Hampi Gang Rape: 2 Arrested for Assaulting Israeli Tourist

ഹംപിയിലെ ഞെട്ടിക്കുന്ന സംഭവത്തിൽ വിദേശ വനിത ഉൾപ്പെടെ രണ്ട് സ്ത്രീകളെ കൂട്ടബലാത്സംഗം ചെയ്ത കേസിൽ രണ്ട് പ്രതികളെ പോലീസ് അറസ്റ്റ് ചെയ്തു. ഇസ്രായേലി യുവതിയും ഹോംസ്റ്റേ നടത്തിപ്പുകാരിയുമാണ് ക്രൂരമായ ആക്രമണത്തിന് ഇരയായത്. ഒപ്പമുണ്ടായിരുന്ന പുരുഷ സഞ്ചാരികളെ കനാലിലേക്ക് തള്ളിയിട്ട ശേഷമായിരുന്നു ബലാത്സംഗം. ഒഡീഷ സ്വദേശിയായ യുവാവിന്റെ മൃതദേഹം ഇന്ന് രാവിലെ കണ്ടെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കനാലിൽ വീണ ഇയാളെ കാണാതായതിനെ തുടർന്ന് രാത്രി മുഴുവൻ തിരച്ചിൽ നടത്തിയിരുന്നു. അമേരിക്കൻ പൗരനും മഹാരാഷ്ട്ര സ്വദേശിയും നീന്തി കരയ്ക്കെത്തി. നാലംഗ സംഘം ഹോംസ്റ്റേയിൽ താമസത്തിനെത്തിയതായിരുന്നു. സോനാർ തടാകത്തിനു സമീപം രാത്രി വാനനിരീക്ഷണത്തിന് പോയ സംഘത്തെ പെട്രോൾ പമ്പ് ചോദിച്ചെത്തിയ മൂന്ന് പേരാണ് ആക്രമിച്ചത്.

പമ്പിനെക്കുറിച്ച് അറിയില്ലെന്ന് പറഞ്ഞതോടെ പണം ആവശ്യപ്പെടുകയും എതിർത്തപ്പോൾ പുരുഷന്മാരെ കനാലിലേക്ക് തള്ളിയിടുകയുമായിരുന്നു. ഇസ്രായേലി യുവതിക്ക് 27 വയസ്സാണ്. അമേരിക്കൻ പൗരനും മഹാരാഷ്ട്ര, ഒഡീഷ സ്വദേശികളുമാണ് സംഘത്തിലുണ്ടായിരുന്നത്. ഹോംസ്റ്റേ നടത്തിപ്പുകാരി കർണാടക സ്വദേശിനിയാണ്.

രാഹുൽ വിഷയത്തിൽ പ്രതികരണവുമായി കെ.സി. വേണുഗോപാൽ

സായി മല്ലു, ചേതൻ സായി എന്നിവരെയാണ് പോലീസ് അറസ്റ്റ് ചെയ്തത്. മൂന്നാമത്തെ പ്രതി ഒളിവിലാണ്. ഗംഗാവതി പോലീസ് ആറ് സംഘങ്ങളായി തിരിഞ്ഞാണ് അന്വേഷണം നടത്തുന്നത്. സർക്കാർ ആശുപത്രിയിൽ ചികിത്സയിലുള്ള സ്ത്രീകളുടെ മൊഴി രേഖപ്പെടുത്തി.

ബലാത്സംഗം പരിശോധനയിലൂടെ സ്ഥിരീകരിച്ചതായി പോലീസ് അറിയിച്ചു. പ്രദേശവാസികളായ പ്രതികൾക്കായി തിരച്ചിൽ ഊർജിതമാക്കിയിട്ടുണ്ട്.

Story Highlights: Two arrested for gang-raping an Israeli tourist and a local woman in Hampi, Karnataka, after throwing their male companions into a canal, resulting in one death.

രാഹുൽ മാങ്കൂട്ടത്തിൽ കർണാടകയിൽ ഒളിവിൽ; കൂടുതൽ ബലാത്സംഗ പരാതികൾ ഉയരുന്നു