Kerala's Digital Land Survey: A National Model

കേരളത്തിന്റെ ഡിജിറ്റൽ ഭൂരേഖാ പദ്ധതിയായ ‘എന്റെ ഭൂമി’ രാജ്യത്തിന് മാതൃകയാണെന്ന് റവന്യു മന്ത്രി രാജൻ പറഞ്ഞു. ഏകീകൃത പോർട്ടലിലൂടെ ഡിജിറ്റൽ ലാൻഡ് സർവേ സാധ്യമാക്കുന്നതിൽ കേരളം മുൻപന്തിയിലാണെന്നും അദ്ദേഹം കൂട്ടിച്ചേർത്തു. തിരുവനന്തപുരത്ത് പുതുച്ചേരി സർവേ ഉദ്യോഗസ്ഥർക്കായി സംഘടിപ്പിച്ച പരിശീലന പരിപാടിയുടെ ഉദ്ഘാടന വേളയിലായിരുന്നു മന്ത്രിയുടെ പ്രസ്താവന. ഡിജിറ്റൽ ഭൂവിനിയോഗത്തിലൂടെ സാമൂഹ്യ വികസനം, സാമ്പത്തിക വളർച്ച, ഭൂമി തർക്കങ്ങളുടെ പരിഹാരം, തദ്ദേശതല വികസനം എന്നിവ സാധ്യമാകുമെന്ന് മന്ത്രി ചൂണ്ടിക്കാട്ടി. 2021-ൽ ആരംഭിച്ച ഈ പദ്ധതി പൂർണ്ണമായും സംസ്ഥാന സർക്കാർ ഫണ്ട് ഉപയോഗിച്ചാണ് നടപ്പാക്കിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കൃത്യമായ സർവേ പ്രക്രിയ ഉറപ്പുവരുത്തുന്നതിനായി 28 കണ്ടിന്യുസിലി ഓപ്പറേറ്റിങ് റഫറൻസ് സ്റ്റേഷനുകൾ, റിയൽ ടൈം കൈനമാറ്റിക് സംവിധാനങ്ങൾ, 200 റോബോട്ടിക് ടോട്ടൽ സ്റ്റേഷനുകൾ തുടങ്ങിയ ആധുനിക ഉപകരണങ്ങൾ ഉപയോഗിക്കുന്നുണ്ട്. സോഫ്റ്റ്വെയർ അധിഷ്ഠിത ഓൺസൈറ്റ് ഡാറ്റാ പ്രോസസ്സിംഗ് സംവിധാനങ്ങളും നിലവിലുണ്ട്. പ്രവർത്തനങ്ങൾ ഏകോപിപ്പിക്കുന്നതിന് സർവേ ഡയറക്ടറേറ്റിൽ കേന്ദ്രീകൃത മോണിറ്ററിങ് കൺട്രോൾ സെന്ററും പ്രവർത്തിക്കുന്നു. ആന്ധ്രപ്രദേശ്, പുതുച്ചേരി, തമിഴ്നാട്, അസം തുടങ്ങിയ സംസ്ഥാനങ്ങൾ കേരളത്തിന്റെ സർവേ മോണിറ്ററിങ് സംവിധാനങ്ങൾ പഠിക്കാൻ താൽപര്യം പ്രകടിപ്പിച്ചിട്ടുണ്ട്. കേന്ദ്ര ഭൂവിഭവ വകുപ്പ്, ആസാമിന് സർവേ സംബന്ധമായ സഹായങ്ങൾ നൽകാൻ കേരളത്തെ ചുമതലപ്പെടുത്തിയിട്ടുണ്ട്.

അപൂർവ്വ രോഗ ചികിത്സയ്ക്ക് വിഷുക്കൈനീട്ടം പദ്ധതിയുമായി ആരോഗ്യ വകുപ്പ്

ഭൂവിനിയോഗത്തിലും ഡിജിറ്റൽ സർവേയിലും കേരളത്തിന്റെ നേതൃത്വം വ്യക്തമാണെന്ന് മന്ത്രി അഭിപ്രായപ്പെട്ടു. ഡിജിറ്റൽ റീസർവേ പൂർത്തിയായ വില്ലേജുകളിൽ ഭൂമി ഇടപാടുകൾക്ക് ‘എന്റെ ഭൂമി’ പോർട്ടൽ വഴി അപേക്ഷിക്കണമെന്ന് റവന്യു വകുപ്പ് നിർദേശിച്ചിട്ടുണ്ട്. ഭൂമി വിൽക്കുമ്പോൾ തന്നെ പോക്കുവരവ് നടത്തുന്ന സംവിധാനവും നിലവിൽ വരും. പ്രീമ്യൂട്ടേഷൻ സ്കെച്ച് ഇല്ലാതെ ഇനി ഭൂമി വിൽക്കാനാകില്ല. ഉടമസ്ഥത മാറുന്ന ഭൂമിയുടെ വിസ്തീർണ്ണ വ്യത്യാസമനുസരിച്ച് സർവേ സ്കെച്ചിലും മാറ്റം വരും.

പോക്കുവരവിന് പ്രത്യേകം അപേക്ഷിക്കേണ്ടതില്ല. സ്കെച്ചിൽ തണ്ടപ്പേരും രേഖപ്പെടുത്തും. നികുതി രസീതിൽ ‘കരമടച്ചതിനുള്ള രേഖ മാത്രം’ എന്നും രേഖപ്പെടുത്തും. ഡിജിറ്റൽ സർവേ പൂർത്തിയായ വില്ലേജുകളിൽ നികുതി ഡിജിറ്റൽ ബേസിക് ടാക്സ് രജിസ്റ്റർ അടിസ്ഥാനമാക്കിയാകും. ‘എന്റെ ഭൂമി’ പോർട്ടലിൽ അപേക്ഷ നൽകിയാൽ വില്ലേജ് ഓഫിസർ രേഖകൾ പരിശോധിച്ച് നികുതി രസീത് നൽകും.

ഓൺലൈൻ രസീതിൽ പഴയതും പുതിയതുമായ സർവേ നമ്പറുകൾ ഉണ്ടാകും.

Story Highlights: Kerala’s ‘Ente Bhoomi’ digital land survey project sets a national example, says Revenue Minister K Rajan.

വീട്ടിലെ പ്രസവം അപകടകരം; തെറ്റായ പ്രചാരണം കുറ്റകരമെന്ന് വീണാ ജോര്ജ്ജ്

വ്യാജ ട്രേഡിംഗ് ആപ്പ് വഴി 1.25 കോടി രൂപ തട്ടിപ്പ്: ഡോക്ടറും വീട്ടമ്മയും ഇരകൾ