High Court allows opening of tomb in Neyyattinkara case

നെയ്യാറ്റിൻകരയിലെ വിവാദ സമാധിക്കല്ലറ തുറക്കാൻ പൊലീസിന് അധികാരമുണ്ടെന്ന് ഹൈക്കോടതി വ്യക്തമാക്കി. ഗോപന്റെ മരണ സർട്ടിഫിക്കറ്റ് ഹാജരാക്കാൻ കോടതി കുടുംബത്തോട് ആവശ്യപ്പെട്ടു. മരണ സർട്ടിഫിക്കറ്റ് ഹാജരാക്കാൻ കഴിയുന്നില്ലെങ്കിൽ അസ്വാഭാവിക മരണമായി കണക്കാക്കുമെന്നും കോടതി മുന്നറിയിപ്പ് നൽകി. കല്ലറ തുറന്ന് പരിശോധിക്കുന്നത് അന്വേഷണത്തിന്റെ ഭാഗമാണെന്നും കോടതി ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മരണത്തിന്റെ കാരണം വ്യക്തമാക്കണമെന്നും മരണം എവിടെ അംഗീകരിച്ചുവെന്ന് വ്യക്തമാക്കണമെന്നും കോടതി കുടുംബത്തോട് നിർദേശിച്ചു. സ്വാഭാവിക മരണമാണെങ്കിൽ കല്ലറ തുറക്കുന്നതിനെ എന്തിന് ഭയക്കണമെന്നും ജസ്റ്റിസ് സി എസ് ഡയസ് ചോദിച്ചു. കല്ലറ പരിശോധിക്കാൻ ആർഡിഒ ഉത്തരവിട്ടിരുന്നു. ഈ ഉത്തരവ് സ്റ്റേ ചെയ്യണമെന്നാണ് കുടുംബത്തിന്റെ ആവശ്യം.

അന്വേഷണം തടയാനാകില്ലെന്നും എഫ്ഐആർ രജിസ്റ്റർ ചെയ്യാനും കല്ലറ തുറക്കാനും പൊലീസിന് അധികാരമുണ്ടെന്നും കോടതി വ്യക്തമാക്കി. അസ്വാഭാവിക മരണമാണോ സ്വാഭാവിക മരണമാണോ എന്ന് കണ്ടെത്തേണ്ടത് അത്യാവശ്യമാണെന്നും കോടതി പറഞ്ഞു. 41 ദിവസത്തെ പൂജ മുടങ്ങാതെ നടത്തണമെന്നും കല്ലറ പൊളിക്കാനുള്ള ആർഡിഒയുടെ ഉത്തരവ് റദ്ദാക്കണമെന്നും കുടുംബം ആവശ്യപ്പെട്ടു. സ്വാമി സമാധിയായെന്ന് ഭാര്യ ഉറപ്പിച്ചു പറഞ്ഞു.

നെയ്യാറ്റിൻകരയിൽ മകന്റെ മർദനമേറ്റ പിതാവ് ചികിത്സയിലിരിക്കെ മരിച്ചു; മകൻ കസ്റ്റഡിയിൽ

എന്നാൽ, സമാധിയായെന്ന നോട്ടീസ് നേരത്തെ അച്ചടിച്ചതാണോ എന്ന കാര്യത്തിൽ പൊലീസിന് സംശയമുണ്ട്. ജില്ലാ കലക്ടർക്ക് കോടതി നോട്ടീസ് അയച്ചു. കലക്ടർ റിപ്പോർട്ട് സമർപ്പിക്കണമെന്നും കോടതി നിർദ്ദേശിച്ചു. ഹർജി അടുത്ത ആഴ്ചയിലേക്ക് മാറ്റിവച്ചു.

നെയ്യാറ്റിൻകര ഗോപന്റെ മരണവുമായി ബന്ധപ്പെട്ട വിവാദങ്ങൾക്ക് ഹൈക്കോടതിയുടെ ഇടപെടൽ വഴിത്തിരിവാകുമെന്നാണ് പ്രതീക്ഷ.

Story Highlights: The High Court ruled that the police have the authority to open the controversial tomb in Neyyattinkara and questioned the availability of Gopan’s death certificate.

ശബരിമല ട്രാക്ടർ യാത്ര: എഡിജിപിക്ക് വീഴ്ച പറ്റിയെന്ന് ഡിജിപി റിപ്പോർട്ട്