Kerala Ministers Slam Centre's Demand for Rescue Operation Costs

കേന്ദ്രസർക്കാരിന്റെ നടപടിക്കെതിരെ രൂക്ഷ വിമർശനവുമായി മന്ത്രി കെ രാജനും കെ.വി തോമസും രംഗത്ത്. രക്ഷാപ്രവർത്തനത്തിന് ചെലവായ തുക ആവശ്യപ്പെട്ട് കേന്ദ്രസർക്കാർ കേരളത്തിന് കത്തയച്ചതിനെതിരെയാണ് ഇരുവരും രംഗത്തെത്തിയത്. കേന്ദ്രത്തിന്റെ നടപടി ജനാധിപത്യ വിരുദ്ധമാണെന്ന് മന്ത്രി കെ രാജൻ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേന്ദ്ര ദുരന്ത നിവാരണ നിധിയിൽ നിന്നാണ് തുക വകയിരുത്തേണ്ടതെന്നും, കേന്ദ്രം പണം ആവശ്യപ്പെട്ട വിഷയം കോടതിയെ ബോധ്യപ്പെടുത്തുമെന്നും മന്ത്രി പറഞ്ഞു. ദുരന്ത മേഖലയിൽ നൽകേണ്ട പണം നൽകാതെയാണ് ചെയ്ത സഹായത്തിന് പണം ചോദിക്കുന്നതെന്നും അദ്ദേഹം കൂട്ടിച്ചേർത്തു. കേന്ദ്രത്തിന് മറുപടി കത്ത് നൽകുമെന്നും പണം നൽകാൻ കഴിയാത്തതിന്റെ സാഹചര്യം വ്യക്തമാക്കുമെന്നും മന്ത്രി അറിയിച്ചു.

കെ.വി തോമസ് കേന്ദ്രത്തിന്റെ നടപടിയെ രൂക്ഷമായി വിമർശിച്ചു. ഉപകാരം ചെയ്തില്ലെങ്കിലും ഉപദ്രവിക്കരുതെന്ന് അദ്ദേഹം പറഞ്ഞു. സേവനം ചെയ്തതിന് കാശ് വാങ്ങുന്നത് എന്തിനാണെന്നും അദ്ദേഹം ചോദിച്ചു. കേരളത്തിലെ ജനങ്ങളോട് കാണിക്കുന്ന വഞ്ചനയാണിതെന്നും, കേരളത്തിനോട് കേന്ദ്രത്തിന് നെഗറ്റീവ് സമീപനമാണെന്നും കെ.വി തോമസ് കുറ്റപ്പെടുത്തി. ഈ സമീപനത്തിന് രാഷ്ട്രീയ കാരണമുണ്ടെന്നും അദ്ദേഹം പറഞ്ഞു.

ശബരിമലയിൽ തീർഥാടകത്തിരക്ക്; സുരക്ഷ ശക്തമാക്കി

തുക ആവശ്യപ്പെട്ടത് കേരളത്തിലെ ജനങ്ങളെ അപമാനിക്കുന്നതാണെന്ന് കെ.വി തോമസ് കൂട്ടിച്ചേർത്തു. തമിഴ്നാടിനും ആന്ധ്രപ്രദേശിനും നിമിഷങ്ങൾക്കകം സഹായം നൽകിയപ്പോൾ കേരളത്തോടുള്ള സമീപനം വ്യത്യസ്തമാണെന്നും അദ്ദേഹം ചൂണ്ടിക്കാട്ടി.

2019 മുതൽ 2024 വരെ വിവിധ മേഖലകളിൽ രക്ഷാപ്രവർത്തനത്തിന് ചെലവായ തുക നൽകണമെന്ന കത്ത് കേരളത്തിന് ഉണ്ടാക്കിയ സമ്മർദ്ദം ചെറുതല്ല. എയർലിഫ്റ്റിന് ചെലവായ 132 കോടി തിരിച്ചടക്കണമെന്നാണ് പ്രതിരോധ മന്ത്രാലയം കത്തിൽ വ്യക്തമാക്കിയിരിക്കുന്നത്. ഈ നടപടി കേരളത്തിലെ ജനങ്ങളെ അപമാനിക്കുന്നതാണെന്ന് രാഷ്ട്രീയ നേതാക്കൾ ആരോപിക്കുന്നു.

Story Highlights: Kerala ministers criticize central government’s demand for rescue operation expenses

സ്വർണവിലയിൽ ഇടിവ്; പവന് 400 രൂപ കുറഞ്ഞു