PC George Surrenders in Court After Hate Speech Charges

പി. സി. ജോർജ് ഈരാറ്റുപേട്ട കോടതിയിൽ കീഴടങ്ങി. ചാനൽ ചർച്ചയ്ക്കിടെ മതവിദ്വേഷ പരാമർശം നടത്തിയതിനെ തുടർന്നാണ് നടപടി. യൂത്ത് ലീഗ് മണ്ഡലം കമ്മിറ്റിയുടെ പരാതിയിൽ മതസ്പർധ വളർത്തൽ, കലാപാഹ്വാനം തുടങ്ങിയ വകുപ്പുകൾ ചുമത്തിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പി. സി. ജോർജിന്റെ മുൻകൂർ ജാമ്യാപേക്ഷ ഹൈക്കോടതിയും തള്ളിയിരുന്നു. തുടർന്ന് പൊലീസ് അറസ്റ്റിലേക്ക് നീങ്ങുന്ന സാഹചര്യത്തിലാണ് കീഴടങ്ങൽ. മുസ്ലിം വിരുദ്ധ പരാമർശങ്ങളാണ് ചർച്ചയ്ക്കിടെ നടത്തിയതെന്നാണ് പരാതി.

പൂഞ്ഞാറിലെ വീട്ടിൽ നോട്ടീസ് നൽകാൻ പാലാ ഡിവൈഎസ്പി നേരിട്ടെത്തിയെങ്കിലും പി. സി. ജോർജ് അവിടെ ഉണ്ടായിരുന്നില്ല. പിന്നീട് മകൻ അഡ്വ. ഷോൺ ജോർജ് മുഖേന തിങ്കളാഴ്ച നേരിട്ട് ഹാജരാകാമെന്ന് ഡിവൈഎസ്പിക്ക് കത്ത് നൽകി.

ആരോഗ്യപ്രശ്നങ്ങൾ ചൂണ്ടിക്കാട്ടി സാവകാശം അഭ്യർത്ഥിച്ചെങ്കിലും പോലീസ് മറുപടി നൽകിയില്ല. സമൂഹ മാധ്യമങ്ങളിൽ പി. സി. ജോർജ് മാപ്പ് പറഞ്ഞിരുന്നെങ്കിലും യൂത്ത് ലീഗ് പരാതി നൽകിയതിനെ തുടർന്ന് ഈരാറ്റുപേട്ട പൊലീസ് കേസെടുത്തു. ജില്ലാ കോടതിയിലും ഹൈക്കോടതിയിലും മുൻകൂർ ജാമ്യാപേക്ഷ തള്ളിയതോടെയാണ് കീഴടങ്ങൽ.

സിനിമയിൽ അവസരം വാഗ്ദാനം ചെയ്തു പീഡിപ്പിക്കാൻ ശ്രമം; അസോസിയേറ്റ് ഡയറക്ടർക്കെതിരെ പരാതി

ചാനൽ ചർച്ചയിലെ പരാമർശം വലിയ വിവാദമായിരുന്നു.

Story Highlights: PC George surrendered in Erattupetta court following hate speech charges during a TV channel discussion.

ശബരിമല സംരക്ഷണ സംഗമം: ശാന്താനന്ദയ്ക്കെതിരെ കേസ്