UDF victory backed by communal forces, claims A K Shanib

യുഡിഎഫിന്റെ തെരഞ്ഞെടുപ്പ് വിജയത്തിന് പിന്നില് വര്ഗീയ ശക്തികളാണെന്ന് യൂത്ത് കോണ്ഗ്രസ് മുന് നേതാവ് എ കെ ഷാനിബ് ആരോപിച്ചു. കോണ്ഗ്രസ് രക്തസാക്ഷി പുന്ന നൗഷാദിന്റെ ഘാതകരുടെ പാര്ട്ടിയായ എസ്ഡിപിഐയെ കോണ്ഗ്രസ് ചേര്ത്തുനിര്ത്തിയെന്നും അദ്ദേഹം കുറ്റപ്പെടുത്തി. യൂത്ത് കോണ്ഗ്രസ് സംസ്ഥാന പ്രസിഡന്റ് എസ്ഡിപിഐയോടൊപ്പം തെരഞ്ഞെടുപ്പ് പ്രചാരണം നടത്താനും ഫോട്ടോയ്ക്ക് നില്ക്കാനും മടിച്ചില്ലെന്നും ഷാനിബ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തുറന്നുപറഞ്ഞ് നടപടി ഏറ്റുവാങ്ങാന് താന് എടുത്ത തീരുമാനം ശരിയായിരുന്നുവെന്ന് തെളിഞ്ഞതായി ഷാനിബ് പറഞ്ഞു. എസ്ഡിപിഐയുടെ കാലുപിടിച്ച് തെരഞ്ഞെടുപ്പില് ജയിച്ച് എംഎല്എ ആയാല് മതി എന്ന നിലയിലേക്ക് കോണ്ഗ്രസ് തരംതാണുവെന്നും അദ്ദേഹം കുറ്റപ്പെടുത്തി. അതേസമയം, തെരഞ്ഞെടുപ്പ് ഫലത്തിന് പിന്നാലെ സിപിഐഎമ്മിനെ വിമര്ശിച്ചും യുഡിഎഫിനെ പുകഴ്ത്തിയും സമസ്ത മുഖപത്രം സുപ്രഭാതം രംഗത്തെത്തി.

പാലക്കാട് എല്ഡിഎഫ് സ്ഥാനാര്ഥിക്ക് വേണ്ടി സാമുദായിക വിഭാഗീയത ഉള്പ്പെടെയുള്ള വിലകുറഞ്ഞ പ്രചാരണം നടന്നതായി സുപ്രഭാതം ആരോപിച്ചു. ഇത് മതേതര കേരളത്തിന്റെ മനഃസാക്ഷിയില് ആഴമുള്ള മുറിവേല്പ്പിച്ചതായും, ജനാധിപത്യ കേരളം ഈ പ്രചരണത്തെ അര്ഹിക്കുന്ന അവജ്ഞതയോടെ തള്ളിയതായും മുഖപ്രസംഗം വ്യക്തമാക്കി. പാലക്കാട് സ്വതന്ത്ര സ്ഥാനാര്ത്ഥിയെ പരീക്ഷിച്ചിട്ടും മൂന്നാം സ്ഥാനത്ത് നിന്ന് കരകയറാന് കഴിയാത്തതിന്റെ കാരണം സിപിഐഎം പരിശോധിക്കണമെന്നും, ചേലക്കരയില് എല്ഡിഎഫിന് ഭൂരിപക്ഷം കുറഞ്ഞത് അസംതൃപ്തിയുടേതാണെന്നും പാര്ട്ടി പരിശോധിക്കണമെന്നും സുപ്രഭാതം ആവശ്യപ്പെട്ടു.

രാഹുൽ മാങ്കൂട്ടത്തിലിന്റെ അറസ്റ്റ് തടഞ്ഞത് സർക്കാരിനേറ്റ തിരിച്ചടിയെന്ന് കെ സുരേന്ദ്രൻ

Story Highlights: Former Youth Congress leader A K Shanib criticizes UDF’s alliance with SDPI in Palakkad by-election

തദ്ദേശ തിരഞ്ഞെടുപ്പ്: പരസ്യ പ്രചാരണം നാളെ അവസാനിക്കും