Encephalitis Outbreak: Kalamassery School Closed After Cases Confirmed

കളമശേരിയിലെ സ്വകാര്യ സ്കൂളിലെ വിദ്യാർത്ഥികൾക്ക് മസ്തിഷ്കജ്വരം സ്ഥിരീകരിച്ചതിനെത്തുടർന്ന് സ്കൂൾ അടച്ചിട്ടു. ഒന്നാം ക്ലാസിലും രണ്ടാം ക്ലാസിലും പഠിക്കുന്ന അഞ്ച് കുട്ടികളാണ് നിലവിൽ ചികിത്സയിലുള്ളത്. ഇവരിൽ രണ്ട് കുട്ടികളെ ഐസിയുവിൽ പ്രവേശിപ്പിച്ചിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഞായറാഴ്ച വരെ സ്കൂൾ അടച്ചിടുമെന്നും കുട്ടികളുടെ പരീക്ഷകൾ മാറ്റിവെച്ചിട്ടുണ്ടെന്നും അധികൃതർ അറിയിച്ചു. ശക്തമായ പനി, തലവേദന, വയറുവേദന തുടങ്ങിയ ലക്ഷണങ്ങൾ കണ്ടതിനെത്തുടർന്നാണ് കുട്ടികൾ ചികിത്സ തേടിയത്. എറണാകുളത്തെ സ്വകാര്യ ആശുപത്രികളിൽ നടത്തിയ പരിശോധനയിലാണ് ഇന്നലെ മസ്തിഷ്കജ്വരം സ്ഥിരീകരിച്ചത്.

രോഗം പകർച്ചവ്യാധിയായതിനാൽ രക്ഷിതാക്കൾക്കിടയിൽ ആശങ്ക പരക്കുകയും തുടർന്ന് സ്കൂൾ അടച്ചിടാൻ തീരുമാനിക്കുകയുമായിരുന്നു. മസ്തിഷ്കജ്വരം തലച്ചോറിലെ ചില കോശങ്ങളെ ബാധിക്കുന്ന അണുബാധയാണ്. ശക്തമായ കഴുത്ത് വേദന, ഭക്ഷണം ഇറക്കാൻ ബുദ്ധിമുട്ട്, കടുത്ത തലവേദന, ക്ഷീണം, ഓർമ്മക്കുറവ്, മനംപുരട്ടൽ, ഛർദ്ദി തുടങ്ങിയവയാണ് പ്രധാന ലക്ഷണങ്ങൾ.

രക്തപരിശോധന, സിടി സ്കാൻ, എംആർഐ സ്കാൻ തുടങ്ങിയ ഇമേജിംഗ് ടെസ്റ്റുകൾ വഴി രോഗനിർണയം നടത്താം. രോഗത്തിന്റെ ഉറവിടം കണ്ടെത്തുന്നതിനായി ആരോഗ്യവകുപ്പ് ഉദ്യോഗസ്ഥർ സ്കൂളിൽ പരിശോധന നടത്തും. സ്കൂളിലെ ജലവിതരണ പൈപ്പുകൾ ഉൾപ്പെടെയുള്ളവ വിശദമായി പരിശോധിക്കുമെന്ന് അധികൃതർ അറിയിച്ചു.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

കൂടുതൽ കുട്ടികൾക്ക് രോഗലക്ഷണങ്ങൾ ഉണ്ടോ എന്ന് നിരീക്ഷിക്കാനും ആരോഗ്യവകുപ്പ് നടപടികൾ സ്വീകരിച്ചിട്ടുണ്ട്.

Story Highlights: Encephalitis confirmed in Kalamassery school students, leading to school closure.

മുഖ്യമന്ത്രി പിണറായി വിജയനുമായി യുഎഇ മന്ത്രിയുടെ കൂടിക്കാഴ്ച