മുൻ എംഎൽഎ കെ.എം ഷാജിയുടെ വിവാദമായ ആഡംബര വീടിന് കൂടുതൽ ഉടമസ്ഥാവകാശികളെ ചേർക്കാൻ നീക്കം. കെ.എം ഷാജിയുടെ ഭാര്യ ആശയുടെ പേരിലുള്ള വീടിന് രണ്ട് അവകാശികളെ കൂടിയാണ് ചേർക്കുന്നത്.
ആശാ ഷാജിയും അഫ്‌സയും അലി അക്ബറും ചേര്‍ന്നാണ് വീട് നിർമ്മാണം ക്രമപ്പെടുത്താൻ അപേക്ഷ നൽകിയത്. ഇതേതുടർന്ന് ഇവരൊക്കെ ആരെന്ന അന്വേഷണത്തിലാണ് അധികൃതർ.
അനധികൃതമായി സ്വത്ത് സമ്പാദിച്ചെന്ന കേസിൽ കെ.എം ഷാജി അന്വേഷണം നേരിടുകയാണ്. തിരഞ്ഞെടുപ്പ് സമയത്താണ് 50 ലക്ഷം രൂപയുടെയും ആഡംബര വീടിന്റെയും വരുമാന സ്രോതസ്സിനെക്കുറിച്ച് അന്വേഷണം ആരംഭിച്ചത്.
വീടിന് കൂടുതൽ അവകാശികൾ ഉണ്ടായാൽ വരുമാന സ്രോതസ്സ് കൂട്ടാമെന്ന് കണക്കുകൂട്ടലാണ് ഇതിനുപിന്നിലെന്ന് സൂചന.
അതേസമയം അന്വേഷണം അട്ടിമറിക്കാനുള്ള ശ്രമമാണിതെന്ന സംശയത്തിലാണ് വിജിലൻസ്.വീടിന് കൂടുതൽ ഉടമസ്ഥാവകാശം വന്നതോടെ നിയമോപദേശം തേടിയിരിക്കുകയാണ് കോഴിക്കോട് കോർപ്പറേഷൻ.
Story Highlights: controversy over KM Shaji’s move to give ownership of luxury house to more people.
