Sabarimala Pilgrim Count Crosses 1 Lakh in a Single Day

ശബരിമല സന്നിധാനത്തിൽ തിങ്കളാഴ്ച (ഡിസംബർ 23) ഭക്തരുടെ എണ്ണം ഒരു ലക്ഷം കവിഞ്ഞ് റെക്കോർഡ് തിരക്കുണ്ടായി. 1,06,621 ഭക്തരാണ് അന്ന് ദർശനം നടത്തിയത്. ഇതിൽ സ്പോട്ട് ബുക്കിങ് വഴി 22,769 പേരും പുൽമേട് വഴി 5,175 പേരും എത്തിയതായി കണക്കുകൾ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ സീസണിൽ ഇതുവരെ 30,78,049 ഭക്തർ സന്നിധാനത്തെത്തി. കഴിഞ്ഞ വർഷത്തേക്കാൾ 4,45,908 പേർ കൂടുതലാണിത്. കഴിഞ്ഞ വർഷം ഇതേ കാലയളവിൽ 26,41,141 പേരാണ് എത്തിയത്. ഇത്തവണ സ്പോട്ട് ബുക്കിങ് വഴി 5,33,929 പേരും പുല്ലുമേട് വഴി 69,504 പേരും എത്തി. പുല്ലുമേട് വഴി എത്തുന്നവരുടെ എണ്ണത്തിലും കാര്യമായ വർധനയുണ്ടായി. കഴിഞ്ഞ വർഷം ഇതേ സമയം വരെ പുല്ലുമേട് വഴി എത്തിയത് 57,854 പേർ മാത്രമായിരുന്നു.

ഈ വർഷത്തെ മണ്ഡലപൂജ ഡിസംബർ 26ന് ഉച്ചക്ക് 12 മണിക്കും 12.30നും ഇടയിലുള്ള മുഹൂർത്തത്തിൽ തന്ത്രി കണ്ഠര് രാജീവരുടെ കാർമികത്വത്തിൽ നടക്കുമെന്ന് ദേവസ്വം ബോർഡ് പ്രസിഡന്റ് പി.എസ്. പ്രശാന്തും ബോർഡംഗം എ. അജികുമാറും അറിയിച്ചു. ഡിസംബർ 22ന് രാവിലെ ആറന്മുള പാർത്ഥസാരഥി ക്ഷേത്രത്തിൽ നിന്നാരംഭിച്ച തങ്ക അങ്കി രഥഘോഷയാത്ര ബുധനാഴ്ച (ഡിസംബർ 25) ഉച്ചക്ക് 1.30ന് പമ്പയിൽ എത്തിച്ചേരും. പമ്പയിൽ ദേവസ്വം വകുപ്പ് മന്ത്രി വി.എൻ. വാസവൻ തങ്ക അങ്കി ഘോഷയാത്രയെ സ്വീകരിക്കും.

ആലപ്പുഴയിൽ ഫോൺ തർക്കം: അമ്മയെ കുത്തി പരുക്കേൽപ്പിച്ച് 17കാരി

Story Highlights: Sabarimala witnesses record-breaking pilgrim turnout with over 1 lakh devotees on Monday

ശബരിമലയിലെ സ്വർണ്ണ തട്ടിപ്പ്: ഉണ്ണികൃഷ്ണൻ പോറ്റി ആരുടെ ബെനാമി?