പത്തനംതിട്ട മൈലപ്ര മാര്‍ കുറിയാക്കോസ് ആശ്രമം ആഡിറ്റോറിയത്തില്‍ ഡിസംബര്‍ 22 ഞായറാഴ്ച ഉച്ചയ്ക്ക് 2.30ന് ‘സൗഖ്യം സദാ’ എന്ന ആന്റിബയോട്ടിക് സാക്ഷരത യജ്ഞ ക്യാമ്പയിന്റെ സംസ്ഥാനതല ഉദ്ഘാടനം നടക്കും. ആരോഗ്യ വകുപ്പ് മന്ത്രി വീണാ ജോര്‍ജ് ആണ് ഉദ്ഘാടനം നിര്‍വഹിക്കുന്നത്. സംസ്ഥാന ഡ്രഗ്‌സ് കണ്‍ട്രോള്‍ വകുപ്പിന്റെ സ്പാര്‍ക്ക് (SPAARK: Students Programme Against Antimicrobial Resistance Kerala) പദ്ധതിയുടെ ഭാഗമായി നാഷണല്‍ സര്‍വീസ് സ്‌കീമുമായി സഹകരിച്ചാണ് ഈ പരിപാടി സംഘടിപ്പിക്കുന്നത്.
ആധുനിക ലോകത്തെ അശാസ്ത്രീയമായ മരുന്നുപയോഗ ശീലങ്ങള്‍ തിരിച്ചറിയാനും, അതിലൂടെ സമൂഹത്തില്‍ അവബോധം വളര്‍ത്താനും വിദ്യാര്‍ത്ഥികളെ പ്രാപ്തരാക്കുക എന്നതാണ് ഈ പരിപാടിയുടെ ലക്ഷ്യം. ഡിസംബര്‍ 21 മുതല്‍ ആരംഭിക്കുന്ന എന്‍.എസ്.എസ്. ക്യാമ്പുകളില്‍ പങ്കെടുക്കുന്ന ഏകദേശം 17,000 വി.എച്ച്.എസ്.ഇ. എന്‍.എസ്.എസ്. വിദ്യാര്‍ത്ഥികള്‍ 343 പഞ്ചായത്തുകളിലെ വീടുകളില്‍ സന്ദര്‍ശനം നടത്തും. അവര്‍ അശാസ്ത്രീയമായ മരുന്നുപയോഗത്തിന്റെയും ആന്റിബയോട്ടിക് മരുന്നുകളുടെ അമിത ഉപയോഗത്തിന്റെയും ദോഷഫലങ്ങളെക്കുറിച്ചും, ആന്റിബയോട്ടിക് പ്രതിരോധം തടയുന്നതിനുള്ള ഫലപ്രദമായ മാര്‍ഗങ്ങളെക്കുറിച്ചും അവബോധം സൃഷ്ടിക്കും.
പൊതുജനാരോഗ്യത്തിന് ഭീഷണിയായി മാറുന്ന ആന്റിമൈക്രോബിയല്‍ പ്രതിരോധത്തെ നേരിടാന്‍ സംസ്ഥാന സര്‍ക്കാരും സംസ്ഥാന ഡ്രഗ്‌സ് കണ്‍ട്രോള്‍ വകുപ്പും നിരവധി പ്രതിരോധ പ്രവര്‍ത്തനങ്ങള്‍ നടത്തി വരുന്നു. ആന്റിബയോട്ടിക് മരുന്നുകളുടെ ദുരുപയോഗം തടയുന്നതിനായി പരിശോധനകള്‍ കര്‍ശനമാക്കുകയും, ‘അമൃത്’, ‘വെറ്റ്ബയോട്ടിക്’, ‘ഓപ്പറേഷന്‍ ഡബിള്‍ ചെക്ക്’ തുടങ്ങിയ പേരുകളില്‍ സംസ്ഥാന വ്യാപകമായി റെയ്ഡുകള്‍ നടത്തുകയും ചെയ്തിട്ടുണ്ട്. ഇത്തരം പ്രതിരോധ പ്രവര്‍ത്തനങ്ങളുടെ തുടര്‍ച്ചയായാണ് ‘സൗഖ്യം സദാ’ ക്യാമ്പയിന്‍ സംഘടിപ്പിക്കുന്നത്.
Story Highlights: Kerala launches statewide campaign to promote antibiotic literacy among students and public
Related posts:
വയനാട് ഡിസിസി ട്രഷറർ എൻ എം വിജയന്റെ കത്ത് പുറത്ത്; സാമ്പത്തിക ഇടപാടുകളുടെ വിവരങ്ങൾ വെളിപ്പെടുത്തി
വയനാട് ഡിസിസി ട്രഷറർ മരണം: ആരോപണങ്ങൾ നിഷേധിച്ച് ഐസി ബാലകൃഷ്ണൻ എംഎൽഎ
ടൊവിനോ തോമസിന്റെ ‘ഐഡന്റിറ്റി’ ഐഎംഡിബി പട്ടികയിൽ ഒന്നാമത്; നാളെ തിയേറ്ററുകളിൽ
മുണ്ടക്കൈ-ചൂരല്‍മല പുനരധിവാസം: ഗുണഭോക്തൃ പട്ടിക ജനുവരി 15-ന് പ്രസിദ്ധീകരിക്കും – മന്ത്രി കെ. രാജൻ
