ASHA Workers' Salary Dispute: Center vs. State

ആശാ വർക്കർമാരുടെ വേതനം മുടങ്ങുന്നതിന് സംസ്ഥാന സർക്കാരാണ് ഉത്തരവാദികളെന്ന് കേന്ദ്രസർക്കാർ ആരോപിച്ചു. കേന്ദ്ര ആരോഗ്യ മന്ത്രാലയം 938. 80 കോടി രൂപ അനുവദിച്ചിട്ടുണ്ടെന്നും ഇത് ബജറ്റ് വിഹിതത്തിനു പുറമെയാണെന്നും കേന്ദ്രം വ്യക്തമാക്കി. കഴിഞ്ഞ ഫെബ്രുവരിയിൽ 120 കോടി രൂപ അധികമായി കേരളത്തിന് നൽകിയിട്ടുണ്ടെന്നും കേന്ദ്ര ആരോഗ്യ മന്ത്രാലയം വ്യക്തമാക്കി. ആശാ വർക്കർമാരുടെ സമരം ശക്തമാകുന്നതിനിടെ, കേന്ദ്രസർക്കാരിന്റെ ഈ പ്രസ്താവന വന്നിരിക്കുന്നത് സംസ്ഥാന സർക്കാരിനെ പ്രതിരോധത്തിലാക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേന്ദ്രമന്ത്രി സുരേഷ് ഗോപി കേന്ദ്ര ആരോഗ്യമന്ത്രി ജെ. പി. നദ്ദയുമായി ചർച്ച നടത്തിയതിന് പിന്നാലെയാണ് കേന്ദ്രസർക്കാരിന്റെ ഈ വിശദീകരണം. കേരളത്തോട് ഒരു തരത്തിലുള്ള അവഗണനയും കാണിച്ചിട്ടില്ലെന്നും അനുവദിച്ചതിനേക്കാൾ കൂടുതൽ തുക നൽകിയിട്ടുണ്ടെന്നും കേന്ദ്ര ആരോഗ്യ മന്ത്രാലയം വാദിക്കുന്നു. സംസ്ഥാനത്തെ ആശാ വർക്കർമാരുടെ വേതന പ്രശ്നത്തിന് കാരണം കേന്ദ്രസർക്കാരാണെന്ന് ആരോഗ്യമന്ത്രി വീണാ ജോർജ് ആരോപിച്ചിരുന്നു.

ഡൽഹിയിൽ നടക്കുന്ന സമരത്തിൽ താനും പങ്കെടുക്കുമെന്ന് വീണാ ജോർജ് പറഞ്ഞതിന് പിന്നാലെയാണ് കേന്ദ്ര ആരോഗ്യ മന്ത്രാലയത്തിന്റെ മറുപടി. കേരളത്തിന് കിട്ടേണ്ട ഒരു രൂപ പോലും കേന്ദ്രം തടഞ്ഞുവച്ചിട്ടില്ലെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ പറഞ്ഞു. പിണറായി വിജയനും വീണാ ജോർജും എല്ലാം കേന്ദ്രത്തിന്റെ തലയിലിട്ട് രക്ഷപ്പെടാൻ ശ്രമിക്കുകയാണെന്നും അദ്ദേഹം കുറ്റപ്പെടുത്തി. വ്യാജ പ്രചരണത്തിലൂടെ സമരം അട്ടിമറിക്കാൻ ആരെയും അനുവദിക്കില്ലെന്നും സുരേന്ദ്രൻ പറഞ്ഞു.

തിരുവനന്തപുരത്ത് എൽഡിഎഫ് സ്ഥാനാർത്ഥിക്ക് ലഹരിസംഘത്തിൻ്റെ ആക്രമണം; നിരവധി പേർക്ക് പരിക്ക്

കേന്ദ്രം കൊടുക്കുന്ന പണമല്ലാതെ എന്ത് പണമാണ് സംസ്ഥാനം ആരോഗ്യമേഖലയ്ക്ക് നീക്കിവെച്ചതെന്നും അദ്ദേഹം ചോദിച്ചു. എൻഎച്ച്എം കൊടുക്കുന്ന ഫണ്ടല്ലാതെ എന്താണ് സംസ്ഥാനത്തിന്റെ നീക്കിയിരിപ്പെന്നും കെ. സുരേന്ദ്രൻ ചോദിച്ചു. ഇത്തവണത്തെ കേന്ദ്ര ബജറ്റിൽ 16% തുക കേരളത്തിന് അധികമായി അനുവദിച്ചിട്ടുണ്ട്. തൊഴിലുറപ്പ് പദ്ധതിയുടെ കാര്യത്തിലെന്ന പോലെ ആശാ വർക്കർമാരുടെ കാര്യത്തിലും സിപിഐഎം കള്ളപ്രചാരണം നടത്തുകയാണെന്നും അദ്ദേഹം ആരോപിച്ചു.

കേന്ദ്രത്തിന് കണക്ക് കൃത്യമായി കൊടുക്കാതെ കേന്ദ്ര അവഗണനയെന്ന് പറഞ്ഞ് ജനങ്ങളെ പറ്റിക്കുകയാണ് സംസ്ഥാന സർക്കാരെന്നും സുരേന്ദ്രൻ വിമർശിച്ചു. ആശാ വർക്കർമാരുടെ വേതന വിതരണത്തിലെ കാലതാമസത്തിന് സംസ്ഥാന സർക്കാരിന്റെ കെടുകാര്യസ്ഥതയാണ് കാരണമെന്ന് കേന്ദ്രസർക്കാർ ആരോപിക്കുന്നു.

Story Highlights: The central government blames the state government for the delay in ASHA workers’ salaries, stating they have allocated sufficient funds.

ഗർഭിണി കൊലക്കേസിൽ രണ്ടാം പ്രതി രജയ്ക്കും വധശിക്ഷ വിധിച്ച് കോടതി

സ്വർണവിലയിൽ ഇടിവ്; പവന് 400 രൂപ കുറഞ്ഞു