Kerala's 4-Year Degree Syllabus Under Review

ഉന്നത വിദ്യാഭ്യാസ മന്ത്രി ഡോ. ആർ. ബിന്ദു നാലുവർഷ ബിരുദ പ്രോഗ്രാമിന്റെ സിലബസുകൾ സമഗ്രമായി പരിശോധിക്കുന്നതിനുള്ള പദ്ധതി പ്രഖ്യാപിച്ചു. സർവ്വകലാശാലകൾ ഒരു പോർട്ടൽ ആരംഭിച്ച് സിലബസ് അവലോകനത്തിന് വിദ്യാർത്ഥികളുടെയും അധ്യാപകരുടെയും അഭിപ്രായങ്ങൾ ശേഖരിക്കും. കൂടാതെ, പഠന-പാഠ്യേതര-പരീക്ഷാ-മൂല്യനിർണ്ണയ രീതികളിലും മാറ്റങ്ങൾ നിർദ്ദേശിച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംസ്ഥാനത്തെ എല്ലാ കോളേജുകളിലെ അധ്യാപകർക്കും പുതിയ രീതികളെക്കുറിച്ചുള്ള പരിശീലനം നൽകാനും തീരുമാനിച്ചു.
സർവ്വകലാശാലകൾ തയ്യാറാക്കിയ നാലുവർഷ ബിരുദ പ്രോഗ്രാം സിലബസുകൾ സമഗ്രമായി അവലോകനം ചെയ്യാൻ ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ. ബിന്ദു തീരുമാനിച്ചതായി അറിയിച്ചു. സിലബസുകളുടെ ഗുണനിലവാരം ഉറപ്പാക്കുകയും ഓരോ കോഴ്സിനും അനുയോജ്യമായ ജ്ഞാനം, നൈപുണ്യം, അഭിരുചി എന്നിവ വിദ്യാർത്ഥികൾ ആർജ്ജിക്കുന്നുണ്ടെന്ന് ഉറപ്പാക്കുക എന്നതാണ് ലക്ഷ്യം.

ഈ അവലോകനത്തിനായി സർവ്വകലാശാലകൾ ഒരു പോർട്ടൽ ആരംഭിക്കും. ()
ഈ പോർട്ടലിലൂടെ വിദ്യാർത്ഥികൾ, അധ്യാപകർ, പൊതുജനം എന്നിവർക്ക് സർവ്വകലാശാലാ സിലബസിനെക്കുറിച്ചുള്ള അഭിപ്രായങ്ങളും നിർദ്ദേശങ്ങളും നൽകാൻ കഴിയും. ഈ അഭിപ്രായങ്ങളും നിർദ്ദേശങ്ങളും അതത് പഠന ബോർഡുകൾ പരിഗണിക്കും. തുടർന്ന് എല്ലാ സർവ്വകലാശാലാ പഠന ബോർഡുകളും സ്വന്തം സിലബസ് സമഗ്രമായി അവലോകനം ചെയ്ത് ആവശ്യമായ നടപടികൾ സ്വീകരിക്കും.
തിരഞ്ഞെടുത്ത കോഴ്സുകൾ സംസ്ഥാന തലത്തിൽ ഉന്നത വിദ്യാഭ്യാസ കൗൺസിലിന്റെ നേതൃത്വത്തിൽ റിവ്യൂ ചെയ്യും.

സാങ്കേതിക സർവകലാശാല വിസി നിയമനം: മുൻഗണനാ പട്ടിക തയ്യാറാക്കി മുഖ്യമന്ത്രി

പ്രൊഫ. സുരേഷ് ദാസിന്റെ അധ്യക്ഷതയിലാണ് ഈ അവലോകനം നടക്കുക. നാലുവർഷ ബിരുദം നടപ്പിലാക്കിയതിന്റെ ഭാഗമായി പഠന-പാഠ്യേതര-പരീക്ഷാ-മൂല്യനിർണ്ണയ രീതികളിൽ വലിയ മാറ്റങ്ങൾ നിർദ്ദേശിച്ചിട്ടുണ്ട്. ()
സംസ്ഥാനത്തെ മുഴുവൻ സർക്കാർ, എയ്ഡഡ്, സ്വാശ്രയ കോളേജുകളിലെ അധ്യാപകർക്കും ഈ മാറ്റങ്ങളെക്കുറിച്ച് പരിശീലനം നൽകാനും യോഗം തീരുമാനിച്ചു. ടീച്ചിംഗ് ആൻഡ് ലേണിംഗ് സെന്റർ ഓഫ് എക്സലൻസിന്റെയും സർവ്വകലാശാലയുടെയും കോളേജ് വിദ്യാഭ്യാസ വകുപ്പിന്റെയും സംയുക്ത നേതൃത്വത്തിലാണ് പരിശീലന പരിപാടികൾ നടക്കുക.

വിദ്യാർത്ഥികളുടെ അന്തർ സർവ്വകലാശാലാ-കോളേജ് മാറ്റം, എൻ മൈനസ് വൺ സെമസ്റ്റർ, ഓൺലൈൻ കോഴ്സുകൾ എന്നിവ നടപ്പിലാക്കുന്നതു സംബന്ധിച്ച് സ്റ്റാൻഡേഡ് ഓപ്പറേറ്റിംഗ് പ്രൊസീജ്യർ (SOP) തയ്യാറാക്കാൻ എഫ് വൈ യു ജി പി മോണിറ്ററിങ് കമ്മിറ്റിയെ ചുമതലപ്പെടുത്തി. എല്ലാ സർവ്വകലാശാലകളും കെ-റീപ്പിലേക്ക് മാറാനും തീരുമാനിച്ചു. ബിബിഎ, ബിസിഎ കോഴ്സുകൾ സംബന്ധിച്ച എഐസിടിഇ റെഗുലേഷൻ നടപ്പാക്കുന്നതു സംബന്ധിച്ച് സർവ്വകലാശാലാ തലത്തിൽ പഠനം നടത്തുമെന്നും മന്ത്രി അറിയിച്ചു.
ഈ അക്കാദമിക വർഷം മുതൽ ആരംഭിച്ച നാലുവർഷ ബിരുദ പ്രോഗ്രാമിന്റെ പുരോഗതി വിലയിരുത്തുന്നതിനായി ഉന്നതവിദ്യാഭ്യാസ വകുപ്പിന്റെ ആഭിമുഖ്യത്തിലായിരുന്നു യോഗം. യോഗത്തിൽ ഉന്നതവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി, സർവ്വകലാശാലാ വൈസ് ചാൻസലർമാർ, രജിസ്ട്രാർമാർ, പരീക്ഷാ കൺട്രോളർമാർ, സിൻഡിക്കേറ്റ് അംഗങ്ങൾ, എഫ് വൈ യു ജി പി കമ്മിറ്റി പ്രതിനിധികൾ, ഉന്നതവിദ്യാഭ്യാസ കൗൺസിലിന്റെയും കോളേജ് വിദ്യാഭ്യാസ വകുപ്പിന്റെയും പ്രതിനിധികൾ എന്നിവർ പങ്കെടുത്തു.

സ്വർണവില കുത്തനെ ഇടിഞ്ഞു; ഒരു പവൻ 91,720 രൂപയായി!

Story Highlights: Kerala’s Higher Education Minister announces a comprehensive review of four-year undergraduate program syllabuses.

കേരളത്തെ സംബന്ധിച്ച് ഇനി ഒരസാധ്യവുമില്ലെന്ന് മുഖ്യമന്ത്രി പിണറായി വിജയൻ