പിണറായി വിജയൻ സർക്കാരിനെതിരെ രൂക്ഷവിമർശനവുമായി കോൺഗ്രസ് നേതാവ് കെ. മുരളീധരൻ രംഗത്ത്. സെക്രട്ടേറിയറ്റിന് മുന്നിലെ സമരങ്ങൾ സർക്കാരിനെതിരായ ജനവികാരത്തിന്റെ പ്രതിഫലനമാണെന്നും പി. ആർ വർക്കുകൾ കൊണ്ട് അധികാരത്തിൽ എത്താമെന്ന് മുഖ്യമന്ത്രി കരുതേണ്ടെന്നും അദ്ദേഹം പറഞ്ഞു.
മൂന്നാം തവണയും അധികാരത്തിൽ എത്തുമെന്ന് പറയാൻ അസാമാന്യ തൊലിക്കട്ടി വേണമെന്നും 2001 ലെ തിരഞ്ഞെടുപ്പ് ഫലം 2026 ൽ ആവർത്തിക്കുമെന്നും അദ്ദേഹം കൂട്ടിച്ചേർത്തു. ചെറുപ്പക്കാരെ മദ്യത്തിനും മയക്കുമരുന്നിനും കഞ്ചാവിനും അടിമപ്പെടുത്തുന്ന നയമാണ് സർക്കാരിന്റേതെന്നും ഡ്രഗ് മാഫിയയെ നിയന്ത്രിക്കാൻ പോലും സർക്കാരിന് കഴിയുന്നില്ലെന്നും മുരളീധരൻ ആരോപിച്ചു. ഇത്തരമൊരു സർക്കാരിനെ അധികാരത്തിൽ കൊണ്ടുവരാൻ ജനം അനുവദിക്കില്ലെന്നും പിആർ വർക്ക് കൊണ്ട് രക്ഷപ്പെടാൻ ആകില്ലെന്ന് പിണറായിക്ക് വൈകാതെ മനസ്സിലാകുമെന്നും അദ്ദേഹം കൂട്ടിച്ചേർത്തു. സ്റ്റാർട്ടപ്പ് അംഗീകാരങ്ങൾ കാശിറക്കി നടത്തുന്ന പിആർ വർക്കാണെന്നും സത്യവുമായി യാതൊരു ബന്ധവുമില്ലെന്നും അദ്ദേഹം പറഞ്ഞു.
സ്വർണ്ണക്കടത്തിൽ മുഖ്യമന്ത്രിയുടെ പങ്ക് വ്യക്തമാണെന്നും കോടതിക്ക് മുന്നിൽ കുറ്റക്കാരനായ വ്യക്തിയെ മുഖ്യമന്ത്രി പരസ്യമായി ന്യായീകരിക്കുകയാണെന്നും മുരളീധരൻ കുറ്റപ്പെടുത്തി. സ്റ്റാർട്ടപ്പിന് സഹായിച്ചത് ശിവശങ്കർ എന്ന് മുഖ്യമന്ത്രി പറയുന്നതിലൂടെ സ്വർണ്ണ കടത്തിലെ മുഖ്യമന്ത്രിയുടെ പങ്കാണ് ബലപ്പെടുന്നതെന്നും അദ്ദേഹം ചൂണ്ടിക്കാട്ടി. തൊഴിലാളി വർഗ്ഗത്തിന് പകരം മുതലാളിത്തത്തിനെ പുൽകുന്ന സർക്കാറായി പിണറായി മാറിയിരിക്കുന്നുവെന്നും മുരളീധരൻ വിമർശിച്ചു. മുഖ്യമന്ത്രി കോൺഗ്രസിനെ മതേതരത്വവും ജനാധിപത്യവും പഠിപ്പിക്കേണ്ടതില്ലെന്നും മോദി സർക്കാർ ഫാസിസ്റ്റ് അല്ല എന്ന് പറഞ്ഞ ഏക സർക്കാരാണ് പിണറായി സർക്കാരെന്നും മുരളീധരൻ പറഞ്ഞു.
യുഡിഎഫിന് ഭയാശങ്കകൾ ഇല്ലെന്നും യുഡിഎഫ് ഒറ്റക്കെട്ടായി തെരഞ്ഞെടുപ്പ് നേരിടുമെന്നും അദ്ദേഹം വ്യക്തമാക്കി. കമ്മ്യൂണിസ്റ്റ് ചരിത്രത്തിൽ പാർട്ടി രേഖയ്ക്കാണ് മുൻഗണന നൽകുന്നതെന്നും എന്നാൽ നടക്കാത്ത സ്വപ്നങ്ങളുടെ റിപ്പോർട്ട് ഉണ്ടാക്കി മുഖ്യമന്ത്രിയെക്കൊണ്ട് വായിപ്പിക്കുകയാണെന്നും അദ്ദേഹം ആരോപിച്ചു. പാർട്ടി സെക്രട്ടറിയെ നോക്കുകുത്തിയാക്കി ക്യാപ്റ്റൻ എന്ന് സ്വയം വിശേഷിപ്പിച്ച പിണറായി, സമ്മേളനത്തെ കൈക്കലാക്കിയെന്നും കമ്മ്യൂണിസ്റ്റ് ചരിത്രത്തിലെ ഏറ്റവും നാണംകെട്ട നടപടിയാണിതെന്നും മുരളീധരൻ കുറ്റപ്പെടുത്തി. സ്വർണ്ണക്കടത്തിൽ മുഖ്യമന്ത്രിക്കും കൈയുണ്ടെന്ന പ്രതിപക്ഷ ആരോപണം ശരിയാണെന്നും അദ്ദേഹം ആവർത്തിച്ചു.
Story Highlights: K. Muraleedharan criticizes Pinarayi Vijayan’s government, alleging reliance on PR and failure to address drug menace.
രാജ്യത്ത് ജനാധിപത്യ സംവിധാനം അട്ടിമറിക്കാനുള്ള നീക്കത്തിൽ നിന്നും കേന്ദ്രസർക്കാർ പിന്മാറണമെന്ന് സി.പി.ഐ.എം സംസ്ഥാന Read more
മുഖ്യമന്ത്രിയെ വേദിയിലിരുത്തി സിപിഐ സംസ്ഥാന സെക്രട്ടറി ബിനോയ് വിശ്വം പിഎം ശ്രീ പദ്ധതിയെ Read more
സിപിഐയെ പരോക്ഷമായി വിമർശിച്ച് മുഖ്യമന്ത്രി പിണറായി വിജയൻ. പദ്ധതികൾ നടപ്പാക്കുന്ന സർക്കാരാണിതെന്നും,അവ മുടക്കുന്നവരുടെ Read more
പി.എം. ശ്രീ പദ്ധതിയുടെ ധാരണാപത്രം ഒപ്പിട്ട വിഷയത്തിൽ സി.പി.ഐ മന്ത്രിമാർ മുഖ്യമന്ത്രി പിണറായി Read more
പി.എം. ശ്രീ പദ്ധതിയിൽ സി.പി.ഐയുടെ നിലപാടിനെ സ്വാഗതം ചെയ്ത് സണ്ണി ജോസഫ്. മന്ത്രി Read more
പി.എം. ശ്രീ വിഷയത്തിൽ മുഖ്യമന്ത്രിയുമായുള്ള കൂടിക്കാഴ്ചയിൽ പ്രശ്നപരിഹാരമുണ്ടായില്ലെന്ന് സി.പി.ഐ സംസ്ഥാന സെക്രട്ടറി ബിനോയ് Read more
പി.എം. ശ്രീ വിവാദത്തിൽ മുഖ്യമന്ത്രി പിണറായി വിജയൻ സി.പി.ഐ സംസ്ഥാന സെക്രട്ടറി ബിനോയ് Read more
പി.എം. ശ്രീ പദ്ധതിയിൽ സംസ്ഥാന സർക്കാർ പങ്കെടുത്തതിനെത്തുടർന്ന് സി.പി.ഐ മന്ത്രിസഭാ യോഗങ്ങളിൽ നിന്ന് Read more
പുതുപ്പള്ളി പഞ്ചായത്തും ചാണ്ടി ഉമ്മനും തമ്മിലുള്ള തർക്കം രൂക്ഷമാകുന്നു. വികസന പ്രവർത്തനങ്ങളിൽ പഞ്ചായത്ത് Read more
രാഹുൽ ഗാന്ധി ഉള്ളതുകൊണ്ടാണ് താൻ യൂത്ത് കോൺഗ്രസിലേക്ക് വന്നതെന്ന് അബിൻ വർക്കി പറഞ്ഞു. Read more
