Kottayam Car Passenger Assault: 19-Year-Old Hospitalized

കോട്ടയം പരുത്തുംപാറ പാറക്കുളത്ത് വെച്ച് വെള്ളിയാഴ്ച ഉച്ചയ്ക്ക് ഒന്നരയോടെയാണ് സംഭവം നടന്നത്. സ്വകാര്യ എൻജിനീയറിങ് കോളേജിലെ ഒന്നാം വർഷ വിദ്യാർത്ഥിയായ ആഷിക് ബൈജുവിന് നേരെയാണ് കാർ യാത്രക്കാരന്റെ ക്രൂര മർദ്ദനം ഉണ്ടായത്. ഹോസ്റ്റലിൽ താമസിച്ചു പഠിക്കുന്ന ആഷിക് ആഴ്ചയിൽ ഒരു ദിവസം വീട്ടിൽ പോകാറുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബൈക്കിന് പെട്രോൾ അടിക്കാനായി പോകുന്നതിനിടെയാണ് അപകടം നടന്നത്. ബൈക്കിന് മുന്നിൽ പോയ ഓട്ടോ വലത്തേക്ക് വെട്ടിച്ചപ്പോൾ ഒഴിഞ്ഞുമാറാൻ ശ്രമിച്ച ബൈക്ക് കാറിൽ ഇടിച്ചു. തുടർന്ന് കാറിൽ നിന്നിറങ്ങിയ യാത്രക്കാരൻ ആഷികിനെ മർദ്ദിക്കുകയായിരുന്നു.

മർദ്ദനമേറ്റ 19-കാരനായ ആഷിക് ഇടുക്കി സ്വദേശിയാണ്. ക്രൂരമായി പരുക്കേറ്റ ആഷികിനെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പൊലീസ് പരാതി പ്രകാരം, കാറിലുണ്ടായിരുന്നയാൾ ആഷികിനെ ചവിട്ടി വീഴ്ത്തിയതായി പറയുന്നു.

സിസിടിവി ദൃശ്യങ്ങളിൽ മർദ്ദനത്തിന്റെ ദൃശ്യങ്ങൾ പതിഞ്ഞിട്ടുണ്ട്. ഈ ദൃശ്യങ്ങൾ പുറത്തുവന്നതോടെ സംഭവം വലിയ ചർച്ചയായിരിക്കുകയാണ്. പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

കോട്ടയം അയർക്കുന്നത്ത് ഭാര്യയെ കൊലപ്പെടുത്തി കുഴിച്ചുമൂടി; ഭർത്താവ് അറസ്റ്റിൽ

Story Highlights: 19-year-old student brutally assaulted by a car passenger in Kottayam after a minor accident.

കോട്ടയത്ത് സുരേഷ് ഗോപിയുടെ വാഹനം തടഞ്ഞു; പിന്നാലെ ഓടിയെത്തിയ ആളെ ബിജെപി പ്രവർത്തകർ പിടിച്ചുമാറ്റി