മലപ്പുറം പെരിന്തൽമണ്ണയിൽ വൻ സ്വർണക്കവർച്ച നടന്നു. പെരിന്തൽമണ്ണ ടൗണിലുള്ള എംകെ ജ്വല്ലറി ഉടമ യൂസഫും സഹോദരൻ ഷാനവാസും സ്കൂട്ടറിൽ പോകുമ്പോഴാണ് കാറിലെത്തിയ കവർച്ചാ സംഘം ആക്രമിച്ചത്. കണ്ണിൽ മുളകുപൊടി സ്പ്രേ ചെയ്ത് ആക്രമിച്ച സംഘം 3.5 കിലോഗ്രാം സ്വർണം കവർന്നു.
രാത്രി കടയടച്ചിറങ്ങിയ ജ്വല്ലറി ഉടമയേയും സഹോദരനെയും കാറിലെത്തിയ കവർച്ചാ സംഘം ഇടിച്ചുവീഴ്ത്തി. റോഡിലേക്ക് തെറിച്ചുവീണ ഇവരെ കുത്തിപ്പരിക്കേൽപ്പിക്കുകയും തുടർന്ന് സ്വർണവുമായി കടന്നുകളയുകയുമായിരുന്നു. സംഭവത്തിൽ പരുക്കേറ്റ ഇരുവരെയും ചികിൽസയ്ക്കായി ആശുപത്രിയിൽ പ്രവേശിപ്പിച്ചു.
കവർച്ചാ സംഘം ആക്രമിച്ച് പരുക്കേൽപ്പിച്ച ശേഷമാണ് സ്വർണം കവർന്നത്. സ്കൂട്ടറിൽ പോകുകയായിരുന്ന ജ്വല്ലറി ഉടമയേയും സഹോദരനെയുമാണ് ആക്രമിച്ചത്. സംഭവത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്.
Story Highlights: Jewelry shop owner and brother attacked, 3.5 kg gold stolen in Perinthalmanna, Malappuram
