ഉത്തരാഖണ്ഡ് സർക്കാർ ജനുവരി 26 മുതൽ സംസ്ഥാനത്ത് ഏകീകൃത വ്യക്തിനിയമം നടപ്പിലാക്കുന്നതിനുള്ള നടപടികൾ ഊർജിതമാക്കിയിരിക്കുകയാണ്. വിവാഹ രജിസ്ട്രേഷൻ, വിവാഹമോചനം, ലിവിങ് ടുഗെദർ രജിസ്ട്രേഷൻ, പിന്തുടർച്ചാവകാശം, പരാതി പരിഹാരം തുടങ്ങിയ സേവനങ്ങൾ ഓൺലൈനായി ലഭ്യമാക്കുന്നതിനായി പ്രത്യേക വെബ്സൈറ്റ് തയ്യാറാക്കിയിട്ടുണ്ട്. ഈ വെബ്സൈറ്റിൽ പൗരന്മാർക്കും, സേവന കേന്ദ്രങ്ങളിലെ ജീവനക്കാർക്കും, ഉദ്യോഗസ്ഥർക്കും പ്രത്യേക ലോഗിൻ സംവിധാനവും ഒരുക്കിയിട്ടുണ്ട്. വിവാഹിതരാകാതെ ഒരുമിച്ച് താമസിക്കുന്നവർക്കും വിവാഹ സർട്ടിഫിക്കറ്റിന് സമാനമായ രജിസ്ട്രേഷൻ നിർബന്ധമാക്കുന്നതും ഈ നിയമത്തിന്റെ ഭാഗമാണ്.
ഏകീകൃത സിവിൽ കോഡ് നടപ്പിലാക്കുന്നതിന്റെ ഭാഗമായി മൂന്ന് സബ് ഡിവിഷണൽ മജിസ്ട്രേറ്റുമാരുടെ നേതൃത്വത്തിൽ 14 ഉദ്യോഗസ്ഥർക്ക് പരിശീലനം നൽകിവരുന്നു. ഈ പരിശീലനം ഈ മാസം 20ന് പൂർത്തിയാകും. പാരമ്പര്യ സ്വത്ത് കൈമാറ്റത്തിന് സാക്ഷികളുടെ ദൃശ്യങ്ങൾ റെക്കോഡ് ചെയ്ത് സൂക്ഷിക്കണമെന്ന വ്യവസ്ഥയും പുതിയ നിയമത്തിലുണ്ട്. എല്ലാത്തരം രജിസ്ട്രേഷനുകൾക്കും ഫോട്ടോയും ആധാർ കാർഡും നിർബന്ധമാക്കാനും ഏകീകൃത സിവിൽ കോഡിൽ വ്യവസ്ഥയുണ്ട്.
ഏകീകൃത സിവിൽ കോഡ് രാജ്യത്ത് ആദ്യമായി പാസാക്കിയ സംസ്ഥാനമാണ് ഉത്തരാഖണ്ഡ്. ഗോവയിൽ നിലവിൽ പിന്തുടരുന്നത് 1867-ലെ പോർച്ചുഗീസ് സിവിൽ കോഡാണ്. ഗോവ നിയമസഭ പുതിയ നിയമം പാസാക്കിയിട്ടില്ല. ഉത്തരാഖണ്ഡിൽ ഏകീകൃത സിവിൽ കോഡ് നടപ്പിലാക്കുമെന്നത് ബിജെപിയുടെ തിരഞ്ഞെടുപ്പ് വാഗ്ദാനമായിരുന്നു.
ലിവിങ് ടുഗെദർ രജിസ്റ്റർ ചെയ്യണമെന്നതുൾപ്പെടെയുള്ള വ്യവസ്ഥകൾക്ക് എതിരെ വലിയ വിമർശനം ഉയർന്നിരുന്നു. രണ്ടുപേരുടെ വിവാഹത്തെയോ, ലിവിങ് ടുഗെദർ ബന്ധത്തെയോ എതിർത്ത് മൂന്നാമതൊരാൾക്ക് പരാതി നൽകാനുള്ള സംവിധാനവും പുതിയ നിയമത്തിലുണ്ട്. രാജ്യവ്യാപകമായി ഏകീകൃത സിവിൽ കോഡ് നടപ്പിലാക്കുമെന്ന് ബിജെപി ആവർത്തിക്കുന്നതിനിടയിലാണ് ഉത്തരാഖണ്ഡ് സർക്കാർ നീക്കങ്ങൾ വേഗത്തിലാക്കിയത്. ജനുവരി 26-ന് നിയമം പ്രാബല്യത്തിൽ വരുമെന്നാണ് റിപ്പോർട്ടുകൾ.
Story Highlights: Uttarakhand is set to implement the Uniform Civil Code on January 26, with online services and training programs already in place.
ഇന്ത്യൻ പൗരന്മാർ നേപ്പാൾ സന്ദർശിക്കുന്നത് ഒഴിവാക്കണമെന്ന് വിദേശകാര്യ മന്ത്രാലയം അറിയിച്ചു. സ്ഥിതിഗതികൾ സാധാരണ Read more
രാജ്യത്തിന്റെ പുതിയ ഉപരാഷ്ട്രപതിയെ ഇന്ന് തിരഞ്ഞെടുക്കും. എൻഡിഎയുടെ സി.പി രാധാകൃഷ്ണനും, പ്രതിപക്ഷത്തിന്റെ ബി Read more
റഷ്യയിൽ നിന്ന് എണ്ണ വാങ്ങുന്നതുമായി ബന്ധപ്പെട്ട് ഇന്ത്യക്കെതിരെ ഡൊണാൾഡ് ട്രംപ് ഏർപ്പെടുത്തിയ തീരുവയെ Read more
റഷ്യയിൽ നിന്ന് എണ്ണ വാങ്ങുന്നത് തുടരുമെന്ന് ധനമന്ത്രി നിർമല സീതാരാമൻ. രാജ്യത്തിന്റെ സാമ്പത്തിക Read more
ചൈനയിലെ ടിയാൻജിനിൽ നടന്ന ഷാങ്ഹായ് കോർപ്പറേഷൻ ഓർഗനൈസേഷൻ ഉച്ചകോടിയിൽ മൂന്ന് രാജ്യങ്ങളുടെയും നേതാക്കൾ Read more
സിംഗപ്പൂർ ഇന്ത്യയുടെ ഏറ്റവും വലിയ വ്യാപാര പങ്കാളിയാണെന്ന് പ്രധാനമന്ത്രി നരേന്ദ്ര മോദി പറഞ്ഞു. Read more
റഷ്യയിൽ നിന്നുള്ള എണ്ണ വാങ്ങുന്നതുമായി ബന്ധപ്പെട്ട് അമേരിക്ക ഏർപ്പെടുത്തിയ അധിക നികുതികൾ ഇന്ത്യക്ക് Read more
റഷ്യയിൽ നിന്ന് കൂടുതൽ വ്യോമ പ്രതിരോധ സംവിധാനങ്ങൾ വാങ്ങാൻ ഇന്ത്യ ഒരുങ്ങുന്നു. ഇതിനായുള്ള Read more
ഇന്ത്യ ഏറ്റവും കൂടുതല് നികുതി ചുമത്തുന്ന രാജ്യമാണെന്ന് അമേരിക്കന് പ്രസിഡന്റ് ഡൊണാള്ഡ് ട്രംപ് Read more
അഫ്ഗാനിസ്ഥാനിലെ ഭൂകമ്പത്തിൽ ദുരിതമനുഭവിക്കുന്നവർക്ക് സഹായവുമായി ഇന്ത്യ രംഗത്ത്. ദുരിതാശ്വാസ സാമഗ്രികളുമായി കാബൂളിലേക്ക് ഇന്ത്യ Read more
