Petrol Pump Employee Attacked in Alappuzha, 2 Arrested

ചെങ്ങന്നൂരിലെ പെട്രോൾ പമ്പിൽ ജീവനക്കാരനെ ക്രൂരമായി മർദ്ദിച്ച കേസിൽ രണ്ട് യുവാക്കളെ പോലീസ് അറസ്റ്റ് ചെയ്തു. 50 രൂപയുടെ പെട്രോൾ അടിച്ച ശേഷം ബാക്കി പണം തിരികെ നൽകാൻ വൈകിയതിനെ തുടർന്നാണ് 79 വയസുള്ള പമ്പ് ജീവനക്കാരനായ മണിയെ യുവാക്കൾ മർദ്ദിച്ചത്. പത്തനംതിട്ട സ്വദേശികളായ 19 വയസുകാരായ രണ്ട് യുവാക്കളാണ് അറസ്റ്റിലായത്. പത്തനംതിട്ട കോട്ടങ്കൽ കുളത്തൂർ മാലംപുറത്തുഴത്തിൽ വീട്ടിൽ 19 കാരൻ അജു അജയൻ, പുല്ലാട് ബിജു ഭവനത്തിൽ 19കാരൻ ബിനു എന്നിവരാണ് അറസ്റ്റിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ 19ന് രാത്രി 12. 30നാണ് സംഭവം നടന്നത്. രൂപമാറ്റം വരുത്തിയ നമ്പർ പ്ലേറ്റുള്ള ബൈക്കിലെത്തിയ പ്രതികൾ 500 രൂപ നൽകി 50 രൂപയുടെ പെട്രോൾ അടിക്കാൻ ആവശ്യപ്പെട്ടു. ചില്ലറ നൽകാൻ ബുദ്ധിമുട്ടാകുമെന്ന് ജീവനക്കാരൻ ആദ്യം അറിയിച്ചെങ്കിലും പിന്നീട് 50 രൂപയ്ക്ക് പെട്രോൾ നൽകി.

എന്നാൽ, ബാക്കി 450 രൂപ തിരികെ നൽകാൻ വൈകിയതിൽ പ്രകോപിതരായ പ്രതികൾ മണിയെ ക്രൂരമായി മർദ്ദിക്കുകയായിരുന്നു. നിരവധി സി. സി. ടി.

കൊടുവള്ളി തട്ടിക്കൊണ്ടുപോകൽ കേസ്: ഒരാൾ കൂടി അറസ്റ്റിൽ

വി ദൃശ്യങ്ങൾ പരിശോധിച്ചും മറ്റു ശാസ്ത്രീയമായ അന്വേഷണങ്ങൾ നടത്തിയുമാണ് പ്രതികളെ പോലീസ് കണ്ടെത്തിയത്. ചെങ്ങന്നൂർ പോലീസ് സ്റ്റേഷൻ ഇൻസ്പെക്ടർ വിപിൻ. എ. സിയുടെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

പ്രതികൾ നിരവധി മോഷണക്കേസുകളിൽ ഉൾപ്പെട്ടവരാണെന്ന് പോലീസ് അറിയിച്ചു. സംഭവത്തിൽ വിശദമായ അന്വേഷണം നടന്നുവരികയാണ്.

Story Highlights: Two 19-year-olds arrested for brutally attacking a 79-year-old petrol pump employee in Chengannur, Alappuzha, after a delay in returning change.

ബെംഗളൂരു ചിന്നസ്വാമി സ്റ്റേഡിയം അപകടം: ആർ സി ബി മാർക്കറ്റിംഗ് മാനേജർ അറസ്റ്റിൽ