നടി ഹണി റോസിനെതിരെ ലൈംഗികാധിക്ഷേപം നടത്തിയെന്ന പരാതിയിൽ ബോബി ചെമ്മണ്ണൂരിനെ കാക്കനാട് ജില്ലാ ജയിലിൽ റിമാൻഡ് ചെയ്തു. വയനാട്ടിൽ നിന്നാണ് കൊച്ചി പോലീസ് ഇന്നലെ രാവിലെ ബോബി ചെമ്മണ്ണൂരിനെ കസ്റ്റഡിയിലെടുത്തത്. തുടർന്ന് കൊച്ചി സെൻട്രൽ സ്റ്റേഷനിലെത്തിച്ച് അറസ്റ്റ് രേഖപ്പെടുത്തുകയും ചെയ്തു. എറണാകുളം ഒന്നാം ക്ലാസ് മജിസ്ട്രേറ്റ് കോടതിയാണ് പതിനാല് ദിവസത്തേക്ക് റിമാൻഡ് ചെയ്യാൻ ഉത്തരവിട്ടത്.
റിമാൻഡ് ഉത്തരവിനെതിരെ അപ്പീൽ നൽകുമെന്ന് ബോബി ചെമ്മണ്ണൂരിന്റെ അഭിഭാഷകൻ അറിയിച്ചു. കോടതിയിൽ ഹാജരാക്കിയപ്പോൾ താൻ തെറ്റൊന്നും ചെയ്തിട്ടില്ലെന്നും മാപ്പ് പറയാനില്ലെന്നും ബോബി ചെമ്മണ്ണൂർ ആവർത്തിച്ചു. കസ്റ്റഡിയിലായ സമയം മുതൽ തെറ്റ് ചെയ്തിട്ടില്ലെന്ന നിലപാടാണ് ബോബി ചെമ്മണ്ണൂർ സ്വീകരിച്ചിരുന്നത്. ജില്ലാ കോടതിയിൽ അപ്പീലിന് പോകുമെന്നും അദ്ദേഹം മാധ്യമങ്ങളോട് പറഞ്ഞു.
കോടതി ഉത്തരവിനെ തുടർന്ന് ബോബി ചെമ്മണ്ണൂർ തലകറങ്ങി വീണിരുന്നു. ആശുപത്രിയിലേക്ക് പോലീസ് വാഹനം കൊണ്ടുപോകുന്നത് ബോബിയുടെ അനുയായികൾ തടയാൻ ശ്രമിച്ചത് നാടകീയ രംഗങ്ങൾ സൃഷ്ടിച്ചു. വൈദ്യപരിശോധനകൾക്ക് ശേഷമാണ് ജയിലിൽ പ്രവേശിപ്പിച്ചത്. നടി ഹണി റോസ് നൽകിയ രഹസ്യമൊഴി കൂടി പരിഗണിച്ചാകും തുടർനടപടികളെന്ന് കൊച്ചി ഡിസിപി അശ്വതി ജിജി അറിയിച്ചു.
റിമാൻഡ് റിപ്പോർട്ട് കോടതിയിൽ സമർപ്പിക്കുമെന്നും ജാമ്യം ലഭിക്കില്ല എന്നാണ് പ്രതീക്ഷിക്കുന്നതെന്നും ഡിസിപി വ്യക്തമാക്കി. എന്നാൽ, ഇക്കാര്യത്തിൽ കോടതിയാണ് അന്തിമ തീരുമാനമെടുക്കേണ്ടതെന്നും ഡിസിപി കൂട്ടിച്ചേർത്തു. ഹണി റോസിന്റെ പരാതിക്ക് 24 മണിക്കൂറിനുള്ളിൽ തന്നെയാണ് പോലീസ് കർശന നടപടി സ്വീകരിച്ചത്. ബോബി ചെമ്മണ്ണൂർ തനിക്കെതിരെ നിരന്തരം ലൈംഗികാധിക്ഷേപം നടത്തിയെന്നായിരുന്നു ഹണി റോസിന്റെ പരാതി.
സ്ത്രീത്വത്തെ അപമാനിച്ചതിന് ഭാരതീയ ന്യായ സംഹിതയിലെ 75-ാം വകുപ്പിലെ വിവിധ ഉപവകുപ്പുകൾ പ്രകാരവും സാമൂഹ്യ മാധ്യമങ്ങൾ വഴി അപമാനിച്ചതിന് ഐടി ആക്ടിലെ 67ാം വകുപ്പും ഉൾപ്പടെ ജാമ്യമില്ലാ കുറ്റങ്ങളാണ് ബോബിക്കെതിരെ ചുമത്തിയിരിക്കുന്നത്.
Story Highlights: Businessman Bobby Chemmannur remanded in judicial custody for 14 days following sexual harassment complaint by actress Honey Rose.
രാഹുൽ മാങ്കൂട്ടത്തിനെതിരെ പുതിയ ലൈംഗിക പീഡന പരാതി ഉയർന്നതിനെ തുടർന്ന് കോൺഗ്രസ് നേതൃത്വം Read more
രാഹുൽ മാങ്കൂട്ടത്തിൽ വിവാഹ വാഗ്ദാനം നൽകി ലൈംഗികമായി പീഡിപ്പിച്ചെന്ന് യുവതിയുടെ പരാതി. എഐസിസിക്കും Read more
രാഹുൽ മാങ്കൂട്ടത്തിലിനെതിരായ ലൈംഗികാതിക്രമ പരാതിയിൽ പ്രതികരണവുമായി ബിജെപി നേതാവ് സി. കൃഷ്ണകുമാർ. പരാതി Read more
ലൈംഗിക പീഡന കേസിൽ പ്രതിയായ രാഹുൽ മാങ്കൂട്ടത്തിലിനെതിരെ പോലീസ് അന്വേഷണം ശക്തമാക്കി. രാഹുൽ Read more
രാഹുൽ മാങ്കൂട്ടത്തിൽ എംഎൽഎക്കെതിരായ ലൈംഗിക പീഡന പരാതി അന്വേഷിക്കാൻ പ്രത്യേക സംഘത്തെ നിയോഗിച്ചു. Read more
ലൈംഗിക പീഡനക്കേസിൽ രാഹുൽ മാങ്കൂട്ടത്തിൽ എംഎൽഎ മുൻകൂർ ജാമ്യത്തിനായി തിരുവനന്തപുരം ജില്ലാ കോടതിയെ Read more
രാഹുൽ മാങ്കൂട്ടത്തിൽ ഭീഷണിപ്പെടുത്തി ഗർഭഛിദ്രം നടത്തിയെന്ന് ലൈംഗിക പീഡന പരാതിയിൽ യുവതിയുടെ മൊഴി. Read more
പാലക്കാട് എംഎൽഎ രാഹുൽ മാങ്കൂട്ടത്തിനെതിരെ ലൈംഗിക പീഡന പരാതിയിൽ പൊലീസ് കേസെടുത്തു. വിവാഹ Read more
രാഹുൽ മാങ്കൂട്ടത്തിൽ എംഎൽഎയ്ക്കെതിരായ ലൈംഗിക പീഡന പരാതിയിൽ കോൺഗ്രസ് തുടർനടപടികൾ നിരീക്ഷിക്കുന്നു. അറസ്റ്റ് Read more
രാഹുൽ മാങ്കൂട്ടത്തിലിനെതിരെ യുവതി ലൈംഗിക പീഡന പരാതി നൽകിയ സംഭവത്തിൽ പ്രതികരണവുമായി കെ. Read more
