സ്പൈനൽ മസ്കുലാർ അട്രോഫി എന്ന അപൂർവ രോഗം ബാധിച്ച് ചികിത്സയിലായിരുന്ന ഇമ്രാൻ മുഹമ്മദ് എന്ന ആറുമാസം മാത്രം പ്രായമുള്ള കുഞ്ഞ് യാത്രയായി.
ഇമ്രാന്റെ ചികിത്സയ്ക്കായി പതിനാറരകോടി രൂപയാണ് ലോകമെമ്പാടുമുള്ള ജനങ്ങളുടെ കാരുണ്യത്താൽ സമാഹരിക്കാനായത്. എന്നാൽ ചൊവ്വാഴ്ച രാത്രി
11. 30 ന് പെട്ടെന്നുണ്ടായ അണുബാധയെത്തുടർന്ന് കോഴിക്കോട് മെഡിക്കൽ കോളേജിൽ മരണത്തിന് കീഴടങ്ങുകയായിരുന്നു.
മലപ്പുറം അങ്ങാടിപ്പുറം ഏറാന്തോട് ആരിഫിന്റെയും റമീസ തസ്നിയുടെയും മകനായിരുന്നു ഇമ്രാൻ. ജനിച്ച് ഏതാനും ദിവസങ്ങൾക്കുള്ളിൽ തന്നെ ഗുരുതരമായ ജനിതക രോഗം കണ്ടെത്തിയിരുന്നു.
എന്നാൽ 18 കോടിയുടെ മരുന്ന് മാത്രമാണ് രോഗത്തിന് പ്രതിവിധിയെന്നതിനെ തുടർന്ന് ഇമ്രാന്റെ പിതാവ് സൗജന്യ ചികിത്സയ്ക്കായി ഹൈക്കോടതിയിൽ ഹർജി സമർപ്പിച്ചിരുന്നു. തുടർന്ന് ഹൈക്കോടതിയുടെ ഇടപെടൽ ഉണ്ടാവുകയും കോഴിക്കോട് മെഡിക്കൽ കോളേജിൽ ഇമ്രാന് വേണ്ടി മെഡിക്കൽ ബോർഡ് രൂപീകരിക്കപെടുകയും ചെയ്തു.
എന്നാൽ മൂന്നര മാസമായി കോഴിക്കോട് മെഡിക്കൽ കോളേജിലെ വെന്റിലേറ്ററിൽ കഴിഞ്ഞ ഇമ്രാന് പെട്ടെന്നാണ് അണുബാധയെ തുടർന്ന് ലോകത്തോട് വിട പറയേണ്ടതായി വന്നത്.
Story Highlights: Baby Imran leaves without waiting for medicine worth 18 crore.
