പൊൻമുടിയിൽ അപകടകരമായ രീതിയിൽ കാർ ഓടിക്കുന്ന യുവാക്കളുടെ വീഡിയോ സോഷ്യൽ മീഡിയയിൽ വൈറലാകുന്നു. പൊൻമുടി കമ്പി മൂട് വഴിയായിരുന്നു യുവാക്കളുടെ ഈ അപകടകരമായ പ്രകടനം. ഇന്നലെ ഉച്ചയ്ക്ക് 3.30 മണിയോടെ പൊൻമുടിയിൽ പോയി തിരികെ വരികയായിരുന്ന KL07 BH1094 നമ്പർ വെള്ള സ്വിഫ്റ്റ് കാറിലാണ് യാത്രക്കാർ ശരീരം പുറത്തിട്ട് യാത്ര ചെയ്തത്.
കല്ലാർ ഫോറസ്റ്റ് ചെക്ക് പോസ്റ്റിൽ നൽകിയ വിലാസ പ്രകാരം പാലോട് പെരിങ്ങമ്മല സ്വദേശികളായ നാലുപേരാണ് വാഹനത്തിൽ സഞ്ചരിച്ചിരുന്നത്. പുറകേ വന്ന തിരുവനന്തപുരം സ്വദേശികളാണ് വീഡിയോയും ഫോട്ടോയും എടുത്തത്. ഈ വീഡിയോ പൊലീസിനും മോട്ടോർ വാഹന എൻഫോഴ്സ്മെന്റിനും ലഭിച്ചിട്ടുണ്ട്.
സംഭവത്തിൽ ഇപ്പോൾ അന്വേഷണം ആരംഭിച്ചിട്ടുണ്ട്. പൊൻമുടി പോലീസ് സ്റ്റേഷൻ പരിധിയിലാണ് ഈ സംഭവം നടന്നത്. വിനോദയാത്രയിൽ തലയും ശരീരവും പുറത്ത് കാണിച്ച് കാറിൽ യാത്ര ചെയ്യുന്ന യുവാക്കളുടെ ഈ വിഡിയോ സോഷ്യൽ മീഡിയയിൽ വ്യാപകമായി പ്രചരിക്കുകയാണ്.
Story Highlights: Video of youths dangerously driving car in Ponmudi goes viral on social media
