K. Sudhakaran slams CPI(M)'s move to sell public sector units in Kerala.

കേരളത്തിലെ പൊതുമേഖലാ സ്ഥാപനങ്ങൾ വിറ്റഴിക്കാനുള്ള സിപിഐഎമ്മിന്റെ നീക്കത്തിനെതിരെ ശക്തമായ ജനകീയ പ്രതിഷേധമുണ്ടാകുമെന്ന് കെപിസിസി പ്രസിഡന്റ് കെ. സുധാകരൻ എംപി. പൊതുമേഖലാ സ്ഥാപനങ്ങളുടെ വിൽപ്പനയ്ക്കെതിരെ മുൻപ് ശക്തമായ പ്രചാരണവും സമരങ്ങളും നടത്തിയ പാർട്ടിയാണ് ഇപ്പോൾ നിലപാട് മാറ്റിയിരിക്കുന്നതെന്നും അദ്ദേഹം കുറ്റപ്പെടുത്തി. കേരളത്തിന്റെ പൊതുസ്വത്താണ് പൊതുമേഖലാ സ്ഥാപനങ്ങൾ. ഭരണകാലാവധി അവസാനിക്കുമ്പോൾ അവ വിറ്റഴിക്കാനുള്ള മുഖ്യമന്ത്രിയുടെ നീക്കം കേരളത്തിൽ നടപ്പാകില്ലെന്നും സുധാകരൻ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിപിഐഎം ഇതുവരെ പറഞ്ഞതും പ്രചരിപ്പിച്ചതുമായ കാര്യങ്ങൾക്ക് വിരുദ്ധമായ നിലപാടാണ് ‘നവകേരളത്തെ നയിക്കാൻ പുതുവഴികൾ’ എന്ന രേഖയിലൂടെ മുഖ്യമന്ത്രി അവതരിപ്പിച്ചിരിക്കുന്നത്. സിപിഐഎം സമ്മേളനം അംഗീകാരം നൽകുന്നതോടെ സർക്കാർ ഈ നയം നടപ്പിലാക്കുമെന്നും സുധാകരൻ പറഞ്ഞു. സർക്കാരിന്റെ സാമ്പത്തിക പ്രതിസന്ധി മറികടക്കാൻ എന്തും ചെയ്യുന്ന അവസ്ഥയിലാണ് സിപിഐഎം. പൊതുജനങ്ങളെ തരംതിരിച്ച് എല്ലാത്തിനും ഫീസ് വർധിപ്പിക്കുന്ന നയമാണ് സർക്കാർ സ്വീകരിക്കുന്നത്. ഒമ്പത് ബജറ്റുകളിലായി നികുതി വർധിപ്പിച്ചതിലൂടെ ജനങ്ങൾ ദുരിതത്തിലാണ്.

ഈ സാഹചര്യത്തിലാണ് പുതിയ നികുതി നിർദ്ദേശങ്ങൾ മുന്നോട്ടുവയ്ക്കുന്നത്. പുതിയ നികുതികൾ നടപ്പാക്കുന്നതിന് മുമ്പ് ഈ സർക്കാരിനെ പുറത്താക്കാൻ കോൺഗ്രസ് ശ്രമിക്കുമെന്നും സുധാകരൻ കൂട്ടിച്ചേർത്തു. അധികാരത്തിനും പണത്തിനും വേണ്ടി മാത്രം പ്രവർത്തിക്കുക എന്നതാണ് സിപിഐഎമ്മിന്റെ പുതിയ നയം. അടിസ്ഥാന വർഗത്തെയും പരമ്പരാഗത വ്യവസായ മേഖലയെയും അവഗണിച്ച് കോർപറേറ്റുകളെയും മൂലധന നിക്ഷേപത്തെയും പാർട്ടി സ്വീകരിക്കുന്നു. ക്ഷേമം എന്ന വാക്കുപോലും പാർട്ടിക്ക് ഇപ്പോൾ അലർജിയാണെന്ന് സുധാകരൻ പറഞ്ഞു.

പി.എം. ശ്രീ വിഷയം: മുഖ്യമന്ത്രിയും ബിനോയ് വിശ്വവും ഇന്ന് ചർച്ച നടത്തും

സിപിഐഎമ്മും ബിജെപിയും തമ്മിൽ സാമൂഹിക, സാമ്പത്തിക, രാഷ്ട്രീയ നയങ്ങളിലും പ്രവർത്തനങ്ങളിലും വ്യത്യാസമില്ല. കൊല്ലത്ത് ചെങ്കൊടിയും കാവിക്കൊടിയും തമ്മിൽ കൂട്ടിക്കെട്ടിയ സംഭവം ഇതിന് ഉദാഹരണമാണ്. മോദി സർക്കാരിനെ ഫാസിസ്റ്റ് എന്ന് വിളിക്കാൻ പോലും സിപിഐഎം തയ്യാറല്ല. അവകാശങ്ങൾക്കായി സമരം ചെയ്യുന്ന ആശാവർക്കർമാരെ ഭീഷണിപ്പെടുത്തുന്നതും അധിക്ഷേപിക്കുന്നതും ഫാസിസത്തിന്റെ മാതൃകയാണ്. സിപിഐഎമ്മിലെയും മന്ത്രിസഭയിലെയും പല നേതാക്കളുടെയും പേരെടുത്ത് വിമർശിച്ചപ്പോൾ പിണറായി വിജയനും മുഹമ്മദ് റിയാസിനുമാണ് പ്രീതി.

ഗുരുതര ആരോപണ വിധേയനായ മുഖ്യമന്ത്രിക്കെതിരെ സിപിഐഎമ്മിന്റെ സംഘടനാ റിപ്പോർട്ടിൽ ഒരു വരി പോലും വിമർശനമെഴുതാൻ മടിക്കുന്നതാണ് ഇന്നവർ നേരിടുന്ന അപചയമെന്നും കെ. സുധാകരൻ പറഞ്ഞു.

Story Highlights: KPCC president K. Sudhakaran criticizes the CPI(M)’s move to sell off public sector undertakings in Kerala.

ശബരിമല, മാളികപ്പുറം മേൽശാന്തിമാരെ തെരഞ്ഞെടുത്തു; വലിയ ഭക്തജന തിരക്ക്

കോട്ടയം കുറവിലങ്ങാട് ടൂറിസ്റ്റ് ബസ് അപകടം; ഒരാൾ മരിച്ചു