കേരളത്തിലെ ഗതാഗത നിയമലംഘനങ്ങൾക്കെതിരെ കർശന നടപടികൾ സ്വീകരിക്കാൻ സർക്കാർ തീരുമാനിച്ചു. നോട്ടീസ് ലഭിച്ചിട്ടും പിഴ അടയ്ക്കാത്തവരെ കണ്ടെത്തി നടപടി സ്വീകരിക്കും. ഓരോ ജില്ലയിലും ഏറ്റവും കൂടുതൽ പിഴ അടയ്ക്കാനുള്ള ആയിരം പേരെ കണ്ടെത്തി അവരുടെ വീടുകളിലെത്തി പിഴ അടപ്പിക്കാനാണ് തീരുമാനം.
വാഹനാപകടങ്ങൾ കുറയ്ക്കുന്നതിന്റെ ഭാഗമായി പൊലീസും മോട്ടോർ വാഹന വകുപ്പും സംയുക്തമായി നടത്തുന്ന പരിശോധന ഇന്നലെ മുതൽ ആരംഭിച്ചു. സംസ്ഥാനത്തെ അപകട മേഖലകളിൽ കേന്ദ്രീകരിച്ചാണ് പരിശോധന നടത്തുന്നത്. ഒറ്റ ദിവസം കൊണ്ട് തന്നെ ആയിരക്കണക്കിന് നിയമലംഘനങ്ങൾ കണ്ടെത്തി. റോഡുകളിലൂടെ പോകുന്ന നൂറ് വാഹനങ്ങളിൽ പത്തെണ്ണമെങ്കിലും നിയമം പാലിക്കാതെയാണ് സഞ്ചരിക്കുന്നതെന്ന് കണ്ടെത്തി.
അമിതവേഗം, മദ്യപിച്ച് വാഹനമോടിക്കൽ, അശ്രദ്ധമായി വാഹനം ഓടിക്കൽ, ഹെൽമെറ്റും സീറ്റ് ബെൽറ്റും ധരിക്കാതിരിക്കുക, അമിത ഭാരം കയറ്റി സർവീസ് നടത്തുക തുടങ്ങിയവയ്ക്കെതിരെ കർശന നടപടി സ്വീകരിക്കും. ഡ്രൈവർമാരെ കൂടുതൽ സുരക്ഷാ ബോധമുള്ളവരാക്കി അപകടങ്ങൾ കുറയ്ക്കുന്നതിനുള്ള ബോധവൽക്കരണ പരിപാടികളും പരിശോധനയുടെ ഭാഗമായി നടത്തും.
അതേസമയം, അലങ്കരിച്ച വാഹനങ്ങൾ പൊതുനിരത്തുകളിൽ ഉപയോഗിക്കുന്നവർക്ക് മുന്നറിയിപ്പുമായി മോട്ടോർ വാഹന വകുപ്പ് രംഗത്തെത്തി. റോഡ് സുരക്ഷയെ പ്രതികൂലമായി ബാധിക്കുന്ന തരത്തിലും രജിസ്ട്രേഷൻ നമ്പരുകൾ മറയുന്ന തരത്തിലും വാഹനങ്ങൾ അലങ്കരിക്കുന്നത് നിയമവിരുദ്ധമാണെന്ന് എംവിഡി വ്യക്തമാക്കി. ശബരിമല തീർത്ഥാടകരുടെ വാഹനങ്ങളിൽ പലതും ഇത്തരത്തിൽ അലങ്കാരങ്ങൾ തീർത്തവയാണ്. ചന്ദനം, മഞ്ഞൾ എന്നിവ കൊണ്ട് രജിസ്ട്രേഷൻ നമ്പർ മറയ്ക്കുന്നതും കണ്ടെത്തി.
വാഹനങ്ങളുടെ സുരക്ഷാ ഗ്ലാസുകളിൽ പല നിറങ്ങളിലുള്ള സ്റ്റിക്കറുകൾ പതിപ്പിക്കുന്നത് ഡ്രൈവറുടെ കാഴ്ച പരിമിതപ്പെടുത്തുകയും അപകടങ്ങൾക്ക് കാരണമാകുകയും ചെയ്യുമെന്ന് മുന്നറിയിപ്പ് നൽകി. അനധികൃത ലൈറ്റുകൾ ഘടിപ്പിക്കുന്നത് ശബരിമലയിലെ സുരക്ഷാ പരിശോധനയിൽ കൃത്യത കുറയ്ക്കുമെന്നും ചൂണ്ടിക്കാട്ടി. ഹൈക്കോടതി നിർദേശത്തിന്റെ അടിസ്ഥാനത്തിലാണ് എംവിഡിയുടെ കർശന മുന്നറിയിപ്പ്.
Story Highlights: Kerala government intensifies traffic law enforcement with joint police-MVD checks and strict measures against violators.
അമിത ഭാരവുമായി റോഡിലിറങ്ങുന്ന വാഹനങ്ങൾ അപകടമുണ്ടാക്കുന്ന സാഹചര്യത്തിൽ മോട്ടോർ വാഹന വകുപ്പ് പൊതുജനങ്ങളുടെ Read more
കുവൈത്തിൽ ഗതാഗത സുരക്ഷക്കായി സമ്പൂർണ്ണ ഓട്ടോമാറ്റിക് വാഹന പരിശോധനാ സംവിധാനം വരുന്നു. പുതിയ Read more
യാത്രകളിൽ സുരക്ഷ ഉറപ്പാക്കാൻ നാവിഗേഷൻ ആപ്പുകളിൽ ഓഡിയോ ഉപയോഗിക്കണമെന്ന് മോട്ടോർ വാഹന വകുപ്പ്. Read more
ഗൂഗിൾ മാപ്പ് ഉപയോഗിച്ച് യാത്ര ചെയ്യുമ്പോൾ ഉണ്ടാകുന്ന അപകടങ്ങൾ കുറയ്ക്കാൻ പുതിയ സംവിധാനം Read more
കോഴിക്കോട് പേരാമ്പ്രയിൽ വിദ്യാർത്ഥി മരിച്ച സംഭവത്തിൽ മനുഷ്യാവകാശ കമ്മീഷൻ ഇടപെട്ടു. അടിയന്തരമായി റിപ്പോർട്ട് Read more
കൊച്ചി കടവന്ത്ര-ചെലവന്നൂർ റോഡിൽ കേബിളിൽ കുരുങ്ങി ബൈക്ക് യാത്രികന് പരിക്ക്.ചെലവന്നൂർ പാലത്തിനടുത്ത് റോഡിൽ Read more
യുഎഇയിൽ വേനൽ കടുക്കുന്ന സാഹചര്യത്തിൽ സുരക്ഷിതമായ വേനൽക്കാലം ഉറപ്പാക്കുന്നതിന് ദുബായ് ആർടിഎ ബോധവൽക്കരണ Read more
മലപ്പുറം വെങ്ങര അരിക്കുളത്ത് ഓടുന്ന കാറിൽ നിന്ന് രണ്ടുപേർ തെറിച്ചു വീണു. വളവ് Read more
കുവൈറ്റിൽ ട്രാഫിക് നിയമലംഘനങ്ങൾക്കെതിരെ അധികൃതർ നടപടി ശക്തമാക്കി. മെയ് 5 മുതൽ 16 Read more
കുവൈറ്റിൽ ട്രാഫിക് നിയമലംഘനങ്ങൾ മൂലം യാത്രാ വിലക്ക് നേരിടുന്നവർക്ക് പിഴ അടച്ച് വിലക്ക് Read more
