Kalamassery Polytechnic Drug Raid: New Details Emerge

കളമശ്ശേരി പോളിടെക്നിക് ഹോസ്റ്റലിൽ നടന്ന കഞ്ചാവ് വേട്ടയിൽ പുതിയ വിവരങ്ങൾ പുറത്തുവന്നിരിക്കുകയാണ്. ഹോസ്റ്റലിൽ കഞ്ചാവ് എത്തിച്ചതിന് പിടിയിലായ ഷാലിഖിന് 6000 രൂപ കമ്മീഷൻ ലഭിച്ചിരുന്നു എന്നാണ് പോലീസ് കണ്ടെത്തൽ. കൊച്ചിയിലെ വിവിധ കോളേജ് ഹോസ്റ്റലുകളിലേക്കും പോളിടെക്നിക് ഹോസ്റ്റലിൽ നിന്ന് കഞ്ചാവ് വിതരണം ചെയ്തിരുന്നതായും പോലീസ് അന്വേഷണത്തിൽ വ്യക്തമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പിടിയിലായ ഷാലിഖ് 18000 രൂപയ്ക്ക് ഒരു ബണ്ടിൽ കഞ്ചാവ് വാങ്ങി 24000 രൂപയ്ക്ക് വിദ്യാർത്ഥികൾക്ക് കൈമാറുകയായിരുന്നു എന്നാണ് മൊഴി. ഈ ഇടപാടിലൂടെ 6000 രൂപ ലാഭം ലഭിക്കുമെന്നും ഷാലിഖ് പോലീസിനോട് വെളിപ്പെടുത്തി. ഹോസ്റ്റലിൽ കഞ്ചാവ് എത്തിക്കുന്നത് മറ്റ് വിദ്യാർത്ഥികൾക്കും അറിയാമായിരുന്നുവെന്നും അന്വേഷണത്തിൽ കണ്ടെത്തിയിട്ടുണ്ട്.

കേസിലെ മുഖ്യപ്രതിയായ ഡ്രഗ് ഡീലർക്കായുള്ള അന്വേഷണം തുടരുകയാണെന്ന് പോലീസ് അറിയിച്ചു. ആലുവയിൽ താമസിക്കുന്ന ഇതര സംസ്ഥാനക്കാരനാണ് ഈ ഡ്രഗ് ഡീലർ എന്നാണ് സൂചന. ഇയാളുടെ മൊബൈൽ ഫോൺ സ്വിച്ച് ഓഫ് ആണെങ്കിലും ഉടൻ പിടികൂടുമെന്ന് പോലീസ് പ്രതീക്ഷ പ്രകടിപ്പിച്ചു.

കേസുമായി ബന്ധപ്പെട്ട് ഒരു വിദ്യാർത്ഥിനിയെ കൂടി പോലീസ് ചോദ്യം ചെയ്തു. റെയ്ഡിന്റെ സമയത്ത് “സാധനം സേഫ് അല്ലേ? ” എന്ന് ചോദിച്ച് ഫോണിൽ വിളിച്ച കോട്ടയം സ്വദേശിയായ വിദ്യാർത്ഥിനിയെയാണ് ചോദ്യം ചെയ്തത്.

എന്നാൽ, ഇവരെ പ്രതി ചേർക്കാൻ തെളിവില്ലെന്ന് പോലീസ് വ്യക്തമാക്കി. കൊച്ചിയിലെ വിവിധ കോളേജുകളിലേക്കും ഷാലിഖ് കഞ്ചാവ് എത്തിച്ചിരുന്നതായി പോലീസ് കണ്ടെത്തിയിട്ടുണ്ട്. ഷാലിഖിന്റെ അറസ്റ്റോടെ കൂടുതൽ വിദ്യാർത്ഥികളെ ചോദ്യം ചെയ്യാനുള്ള സാധ്യതയും പോലീസ് തള്ളിക്കളയുന്നില്ല.

Story Highlights: Police uncovered a drug distribution network operating from a polytechnic hostel in Kalamassery, Kochi.

മോഷണം നടത്താനെത്തിയ നാഗാലാൻഡ് സ്വദേശിയെ പിടികൂടി അതിഥി തൊഴിലാളികൾ