Palakkad School Christmas Attacks: Special Investigation Announced

പാലക്കാട് ജില്ലയിലെ സ്കൂളുകളിൽ ക്രിസ്മസ് ആഘോഷവുമായി ബന്ധപ്പെട്ട് നടന്ന ആക്രമണ സംഭവങ്ങൾ പ്രത്യേക അന്വേഷണ സംഘം അന്വേഷിക്കുമെന്ന് മന്ത്രി കെ. കൃഷ്ണൻകുട്ടി അറിയിച്ചു. നല്ലേപ്പള്ളി, തത്തമംഗലം എന്നിവിടങ്ങളിലെ സ്കൂളുകൾക്ക് നേരെയാണ് ആക്രമണമുണ്ടായത്. ഈ വിഷയം മുഖ്യമന്ത്രിയുമായി ചർച്ച ചെയ്തതായും, ശക്തമായ നടപടി സ്വീകരിക്കുമെന്ന് മുഖ്യമന്ത്രി ഉറപ്പ് നൽകിയതായും മന്ത്രി വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നല്ലേപള്ളിയിലെ സംഭവത്തിന് പിന്നിലുള്ള അതേ സംഘം തന്നെയാണ് തത്തമംഗലത്തെ ആക്രമണത്തിനും കാരണമെന്ന് മന്ത്രി സംശയം പ്രകടിപ്പിച്ചു. രണ്ട് സംഭവങ്ങൾക്കും പിന്നിൽ ഒരേ സംഘമാണോയെന്ന് അന്വേഷിക്കുമെന്നും അദ്ദേഹം കൂട്ടിച്ചേർത്തു.

തത്തമംഗലം ജിബിയുപി സ്കൂളിൽ ക്രിസ്മസ് ആഘോഷത്തിന്റെ ഭാഗമായി സ്ഥാപിച്ച പുൽക്കൂട് തകർത്ത നിലയിൽ കണ്ടെത്തിയത് ഇന്ന് രാവിലെയാണ്. വെള്ളിയാഴ്ച സ്ഥാപിച്ച പുൽക്കൂട് ഇന്ന് സ്കൂളിലെത്തിയ അധ്യാപകരാണ് തകർന്ന നിലയിൽ കണ്ടെത്തിയത്. ആരാണ് പുൽക്കൂട് തകർത്തതെന്ന് നിലവിൽ വ്യക്തമല്ല. ഗേറ്റിനുള്ളിലുണ്ടായിരുന്ന പുൽക്കൂട് നീളമുള്ള വടി ഉപയോഗിച്ചാണ് തകർത്തിരിക്കുന്നത്.

കഴിഞ്ഞ ദിവസം പാലക്കാട് നല്ലേപ്പിള്ളി ഗവ: യുപി സ്കൂളിൽ ക്രിസ്മസ് ആഘോഷം തടയാൻ ശ്രമിച്ച വിശ്വഹിന്ദു പരിഷത്ത് നേതാക്കൾ അറസ്റ്റിലായിരുന്നു. ക്രിസ്മസ് ആഘോഷത്തിന് വേഷം അണിഞ്ഞ് കരോൾ നടത്തുമ്പോഴാണ് പ്രവർത്തകർ എത്തിയത്. പ്രധാനധ്യാപികയെയും അധ്യാപകരെയും ഇവർ അസഭ്യം പറഞ്ഞതായും, ശ്രീകൃഷ്ണജയന്തിയാണ് ആഘോഷിക്കേണ്ടതെന്ന് പ്രവർത്തകർ ആവശ്യപ്പെട്ടതായും റിപ്പോർട്ടുകൾ സൂചിപ്പിക്കുന്നു.

മുംബൈ ഭീകരാക്രമണ സൂത്രധാരൻ തഹാവൂർ റാണ 18 ദിവസത്തെ എൻഐഎ കസ്റ്റഡിയിൽ

Story Highlights: Kerala Minister K. Krishnankutty announces special investigation into Christmas-related attacks on schools in Palakkad.

ഭിന്നശേഷി കേന്ദ്രത്തിന് ഹെഡ്ഗേവാർ പേര്: പ്രതിഷേധവുമായി യുവജന സംഘടനകൾ