Shashi Tharoor Row: High Command Intervenes in Kerala Congress

ശശി തരൂരിനെ അവഗണിക്കാൻ ഹൈക്കമാൻഡ് നിർദേശം നൽകിയിരിക്കുന്നതായി റിപ്പോർട്ടുകൾ സൂചിപ്പിക്കുന്നു. സംസ്ഥാന നേതാക്കൾ മറുപടി പറഞ്ഞ് പ്രശ്നം വഷളാക്കരുതെന്നും കരുതലോടെ പ്രതികരിക്കണമെന്നും ഹൈക്കമാൻഡ് നിർദേശിച്ചിട്ടുണ്ട്. തരൂരിനെ പാർട്ടിയിലേക്ക് കൊണ്ടുവന്നത് താൻ കെപിസിസി പ്രസിഡന്റായിരുന്ന കാലത്താണെന്ന് രമേശ് ചെന്നിത്തല പറഞ്ഞു. തരൂരിനെ എംപിയായതും മന്ത്രിയാക്കിയതും പാർട്ടിക്ക് അനിവാര്യനായതുകൊണ്ടാണെന്നും അദ്ദേഹം കൂട്ടിച്ചേർത്തു. പാർട്ടിക്ക് തന്നെ വേണ്ടെങ്കിൽ തനിക്ക് മുന്നിൽ മറ്റു വഴികൾ ഉണ്ടെന്ന് ശശി തരൂർ ഇന്ത്യൻ എക്സ്പ്രസിനോട് പ്രതികരിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളത്തിൽ കോൺഗ്രസിന് മികച്ച നേതൃത്വം ഇല്ലെന്ന പ്രവർത്തകരുടെ ആശങ്കയും അദ്ദേഹം പങ്കുവെച്ചു. സ്വന്തം വോട്ടുകൾ കൊണ്ട് മാത്രം കോൺഗ്രസിന് തിരഞ്ഞെടുപ്പ് ജയിക്കാനാകില്ലെന്നും തരൂർ ചൂണ്ടിക്കാട്ടി. ശശി തരൂരിന്റെ മനസ്സിൽ എന്തെങ്കിലും ഉണ്ടെങ്കിൽ പരിഹരിച്ചു കൂടെ നിർത്തണമെന്നും അദ്ദേഹത്തിന്റെ സേവനം ആവശ്യമാണെന്നും കെ. മുരളീധരൻ അഭിപ്രായപ്പെട്ടു. ആരും പാർട്ടിയിൽ നിന്ന് പുറത്തു പോകാൻ പാടില്ലെന്നും അദ്ദേഹം കൂട്ടിച്ചേർത്തു.

തരൂരുമായി ബന്ധപ്പെട്ട് ഒരു വിവാദത്തിനില്ലെന്നായിരുന്നു രമേശ് ചെന്നിത്തലയുടെ പ്രതികരണം. കെപിസിസി പ്രസിഡന്റ് കെ. സുധാകരൻ വിഷയത്തിൽ പ്രതികരിച്ചില്ല. രാഹുൽ ഗാന്ധിയുമായുള്ള കൂടിക്കാഴ്ച ശേഷം തരൂർ പരസ്യ പ്രതികരണം നടത്തിയിട്ടില്ല. വിഷയത്തിൽ കെ.

കേരളത്തിൽ ഒമ്പത് ജില്ലകളിൽ ഓറഞ്ച് അലർട്ട്; അതിശക്തമായ മഴയ്ക്ക് സാധ്യത

സി. വേണുഗോപാൽ എംപിയും പ്രതികരിച്ചില്ല. മാധ്യമങ്ങളാണ് മനപൂർവം പ്രശ്നങ്ങൾ ഉണ്ടാക്കുന്നതെന്ന് കെ. സി. വേണുഗോപാൽ വിമർശിച്ചു.

നോ കമന്റ്സ് എന്നായിരുന്നു മാധ്യമപ്രവർത്തകർക്ക് നൽകിയ മറുപടി. അതേസമയം, ശശി തരൂരിനെ പിന്തുണച്ച് സിപിഐഎം നേതാക്കൾ രംഗത്തെത്തിയിരുന്നു. ശശി തരൂരിന്റെ ലേഖന വിവാദത്തിന് കെട്ടടങ്ങുമുൻപാണ് സംസ്ഥാന നേതൃത്വത്തെ ഞെട്ടിച്ച് ശശി തരൂരിന്റെ അടുത്ത പ്രതികരണം എത്തിയത്. ഇന്ത്യൻ എക്സ്പ്രസിന്റെ മലയാളം പോഡ്കാസ്റ്റിലായിരുന്നു തരൂരിന്റെ പ്രതികരണം. പരിശ്രമിച്ചില്ലെങ്കിൽ കോൺഗ്രസിന് കേരളത്തിൽ മൂന്നാമത്തെ തവണയും പ്രതിപക്ഷത്ത് ഇരിക്കേണ്ടിവരുമെന്ന് തരൂർ പറഞ്ഞു.

Story Highlights: Congress high command instructs Kerala leaders to handle the Shashi Tharoor issue cautiously and avoid escalating the situation.

പേടിഎം തട്ടിപ്പ്: കൂടുതൽ പരാതിക്കാർ രംഗത്ത്