Kasaragod NRI murder: Black magic and gold fraud connection

കാസർഗോഡ് പൂച്ചക്കാട് പ്രവാസി അബ്ദുൽ ഗഫൂർ ഹാജിയുടെ കൊലപാതകം ആസൂത്രിതമായിരുന്നുവെന്ന് പോലീസ് കണ്ടെത്തി. ഡിവൈഎസ്പി കെ ജെ ജോൺസൺ മാധ്യമങ്ങളോട് സംസാരിക്കവേ, മന്ത്രവാദത്തിലൂടെ കൈക്കലാക്കിയ സ്വർണ്ണം തിരിച്ച് നൽകാൻ കഴിയാത്തതാണ് കൊലപാതകത്തിലേക്ക് നയിച്ചതെന്ന് വ്യക്തമാക്കി. കൊലപാതകം നടത്തിയത് ഭിത്തിയിൽ തലയിടിച്ചാണെന്നും അന്വേഷണത്തിൽ വ്യക്തമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കെ എച്ച് ഷമീന എന്ന മന്ത്രവാദിനി പാത്തൂട്ടി എന്ന 13 വയസ്സുകാരിയുടെ ആത്മാവ് തന്റെ ശരീരത്തിൽ പ്രവേശിച്ചതായി വിശ്വസിപ്പിച്ചാണ് മന്ത്രവാദം നടത്തിയിരുന്നത്. കൊലപാതകത്തിൽ കൂടുതൽ പ്രതികളുണ്ടോയെന്ന് അന്വേഷിച്ചുവരികയാണെന്നും, പ്രതികളെ ഉടൻ കസ്റ്റഡിയിലെടുക്കുമെന്നും ഡിവൈഎസ്പി അറിയിച്ചു. കൂടുതൽ ജ്വല്ലറികളിൽ തെളിവെടുപ്പ് നടത്തുമെന്നും, ഇതിനോടകം അരമന ജ്വല്ലറിയിൽ നിന്ന് കുറച്ച് സ്വർണ്ണം കണ്ടെടുത്തതായും അദ്ദേഹം വ്യക്തമാക്കി.

2023 ഏപ്രിൽ 14-നാണ് അബ്ദുൾ ഗഫൂർ ഹാജിയെ പൂച്ചക്കാട്ടെ വീട്ടിൽ മരിച്ച നിലയിൽ കണ്ടെത്തിയത്. ജിന്നുമ്മ എന്നറിയപ്പെടുന്ന മന്ത്രവാദിനി മാങ്ങാട് സ്വദേശി കെ. എച്ച് ഷമീന, ആൺ സുഹൃത്ത് ഉളിയത്തടുക്ക സ്വദേശി ഉബൈസ്, പൂച്ചക്കാട് സ്വദേശി അസ്നിഫ, കൊല്യ സ്വദേശി ആയിഷ എന്നിവരാണ് കേസിൽ അറസ്റ്റിലായത്. സ്വർണ്ണം ഇരട്ടിപ്പിച്ചു നൽകാമെന്ന വാഗ്ദാനത്തിൽ അബ്ദുൽ ഗഫൂർ ഹാജിയുടെ കയ്യിൽ നിന്ന് 596 പവൻ സ്വർണ്ണം പ്രതികൾ കൈക്കലാക്കിയിരുന്നു. ഈ സ്വർണ്ണം തിരിച്ചു നൽകേണ്ടി വരുമെന്ന ഭയത്താലാണ് പ്രതികൾ കൊലപാതകം നടത്തിയതെന്നാണ് കേസിന്റെ വിവരം.

ധനലക്ഷ്മി ലോട്ടറി DL-19 ഫലം പ്രഖ്യാപിച്ചു; ഒന്നാം സമ്മാനം ഒരു കോടി രൂപ

Story Highlights: Kasaragod NRI Abdul Gafoor Haji’s murder was premeditated, linked to gold fraud through black magic.

കാസർഗോഡ് കാഞ്ഞങ്ങാട്ട് വീട്ടിൽ സൂക്ഷിച്ച സ്വർണവും പണവും കവർന്നു; പോലീസ് അന്വേഷണം ആരംഭിച്ചു