കുറ്റങ്ങളാണ് പ്രതിക്കെതിരെ ചുമത്തിയിരിക്കുന്നത്. കേസിലെ മറ്റ് രണ്ട് പ്രതികളായ മുഹമ്മദ് അസ്ലം, ബിബിൻ എന്നിവരും പോലീസ് കസ്റ്റഡിയിലാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നാലാമത്തെ പ്രതിയായ ആഷിക് നിലവിൽ കാപ്പ കേസിൽ എറണാകുളത്ത് റിമാൻഡിലാണ്. ബിസിനസ് പങ്കാളിത്തവുമായി ബന്ധപ്പെട്ട സാമ്പത്തിക തർക്കമാണ് കൊലപാതകത്തിലേക്ക് നയിച്ചതെന്ന് പോലീസ് അറിയിച്ചു. കൊല്ലപ്പെട്ട ബിജു ജോസഫിനെ കാണാതായതായി ബന്ധുക്കൾ നൽകിയ പരാതിയിലെ അന്വേഷണമാണ് കൊലപാതകത്തിന്റെ ചുരുളഴിച്ചത്.

പ്രതികളിലൊരാൾ നേരത്തെ ബിജുവിനെതിരെ വിവിധ പോലീസ് സ്റ്റേഷനുകളിൽ സാമ്പത്തിക തർക്കവുമായി ബന്ധപ്പെട്ട് പരാതി നൽകിയിരുന്നു. ബിജു ജോസഫിന്റെ മൃതദേഹം പുറത്തെടുത്ത് ഇൻക്വസ്റ്റ് നടപടികൾ പൂർത്തിയാക്കി. വ്യാഴാഴ്ച രാവിലെ കാറിലാണ് ബിജുവിനെ പ്രതികൾ തട്ടിക്കൊണ്ടുപോയത്.

ആഗോള അയ്യപ്പ സംഗമം ചരിത്രസംഭവമാകും: പി.എസ്. പ്രശാന്ത്

കാറിൽ വെച്ച് തന്നെ ബിജുവിനെ കൊലപ്പെടുത്തിയ ശേഷം മൃതദേഹം സെപ്റ്റിക് ടാങ്കിൽ ഒളിപ്പിക്കുകയായിരുന്നുവെന്നാണ് പോലീസിന്റെ പ്രാഥമിക നിഗമനം. ബിജുവിൽ നിന്ന് ലഭിക്കാനുള്ള പണം കൈക്കലാക്കാനാണ് ക്വട്ടേഷൻ നൽകിയതെന്നും അന്വേഷണത്തിൽ വ്യക്തമായിട്ടുണ്ട്.

Story Highlights: Business partner arrested in Thodupuzha murder case over financial dispute.