സന്ദീപ് വാര്യരുടെ കോൺഗ്രസ് പ്രവേശനത്തെ കുറിച്ച് ജനയുഗം പത്രത്തിൽ വിമർശനാത്മകമായ ഒരു ലേഖനം പ്രസിദ്ധീകരിച്ചു. “കാക്കയ്ക്ക് വെള്ള പൂശരുത്” എന്ന തലക്കെട്ടിലാണ് ലേഖനം വന്നിരിക്കുന്നത്. മണ്ണാർക്കാട് സീറ്റ് കച്ചവട ചരക്കാക്കാൻ താൽപര്യമില്ലെന്ന് സിപിഐ നിലപാട് എടുത്തതോടെയാണ് സന്ദീപ് വാര്യർ കോൺഗ്രസിലേക്ക് പോയതെന്ന് ലേഖനം പറയുന്നു. കാലുമാറ്റക്കാർക്ക് പ്രൊബേഷൻ പ്രഖ്യാപിക്കണമെന്നും ലേഖനത്തിൽ പരിഹാസമുണ്ട്.
കോൺഗ്രസിൽ നിന്ന് അർഹമായ സ്ഥാനങ്ങളെല്ലാം നേടിയെടുത്ത ശേഷം എറണാകുളം ലോക്സഭാ സീറ്റ് കിട്ടാത്തതിൽ പ്രതിഷേധിച്ച് പ്രൊ. കെ വി തോമസ് സിപിഎമ്മിലേയ്ക്ക് ചേക്കേറിയ കാലത്ത് എന്തേ ഇവരാരും സിപിഐയിലേയ്ക്ക് വരുന്നില്ലെന്ന ചോദ്യത്തിന് കാനം രാജേന്ദ്രന്റെ മറുപടി ഉദ്ധരിച്ചുകൊണ്ടാണ് ലേഖനം തുടങ്ങുന്നത്. തങ്ങളുടെ കയ്യിൽ കൊടുക്കാൻ ഒന്നുമില്ലാത്തതുകൊണ്ട് അവരാരും വരുന്നില്ല എന്നായിരുന്നു കാനത്തിന്റെ മറുപടി. ഇതേ നിലപാടാണ് സന്ദീപ് വാര്യരുടെ കാര്യത്തിൽ കാനത്തിന്റെ പിൻഗാമിയായ ബിനോയ് വിശ്വം പിന്തുടർന്നതെന്നും ലേഖനം പറയുന്നു.
എ.ആർ റഹ്മാന്റെ വിവാഹമോചനത്തെ കുറിച്ചും ലേഖനത്തിൽ വിവാദ പരാമർശങ്ങളുണ്ട്. പരമദരിദ്രനും സംഗീതജ്ഞനുമായിരുന്ന ആർ കെ ശേഖറുടെ മകനാണ് റഹ്മാൻ എന്നും, ഇടയ്ക്കിടെ കൊല്ലം കടപ്പാക്കട ‘ജനയുഗ’ത്തിൽ വന്ന് കാമ്പിശേരി ശേഖറിന് നൂറ് രൂപ നൽകിയിരുന്നതായും ലേഖനം പറയുന്നു. ഓസ്കാർ അവാർഡ് ജേതാവിന് ഈ ഭാര്യ പോരെന്നു തോന്നിയതാണെന്നും, ആരും വന്ന വഴികൾ മറക്കരുതെന്നും ലേഖനത്തിൽ പരാമർശിക്കുന്നു.
Story Highlights: Janayugam newspaper criticizes Sandeep Varier’s entry into Congress, mocks party-switching politicians
