മുൻ എം.എൽ.എയും ഓൾ ഇന്ത്യ ലോയേഴ്സ് യൂണിയൻ സംസ്ഥാന ട്രഷററുമായ അയിഷ പോറ്റി രാഷ്ട്രീയം വിടുന്നു. ആരോഗ്യ പ്രശ്നങ്ങൾ കാരണമാണ് ഒഴിവാകുന്നതെന്ന് അവർ വ്യക്തമാക്കി. ഒന്നരവർഷമായി താൻ ചികിത്സയിലാണെന്നും, ഒന്നും ചെയ്യാൻ കഴിയാതെ കടിച്ചു തൂങ്ങുന്നത് ശരിയല്ലെന്നും അയിഷ പോറ്റി പറഞ്ഞു.
പാർട്ടി വിശ്വാസമായി ഏൽപ്പിച്ച ജോലി താൻ നൂറ് ശതമാനം ഭംഗിയായി ചെയ്തു തീർത്തതായി അയിഷ പോറ്റി അഭിപ്രായപ്പെട്ടു. ആരും തന്നെ അവഗണിച്ചിട്ടില്ലെന്നും, അതെല്ലാം ജനങ്ങൾ കാണുന്നതാണെന്നും അവർ കൂട്ടിച്ചേർത്തു. ഒരു ഷോ കാണിക്കാൻ വേണ്ടി എവിടേക്കും പോകാൻ താൽപര്യമില്ലെന്നും, ഉള്ളത് സ്വതന്ത്രമായും സത്യസന്ധമായും വേണമെന്നും അയിഷ പോറ്റി വ്യക്തമാക്കി.
മൂന്ന് തവണ കൊട്ടാരക്കര മണ്ഡലത്തെ പ്രതിനിധീകരിച്ച എംഎൽഎയാണ് അയിഷ പോറ്റി. സിപിഐഎം കൊട്ടാരക്കര കമ്മിറ്റിയിൽ നിന്ന് കഴിഞ്ഞ ദിവസം അവരെ ഒഴിവാക്കിയിരുന്നു. ഓടി നടക്കാൻ പറ്റുന്നവർ പാർട്ടിയിലേക്ക് വരട്ടെയെന്ന് പറഞ്ഞുകൊണ്ട് അയിഷ പോറ്റി തന്റെ രാഷ്ട്രീയ ജീവിതത്തിന് വിരാമമിടുകയാണ്.
Story Highlights: Former MLA Aisha Potty quits politics due to health issues
