Munambam Land Dispute: Judicial Commission Appointment Sparks Debate

മുനമ്പം ഭൂമി പ്രശ്നത്തിൽ സർക്കാർ ജുഡീഷ്യൽ കമ്മിഷനെ നിയമിച്ച നടപടിയെ വഖഫ് സംരക്ഷണ സമിതി സ്വാഗതം ചെയ്തു. എന്നാൽ, നിസാർ കമ്മിറ്റി റിപ്പോർട്ട് നടപ്പിലാക്കാതെ പുതിയ കമ്മിഷനെ നിയോഗിച്ചതിനെക്കുറിച്ച് സമിതി ചോദ്യമുന്നയിച്ചു. നിലവിലെ പ്രശ്നം പരിഹരിക്കാൻ മാത്രമുള്ള തീരുമാനമാണിതെന്ന് സമിതി ഭാരവാഹികൾ വ്യക്തമാക്കി. ഇത് വഖഫ് ഭൂമിയാണെന്നും യഥാർത്ഥ അവകാശികൾക്ക് അത് തിരിച്ചു കിട്ടണമെന്നും അവർ ആവശ്യപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, ജുഡീഷ്യൽ കമ്മീഷനെ നിയോഗിക്കാനുള്ള സർക്കാർ തീരുമാനത്തെ സമരസമിതി തള്ളി. പ്രശ്ന പരിഹാരം നീണ്ടുപോകാൻ ഇടയാക്കുമെന്ന് പ്രവർത്തകർ വ്യക്തമാക്കി. ശാശ്വത പരിഹാരമാണ് വേണ്ടതെന്നും സമരം അവസാനിപ്പിക്കില്ലെന്നും സമരസമിതി പ്രഖ്യാപിച്ചു. മുനമ്പത്ത് പ്രദേശവാസികൾ പന്തം കൊളുത്തി പ്രകടനം നടത്തി. വേഗത്തിൽ പരിഹാരം കാണുകയാണ് വേണ്ടതെന്നും രേഖകൾ പരിശോധിക്കേണ്ട കാര്യമില്ലെന്നും സമരക്കാർ അഭിപ്രായപ്പെട്ടു.

ഹൈക്കോടതി മുൻ ആക്ടിങ് ചീഫ് ജസ്റ്റിസ് രാമചന്ദ്രൻ നായരാണ് ജുഡീഷ്യൽ കമ്മീഷൻ. കൈവശ അവകാശമുള്ള ഒരാളെയും ഒഴിപ്പിക്കില്ലെന്നും പ്രശ്നത്തിന് പരിഹാരമാകുന്നത് വരെ നോട്ടിസ് നൽകരുതെന്ന് വഖഫിനോട് ആവശ്യപ്പെട്ടിട്ടുണ്ടെന്നും മന്ത്രി പി രാജീവ് അറിയിച്ചു. പ്രതിഷേധക്കാരുമായി ചർച്ച നടത്തുമെന്നും മുഖ്യമന്ത്രി തന്നെ ചർച്ച നടത്തുമെന്നും മന്ത്രി വ്യക്തമാക്കി. മൂന്ന് മാസത്തിനുള്ളിൽ കമ്മീഷൻ നടപടികൾ പൂർത്തീകരിക്കാനും നിർദേശിച്ചു.

കൊല്ലത്ത് വയോധികയെ ലൈംഗികമായി ആക്രമിച്ച യുവാവ് പിടിയിൽ

Story Highlights: Government appoints judicial commission to address Munambam land dispute, sparking mixed reactions from stakeholders

കൊല്ലത്ത് 16 ദിവസത്തിനിടെ വാഹനാപകടങ്ങളിൽ മരിച്ചത് 13 പേർ; കൂടുതലും സ്ത്രീകളും യുവാക്കളും