Netflix Acquires Naga Chaitanya-Sobhita Dhulipala Wedding Video Rights

നടൻ നാഗചൈതന്യയും നടി ശോഭിത ധുലിപാലയും അടുത്ത മാസം വിവാഹിതരാകുന്നു. ഡിസംബർ നാലിന് ഹൈദരാബാദിലെ അന്നപൂർണ സ്റ്റുഡിയോയിൽ വച്ചാണ് വിവാഹം നടക്കുന്നതെന്നാണ് റിപ്പോർട്ടുകൾ. ആഗസ്റ്റിൽ നടന്ന ഇരുവരുടെയും വിവാഹ നിശ്ചയം ഏറെ വാർത്താ പ്രാധാന്യം നേടിയിരുന്നു. താരങ്ങൾ തന്നെ വിവാഹ നിശ്ചയത്തിന്റെ ചിത്രങ്ങൾ സമൂഹമാധ്യമങ്ങളിൽ പങ്കുവച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ താരവിവാഹത്തിന്റെ വീഡിയോ അവകാശം നെറ്റ്ഫ്ലിക്സ് വലിയ തുക നൽകി സ്വന്തമാക്കിയതായി വാർത്തകൾ പുറത്തുവരുന്നു. നിരവധി ഒടിടി കമ്പനികൾ വിവാഹ വീഡിയോയുടെ അവകാശം സ്വന്തമാക്കാൻ നടനെ സമീപിച്ചിരുന്നതായി നേരത്തെ റിപ്പോർട്ടുകൾ വന്നിരുന്നു. ഒടുവിൽ നെറ്റ്ഫ്ലിക്സാണ് ഈ അവകാശം സ്വന്തമാക്കിയതെന്നാണ് പുറത്തുവരുന്ന വിവരം.

പുറത്തുവരുന്ന റിപ്പോർട്ടുകൾ അനുസരിച്ച്, വിവാഹ വീഡിയോയുടെ അവകാശം നെറ്റ്ഫ്ലിക്സിന് വിൽക്കുന്ന രണ്ടാമത്തെ തെന്നിന്ത്യൻ താരമാണ് നാഗചൈതന്യ. ഇതിനു മുമ്പ് നയൻതാരയുടെ വിവാഹദൃശ്യങ്ങൾ ഉൾപ്പെട്ട ഡോക്യുമെന്ററിയുടെ അവകാശം നെറ്റ്ഫ്ലിക്സ് 25 കോടി രൂപയ്ക്ക് സ്വന്തമാക്കിയിരുന്നു. എന്നാൽ നാഗചൈതന്യ-ശോഭിത ധുലിപാല വിവാഹ വീഡിയോയ്ക്കായി 50 കോടി രൂപയാണ് നെറ്റ്ഫ്ലിക്സ് ചെലവിട്ടതെന്നാണ് പുറത്തുവരുന്ന വിവരം.

മമ്മൂക്കയുടെ പിറന്നാൾ; ഓണക്കോടിയുമായി മമ്മൂട്ടി ഫാന്സ്

Story Highlights: Netflix acquires rights to Naga Chaitanya and Sobhita Dhulipala’s wedding video for a reported 50 crore rupees

‘ആവേശം’ സിനിമയിലെ പാട്ട് നെറ്റ്ഫ്ലിക്സ് പരമ്പരയുടെ ട്രെയിലറിൽ; ക്രെഡിറ്റ് നൽകാത്തതിൽ വിമർശനം