Actor Baburaj granted anticipatory bail in sexual assault case

ലൈംഗികാരോപണ കേസില് നടന് ബാബുരാജിന് ഹൈകോടതി മുന്കൂര് ജാമ്യം അനുവദിച്ചു. പത്ത് ദിവസത്തിനുള്ളില് അന്വേഷണ സംഘത്തിന് മുന്നില് ഹാജരാകണമെന്ന ഉപാധിയോടെയാണ് ജാമ്യം അനുവദിച്ചത്. സിനിമയില് അവസരം വാഗ്ദാനം ചെയ്ത് പീഡിപ്പിച്ചെന്ന ജൂനിയര് ആര്ട്ടിസ്റ്റിന്റെ പരാതിയിന്മേലാണ് കേസ്. ആലുവയിലെ വീട്ടില് വച്ചും റിസോര്ട്ടില് വച്ചും പീഡിപ്പിച്ചെന്നായിരുന്നു പരാതി. ബലാത്സംഗക്കുറ്റം ചുമത്തി അടിമാലി പൊലീസാണ് ബാബുരാജിനെതിരെ കേസെടുത്തിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യുവതി ഡിഐജിക്ക് ഓണ്ലൈനായി നല്കിയ പരാതി അടിമാലി പൊലീസിന് കൈമാറുകയായിരുന്നു. സിനിമയില് അഭിനയിക്കാന് അവസരം വാഗ്ദാനം ചെയ്ത് അടിമാലി കല്ലാറില് ഉണ്ടായിരുന്ന നടന്റെ സ്വന്തം റിസോര്ട്ടിലും ആലുവയിലെ വസതിയിലും വച്ച് പീഡിപ്പിച്ചു എന്നാണ് പരാതി. യുവതിയുടെ മൊഴി ഓണ്ലൈനായി രേഖപ്പെടുത്തിയ ശേഷമാണ് കേസ് രജിസ്റ്റര് ചെയ്തത്.

യുവതിയുടെ പരാതിയില് പറയുന്നത്, ഡിഗ്രി പഠനത്തിനുശേഷം ബാബുരാജിന്റെ മൂന്നാറിലെ റിസോര്ട്ടില് റിസപ്ഷനിസ്റ്റായി ജോലി കിട്ടിയെന്നും, ബാബുരാജിന്റെ ജന്മദിന പാര്ട്ടിയില് വച്ചാണ് അദ്ദേഹത്തെ പരിചയപ്പെട്ടതെന്നുമാണ്. 2019-ല് പുതിയൊരു സിനിമയുടെ ചര്ച്ചയ്ക്കെന്നു പറഞ്ഞ് ബാബുരാജ് ആലുവയിലെ വീട്ടിലേക്കു ക്ഷണിച്ചുവെന്നും, അവിടെ വച്ച് പീഡനത്തിന് ഇരയാക്കിയെന്നും യുവതി ആരോപിക്കുന്നു. പിന്നീട് ബാബുരാജിനെ കണ്ടിട്ടില്ലെന്നും, മറ്റൊരു ചിത്രത്തില് അസിസ്റ്റന്റ് ഡയറക്ടറാക്കാം എന്നു പറഞ്ഞു വിളിച്ചെങ്കിലും താന് വിസമ്മതിച്ചുവെന്നും യുവതി പറയുന്നു.

ഇന്ത്യൻ മഹാസമുദ്രത്തിൽ നാവികസേനയുടെ വമ്പൻ ലഹരിവേട്ട: 2500 കിലോ ലഹരിമരുന്ന് പിടിച്ചെടുത്തു

Story Highlights: Actor Baburaj granted anticipatory bail in sexual assault case by High Court

മുനമ്പം വഖഫ് ഭൂമി കേസ്: ട്രൈബ്യൂണലിന് ഹൈക്കോടതി സ്റ്റേ