തിരുവല്ല ഓതറയിൽ വയോധികയുടെ മുഖത്ത് മുളകുപൊടി വിതറി കവർച്ച നടന്നു. 73 വയസ്സുള്ള രത്നമ്മയുടെ രണ്ട് പവൻ തൂക്കമുള്ള സ്വർണമാലയാണ് കവർന്നത്. ഇന്ന് രാവിലെ എട്ടരയോടെയാണ് സംഭവം നടന്നത്. മുഖംമൂടി ധരിച്ചെത്തിയ ഒരാൾ രത്നമ്മയുടെ മുഖത്ത് മുളകുപൊടി വിതറിയശേഷം മാല പൊട്ടിച്ച് കടന്നുകളഞ്ഞു.
ഓതറ പഴയകാവ് മാമ്മൂട് മുരളി സദനത്തിൽ നരേന്ദ്രൻ നായരുടെ ഭാര്യയാണ് രത്നമ്മ. സംഭവ സമയം വീട്ടിലെ ഹാളിൽ ഇരിക്കുകയായിരുന്നു രത്നമ്മ. 80 വയസ്സുള്ള ഭർത്താവ് നരേന്ദ്രൻ നായർ മാത്രമാണ് അപ്പോൾ വീട്ടിലുണ്ടായിരുന്നത്. മരുമകൾ കുട്ടികളെ സ്കൂളിൽ ആക്കാൻ പോയിരിക്കുകയായിരുന്നു.
സംഭവമറിഞ്ഞ് തിരുവല്ല പൊലീസ് സ്ഥലത്തെത്തി. പ്രദേശത്തെ സിസിടിവി ദൃശ്യങ്ങൾ ഉൾപ്പെടെ പരിശോധിച്ചുവരികയാണെന്ന് പൊലീസ് അറിയിച്ചു. കവർച്ചയ്ക്ക് പിന്നിലുള്ളവരെ കണ്ടെത്താനുള്ള ശ്രമങ്ങൾ തുടരുകയാണ്.
Story Highlights: Elderly woman in Thiruvalla robbed after chili powder attack, gold chain stolen
