ഷാരോൺ രാജ് വധക്കേസിൽ പ്രതികൾക്കെതിരെയുള്ള ശിക്ഷാവിധി ഇന്ന് പ്രഖ്യാപിക്കും. നെയ്യാറ്റിൻകര അഡീഷണൽ സെഷൻസ് കോടതിയാണ് വിധി പറയുക. ഒന്നാം പ്രതി ഗ്രീഷ്മ കുറ്റക്കാരിയാണെന്ന് കോടതി നേരത്തെ വിധിച്ചിരുന്നു. കൊലപാതകം അപൂർവങ്ങളിൽ അപൂർവമാണെന്നും ഗ്രീഷ്മയ്ക്ക് ഒരു ഘട്ടത്തിലും കുറ്റബോധം ഉണ്ടായിട്ടില്ലെന്നും പ്രോസിക്യൂഷൻ വാദിച്ചു. പ്രതിക്ക് വധശിക്ഷ നൽകണമെന്നും പ്രോസിക്യൂഷൻ ആവശ്യപ്പെട്ടു.
ഗ്രീഷ്മ തന്റെ വിദ്യാഭ്യാസം വഴി നേടിയ ശാസ്ത്രീയ അറിവുകൾ ദുരുപയോഗം ചെയ്തെന്നും പ്രോസിക്യൂഷൻ ചൂണ്ടിക്കാട്ടി. ‘ചെകുത്താന്റെ സ്വഭാവ’മാണ് ഗ്രീഷ്മയ്ക്കുള്ളതെന്നും ഒരു ചെറുപ്പക്കാരന്റെ സ്നേഹത്തെ കൊന്നൊടുക്കിയെന്നും പ്രോസിക്യൂഷൻ കുറ്റപ്പെടുത്തി. 2022 ഒക്ടോബർ 14 നാണ് ഷാരോൺ രാജ് കൊല്ലപ്പെട്ടത്. കാമുകനെ ഒഴിവാക്കാൻ കഷായത്തിൽ വിഷം ചേർത്ത് നൽകിയാണ് ഗ്രീഷ്മ കൊലപാതകം നടത്തിയത്. തമിഴ്നാട്ടുകാരനായ സൈനികന്റെ വിവാഹാലോചന വന്നതോടെ ഒന്നര വർഷത്തിലേറെ പ്രണയിച്ച ഷാരോണിനെ ഒഴിവാക്കാൻ ഗ്രീഷ്മ തീരുമാനിച്ചു.
ജാതി വ്യത്യാസം, ഭർത്താവ് മരിക്കുമെന്ന ജാതകദോഷം തുടങ്ങിയ നുണക്കഥകൾ പറഞ്ഞിട്ടും ഷാരോൺ പിന്മാറിയില്ല. തുടർന്നാണ് കൊലപാതകത്തിനുള്ള പദ്ധതികൾ ആരംഭിച്ചത്. കഷായത്തിലോ ജ്യൂസിലോ കളനാശിനി കലർത്തുക എന്ന ആശയത്തിലേക്ക് ഗ്രീഷ്മയെത്തിച്ചത് ആയിരത്തിലേറെ തവണ ഗൂഗിളിൽ തിരഞ്ഞതിലൂടെയാണ്. വിഷം ഉള്ളിൽ ചെല്ലുന്ന ഒരാളുടെ ആന്തരികാവയവങ്ങൾക്ക് എന്ത് സംഭവിക്കുമെന്ന് വരെ ഗ്രീഷ്മ മനസ്സിലാക്കിയിരുന്നു. സ്വാഭാവിക മരണം പോലെ തോന്നുമെന്ന ചിന്തയാണ് ഈ മാർഗം തിരഞ്ഞെടുക്കാൻ പ്രതികളെ പ്രേരിപ്പിച്ചത്.
ഇരുവരുടെയും രണ്ട് വർഷത്തെ ചാറ്റുകളും ഡിലീറ്റ് ചെയ്ത ദൃശ്യങ്ങളും ശബ്ദങ്ങളും ഉൾപ്പെടെ ആയിരത്തിലേറെ ഡിജിറ്റൽ തെളിവുകൾ വീണ്ടെടുത്തു. ഗ്രീഷ്മയുടെ പ്രതിശ്രുത വരൻ ഉൾപ്പെടെ 68 സാക്ഷികളുണ്ട്. കൊലയിൽ നേരിട്ട് പങ്കില്ലെങ്കിലും അമ്മാവനും അമ്മയ്ക്കും കൊലപാതകം നടക്കാൻ പോകുന്നത് ഉൾപ്പെടെ സകല വിവരങ്ങളിലും അറിവുണ്ടായിരുന്നതിനാൽ തുല്യ പങ്കാണെന്ന് കുറ്റപത്രത്തിൽ പറയുന്നു. വിചാരണ വേളയിൽ പ്രതികൾക്കെതിരെ 95 സാക്ഷികളെ വിസ്തരിച്ചു. 323 രേഖകളും 51 തൊണ്ടിമുതലുകളും പ്രോസിക്യൂഷൻ കോടതിയിൽ ഹാജരാക്കി.
ഗ്രീഷ്മക്കെതിരേ വിഷം കൊടുത്തതിനും കൊലപാതകത്തിനും അന്വേഷണത്തെ തെറ്റിദ്ധരിപ്പിച്ചതിനുമുള്ള കുറ്റം തെളിഞ്ഞതായി പ്രോസിക്യൂഷൻ അന്തിമവാദം നടത്തി. രണ്ടാം പ്രതിയായ അമ്മ സിന്ധുവിനെ പ്രതിപ്പട്ടികയിൽ നിന്ന് ഒഴിവാക്കി. അമ്മാവൻ നിർമലകുമാരൻ കുറ്റക്കാരനാണെന്ന് കോടതി കണ്ടെത്തി.
Story Highlights: Sharon Raj murder case: Accused Greeshma to be sentenced today.
ഇടുക്കി ചീനിക്കുഴിയിൽ സ്വത്ത് തർക്കത്തെ തുടർന്ന് അപ്പൻ മകനെയും കുടുംബത്തെയും കൊലപ്പെടുത്തിയ കേസിൽ Read more
കണ്ണൂർ നടുവിലിലെ വി.വി. പ്രജുലിന്റെ മരണം കൊലപാതകമാണെന്ന് കണ്ടെത്തി. സംഭവത്തിൽ പ്രതിയായ മിഥിലാജിനെ Read more
പാലക്കാട് നെന്മാറ സജിത വധക്കേസിൽ ചെന്താമര കുറ്റക്കാരനാണെന്ന് കോടതി കണ്ടെത്തി. പാലക്കാട് അഡീഷണൽ Read more
അഖിലേന്ത്യാ ഹിന്ദു മഹാസഭയുടെ ദേശീയ ജനറൽ സെക്രട്ടറി പൂജ ശകുൻ പാണ്ഡെ കൊലപാതകക്കേസിൽ Read more
തെലങ്കാനയിൽ യൂട്യൂബ് വീഡിയോ അനുകരിച്ച് 40-കാരനെ കൊലപ്പെടുത്തി കഷണങ്ങളാക്കി നുറുക്കിയ മൂന്ന് പേരെ Read more
പാലക്കാട് ശ്രീകൃഷ്ണപുരത്ത് ഭാര്യയെ ശ്വാസം മുട്ടിച്ചു കൊലപ്പെടുത്തിയ സംഭവത്തിൽ പ്രതി ദീക്ഷിത്തിനെതിരെ കൊലക്കുറ്റം Read more
തിരുവനന്തപുരം മണ്ണന്തലയിൽ സഹോദരിയുടെ മകൻ അമ്മാവനെ അടിച്ചു കൊന്നു. മദ്യലഹരിയിലുണ്ടായ വാക്കുതർക്കമാണ് കൊലപാതകത്തിൽ Read more
അമിതാഭ് ബച്ചനൊപ്പം 'ഝുണ്ട്' എന്ന സിനിമയിൽ അഭിനയിച്ച രവി സിങ് ഛേത്രി എന്ന Read more
കാസർഗോഡ് ജില്ലയിലെ കരിന്തളം കുമ്പളപ്പള്ളിയിൽ അയൽവാസി വയോധികനെ തലക്കടിച്ച് കൊലപ്പെടുത്തി. കുമ്പളപ്പള്ളി ചിറ്റമൂല Read more
കോട്ടയം കാണക്കാരി സ്വദേശി ജെസ്സിയെ ഭർത്താവ് കൊലപ്പെടുത്തി. ഭർത്താവ് സാം ജോർജ്ജിനെ കുറുവിലങ്ങാട് Read more
