Minister MB Rajeesh aids Nattika accident victims' families

തൃപ്രയാർ നാട്ടികയിലെ ദാരുണമായ അപകടത്തിൽ പരിക്കേറ്റവരുടെ കൂട്ടിരിപ്പുകാർ നേരിടുന്ന പ്രതിസന്ധി പരിഹരിക്കാൻ തദ്ദേശ വകുപ്പ് മന്ത്രി എം.ബി. രാജേഷ് നേരിട്ട് ഇടപെട്ടു. തൃശൂർ മെഡിക്കൽ കോളജ് കാന്റീനിൽ നിന്ന് കൂട്ടിരിപ്പുകാർക്ക് ഭക്ഷണം നൽകാൻ തൃശൂർ കളക്ടർ അർജുൻ പാണ്ഡ്യന് മന്ത്രി നിർദേശം നൽകി. കൂടാതെ, രോഗികളുടെയും കൂട്ടിരിപ്പുകാരുടെയും ദൈനംദിന സ്ഥിതി വിലയിരുത്താൻ റവന്യൂ ഉദ്യോഗസ്ഥരെ ചുമതലപ്പെടുത്തുമെന്നും, അടിയന്തര സഹായങ്ങൾ ഉടൻ ലഭ്യമാക്കുമെന്നും മന്ത്രി ഉറപ്പ് നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിലവിൽ അഞ്ച് പേരാണ് അപകടത്തിൽപ്പെട്ട് മെഡിക്കൽ കോളജിൽ ചികിത്സയിൽ കഴിയുന്നത്. എട്ട് പേർ ഇവരുടെ കൂട്ടിരിപ്പുകാരായി തുടരുന്നുണ്ട്. ഇവർ ഒരുനേരം മാത്രമാണ് ഭക്ഷണം കഴിക്കുന്നതെന്നും, അതിനായി ഡിവൈഎഫ്ഐ എത്തിക്കുന്ന പൊതിച്ചോറാണ് ആശ്രയിക്കുന്നതെന്നും റിപ്പോർട്ടുകൾ സൂചിപ്പിക്കുന്നു. കൂട്ടിരിപ്പുകാരിൽ ഒരാളായ അച്ചു, ജോലിക്ക് പോകാൻ കഴിയാത്തതിനാൽ ഒരു ചായ കുടിക്കാൻ പോലും പണമില്ലാത്ത അവസ്ഥയാണെന്ന് വ്യക്തമാക്കിയിരുന്നു.

എമ്പുരാൻ വിവാദം: ഹൈക്കോടതിയെ സമീപിച്ച ബിജെപി നേതാവിന് സസ്പെൻഷൻ

കഴിഞ്ഞ ചൊവ്വാഴ്ചയാണ് റോഡരികിൽ ഉറങ്ങിക്കിടന്ന നാടോടി സംഘാംഗങ്ങൾക്ക് നേരെ തടിലോറി പാഞ്ഞുകയറി ദാരുണമായ അപകടം സംഭവിച്ചത്. രണ്ട് കുട്ടികളടക്കം അഞ്ച് പേർ മരണപ്പെട്ടു. കണ്ണൂരിൽ നിന്ന് എറണാകുളത്തേക്ക് പോകുകയായിരുന്ന തടിലോറിയാണ് അപകടത്തിൽപ്പെട്ടത്. ഡൈവേർഷൻ ബോർഡ് ഡ്രൈവർ കാണാതിരുന്നതാണ് അപകടകാരണമെന്ന് കണ്ടെത്തി. മദ്യലഹരിയിലായിരുന്ന ക്ലീനറാണ് വാഹനമോടിച്ചതെന്നും പൊലീസ് വ്യക്തമാക്കി. ഡ്രൈവറെയും ക്ലീനറെയും അറസ്റ്റ് ചെയ്തിട്ടുണ്ട്.