കണ്ണൂര്‍ വളപട്ടണത്തെ വ്യാപാരിയുടെ വീട്ടില്‍ നടന്ന വന്‍കവര്‍ച്ചയില്‍ മൂന്നംഗ സംഘമാണ് പങ്കെടുത്തതെന്ന് പോലീസ് നിഗമനം. ബുധനാഽ്ച രാത്രി 8.15-ഓടെ രണ്ടുപേര്‍ മതില്‍ ചാടിക്കടന്ന് ഇരുനില വീട്ടിലെത്തി. കവര്‍ച്ചാസംഘം ആദ്യം പിന്നിലെ വാതില്‍ തകര്‍ക്കാന്‍ ശ്രമിച്ചെങ്കിലും പരാജയപ്പെട്ടതോടെ അടുക്കളഭാഗത്തെ ജനല്‍ വഴി അകത്തുകടന്നു.
താഴത്തെ നിലയിലെ ചുമരില്‍ സ്ഥാപിച്ച സി.സി.ടി.വി. ക്യാമറ തിരിച്ച് ദിശമാറ്റിയ ശേഷമാണ് കവര്‍ച്ചക്കാര്‍ മോഷണം നടത്തിയത്. വീടിന്റെ ഇടതുഭാഗത്തുള്ള കാര്‍പോര്‍ച്ചിലെ സി.സി.ടി.വി.യില്‍ ഈ ദൃശ്യം വ്യക്തമായി രേഖപ്പെടുത്തിയിട്ടുണ്ട്. വീടിനകത്ത് കടന്ന സംഘം നേരെ ലോക്കര്‍ സൂക്ഷിച്ചിരുന്ന മുറിയിലേക്കാണ് പോയത്.
30 മുതല്‍ 45 മിനിട്ടുകള്‍ക്കുള്ളില്‍ കവര്‍ച്ച നടത്തി രക്ഷപ്പെട്ടിരിക്കാമെന്നാണ് പൊലീസിന്റെ പ്രാഥമിക വിലയിരുത്തല്‍. വീടും പരിസരവും കൃത്യമായി മനസ്സിലാക്കിയവരാണ് കവര്‍ച്ചയ്ക്ക് പിന്നിലെന്ന് പോലീസ് കരുതുന്നു. ഈ സംഭവത്തില്‍ അന്വേഷണം പുരോഗമിക്കുകയാണ്.
Story Highlights: Three-member gang involved in major robbery at trader’s house in Kannur Valapattanam, Kerala
