മന്ത്രി എ.കെ ശശീന്ദ്രൻ പീഡന കേസ് ഒത്തുതീർപ്പാക്കാൻ ശ്രമിച്ചെന്ന ആരോപണത്തിൽ ഇപ്പോൾ പ്രതികരിക്കാനില്ലെന്ന് സിപിഐഎം സംസ്ഥാന ആക്ടിംഗ് സെക്രട്ടറി എ വിജയരാഘവൻ.
ആരോപണത്തെ തുടർന്ന് മന്ത്രി എ.കെ ശശീന്ദ്രൻ രാജിവയ്ക്കുമോ ഇല്ലയോ എന്നതിന് തന്നിൽ നിന്നും മറുപടി പ്രതീക്ഷിക്കേണ്ടന്നാണ് വിജയരാഘവൻ മാധ്യമങ്ങളോട് പറഞ്ഞത്.
വിഷയത്തെക്കുറിച്ച് ആധികാരികമായ വിവരങ്ങൾ ഒന്നും ലഭിച്ചിട്ടില്ലെന്നും വാർത്തകൾക്കപ്പുറമുള്ള വിശദാംശങ്ങൾ തന്റെ കയ്യിലോ പാർട്ടിക്കോ ഇല്ലെന്നുമാണ് അദ്ദേഹം പറഞ്ഞത്.
അതേ സമയം നാളെ നടക്കാനിരിക്കുന്ന പാർലമെന്റ് സമ്മേളനത്തിൽ മന്ത്രി എ കെ ശശീന്ദ്രന്റെ ഫോൺവിളി വിവാദം ഉയർത്തിപ്പിടിക്കാനാണ് പ്രതിപക്ഷത്തിന്റെ നീക്കം. മന്ത്രി പദവിയിലിരിക്കുന്ന ഒരാൾ ഒരു സ്ത്രീ നൽകിയ പീഡന പരാതിയെ ഒത്തുതീർപ്പാക്കി നീതി അട്ടിമറിക്കാൻ ശ്രമിച്ചത് അതീവ ഗൗരവമുള്ള വിഷയമാണെന്ന് പ്രതിപക്ഷം പ്രതികരിച്ചു.
Story Highlights: A Vijayaraghavan’s response about phone allegation against minister A K Saseendran.
