Kunnamkulam Student Beaten: Priest Teacher Faces Charges

കുന്നംകുളം ആർത്താറ്റ് ഹോളി ക്രോസ് വിദ്യാലയത്തിലെ നാലാം ക്ലാസ് വിദ്യാർത്ഥിയെ സ്കൂളിലെ വൈസ് പ്രിൻസിപ്പാൾ ഫാദർ ഫെബിൻ കൂത്തൂർ ക്രൂരമായി മർദ്ധിച്ചതായി ആരോപണം. കഴിഞ്ഞ വ്യാഴാഴ്ചയാണ് സംഭവം നടന്നത്. സഹപാഠികൾക്കൊപ്പം ഫുട്ബോൾ കളിക്കുന്നതിനിടെ ചരൽ തെറിപ്പിച്ചുവെന്നാരോപിച്ചായിരുന്നു മർദ്ദനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുട്ടിയുടെ ചെവിയിൽ പിടിച്ച് നൂറ് മീറ്ററോളം വലിച്ചിഴച്ച ശേഷം സ്റ്റാഫ് റൂമിലെത്തിച്ച് വടികൊണ്ട് ദേഹമാസകലം തല്ലിയെന്നും, കൈകളിൽ ബലമായി നുള്ളി തൊലിയെടുത്തെന്നും മാതാപിതാക്കൾ പറയുന്നു. വൈസ് പ്രിൻസിപ്പാളിന്റെ കൈയ്യിലുണ്ടായിരുന്ന വടി പൊട്ടുന്നതുവരെ മർദ്ദനം തുടർന്നുവെന്നും അവർ ആരോപിക്കുന്നു. അവശനിലയിലായ കുട്ടിയെ കുന്നംകുളം താലൂക്ക് ആശുപത്രിയിൽ പ്രവേശിപ്പിച്ചു.

കുട്ടിയെ മർദ്ദിച്ച വൈസ് പ്രിൻസിപ്പാൾ ഫാദർ ഫെബിൻ കൂത്തൂരിനെതിരെ ജുവനൈൽ ജസ്റ്റിസ് ആക്ട് പ്രകാരം കുന്നംകുളം പൊലീസ് കേസെടുത്തു. ഫുട്ബോൾ കളിക്കുന്നതിനിടെ ചരൽ തെറിച്ചതാണ് മർദ്ദനത്തിന് കാരണമെന്ന് പോലീസ് പറഞ്ഞു. കുട്ടിയുടെ മൊഴിയുടെ അടിസ്ഥാനത്തിലാണ് കേസെടുത്തത്.

കുന്നംകുളം സ്റ്റേഷനിലെ മൂന്നാംമുറ: പൊലീസ് ഉദ്യോഗസ്ഥർക്കെതിരെ ഉടൻ നടപടിക്ക് സാധ്യത

കുന്നംകുളം ആർത്താറ്റ് ഹോളി ക്രോസ് വിദ്യാലയത്തിലെ സംഭവം വലിയ പ്രതിഷേധത്തിന് ഇടയാക്കിയിട്ടുണ്ട്. വിദ്യാർത്ഥിയുടെ മാതാപിതാക്കൾ നൽകിയ പരാതിയിലാണ് പോലീസ് കേസെടുത്തത്. കുട്ടിയുടെ ആരോഗ്യനിലയിൽ പുരോഗതിയുണ്ടെന്ന് ആശുപത്രി അധികൃതർ അറിയിച്ചു.

Story Highlights: A fourth-grade student was allegedly brutally beaten by the vice-principal, Father Febin Koothoor, at Holy Cross School in Kunnamkulam.