NN Krishnadas reacts to Sandeep Varier-Jifri Thangal meeting

സിപിഐഎം നേതാവ് എന്എന് കൃഷ്ണദാസ് സന്ദീപ് വാര്യര് – മുഹമ്മദ് ജിഫ്രി മുത്തുക്കോയ തങ്ങള് കൂടിക്കാഴ്ചയെക്കുറിച്ച് പ്രതികരിച്ചു. കണ്ടോട്ടെ, അതിനിപ്പോള് എന്താ എന്നും ആര്ക്കും ആരെയും കാണാമല്ലോ എന്നുമായിരുന്നു അദ്ദേഹത്തിന്റെ പ്രതികരണം. സന്ദീപ് വാര്യര്ക്ക് ഇപ്പോഴെങ്കിലും ഭരണഘടനയെ ഓര്ക്കാന് സമയം കിട്ടിയല്ലോ എന്നും അദ്ദേഹം ചോദിച്ചു. അവരാരും ഇന്ത്യന് ഭരണഘടനയെ അംഗീകരിച്ചിട്ടില്ലെന്നും ഭരണഘടനയെ എതിര്ത്ത് വോട്ട് ചെയ്തവരാണ് അവരെന്നും കൃഷ്ണദാസ് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാലക്കാട് ഉപതെരഞ്ഞെടുപ്പ് ഫലം കേരള രാഷ്ട്രീയത്തില് വലിയ മാറ്റമുണ്ടാക്കുമെന്ന് എന്എന് കൃഷ്ണദാസ് പറഞ്ഞു. കേരള രാഷ്ട്രീയത്തിന്റെ ഗതിവിഗതികള് നിര്ണയിക്കുന്നതില് ഉപതെരഞ്ഞെടുപ്പ് ഫലങ്ങള് പ്രധാനപ്പെട്ടതാണെന്നും അദ്ദേഹം ചൂണ്ടിക്കാട്ടി. മൂന്നാം തവണയും ഇടതുപക്ഷ ജനാധിപത്യ മുന്നണി അധികാരത്തില് വരുമെന്ന ഉറപ്പ് ഈ ഉപതെരഞ്ഞെടുപ്പോടുകൂടി കേരളത്തിലുണ്ടാകുമെന്നും അദ്ദേഹം പ്രതീക്ഷ പ്രകടിപ്പിച്ചു. പാലക്കാട് നിയോജക മണ്ഡലത്തില് ഇടതുപക്ഷ ജനാധിപത്യ മുന്നണിക്കനുകൂലമായ വലിയ മുന്നേറ്റം ഉണ്ടായിട്ടുണ്ടെന്നും ചരിത്ര വിജയം നേടുമെന്നും കൃഷ്ണദാസ് വ്യക്തമാക്കി.

സമസ്ത പ്രസിഡന്റ് മുഹമ്മദ് ജിഫ്രി മുത്തുക്കോയ തങ്ങളെ സന്ദീപ് വാര്യര് മലപ്പുറം കഴിശ്ശേരിയിലെ വീട്ടിലെത്തി സന്ദര്ശിച്ചു. ഇന്ത്യന് ഭരണഘടനയുടെ കയ്യെഴുത്ത് പതിപ്പ് സന്ദീപ് വാര്യര് ജിഫ്രി തങ്ങള്ക്ക് കൈമാറി. തങ്ങളോട് അങ്ങേയറ്റത്തെ ആദരമാണുള്ളതെന്നും അദ്ദേഹത്തെപ്പോലൊരു വലിയ മനുഷ്യനെ കാണാന് ഏറെക്കാലമായി ആഗ്രഹിക്കുകയായിരുന്നുവെന്നും സന്ദീപ് പറഞ്ഞു. സമസ്തയുടെ സംഭാവനകള് കേരളത്തിന്റെ ചരിത്രത്തില് സുവര്ണ ലിപികളില് രേഖപ്പെടുത്തുന്നതാണെന്നും ആ ഒരു ആദരവ് കൂടിയാണ് അര്പ്പിക്കുന്നതെന്നും സന്ദീപ് വാര്യര് പ്രതികരിച്ചു.

ജമാഅത്തെ ഇസ്ലാമിയുമായി യുഡിഎഫ് കൂട്ടുകൂടുന്നു; ബിഹാർ തിരഞ്ഞെടുപ്പിൽ അട്ടിമറിയെന്ന് എം.വി. ഗോവിന്ദൻ

Story Highlights: CPI(M) leader NN Krishnadas reacts to Sandeep Varier’s meeting with Muhammad Jifri Muthukoya Thangal, discussing constitutional awareness and political implications.

ബിഎൽഒ ആത്മഹത്യയിൽ സി.പി.ഐ.എമ്മിന് പങ്കെന്ന് വി.ഡി. സതീശൻ; അന്വേഷണം വേണമെന്ന് ആവശ്യം