AI Chatbot 'Daisy' Fights Phone Scams Targeting Elderly in UK

ഫോൺ വഴിയുള്ള തട്ടിപ്പുകൾ വർധിച്ചുവരുന്ന കാലഘട്ടത്തിൽ, മുതിർന്ന പൗരന്മാരെ ലക്ഷ്യമിട്ടുള്ള തട്ടിപ്പുകൾക്കെതിരെ നൂതന പരിഹാരവുമായി എത്തിയിരിക്കുകയാണ് ബ്രിട്ടീഷ് ടെലികോം കമ്പനിയായ വിർജിൻ മീഡിയ ഒ2. എഐയുടെ സഹായത്തോടെ പ്രവർത്തിക്കുന്ന ‘ഡെയ്സി’ എന്ന ചാറ്റ്ബോട്ടാണ് തട്ടിപ്പുകാരെ നേരിടുന്നത്. ഒരു ബ്രിട്ടീഷ് അമ്മൂമ്മയുടെ വേഷത്തിൽ തട്ടിപ്പുകാരെ സംസാരിച്ച് പറ്റിക്കുന്ന ഡെയ്സി, സ്കാംബെയ്റ്റിങ് എന്ന തന്ത്രമാണ് ഉപയോഗിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അഞ്ചിൽ ഒരു ബ്രിട്ടീഷ് പൗരൻ സ്കാം കോളുകളുടെ ഇരയാകുന്നുവെന്ന കണക്കുകൾക്കിടയിൽ, തട്ടിപ്പുകാരെ സംസാരത്തിലൂടെ വെറുപ്പിച്ച് ഓടിക്കുകയാണ് ഡെയ്സി അമ്മൂമ്മയുടെ ദൗത്യം. തട്ടിപ്പുകാരനോട് സുദീർഘമായി സംസാരിച്ചുകൊണ്ടിരിക്കുന്നതിലൂടെ, അവർക്ക് മറ്റൊരു വിജയകരമായ തട്ടിപ്പ് നടത്താനുള്ള അവസരം നഷ്ടമാകുന്നു. ഇതാണ് ഈ ചാറ്റ്ബോട്ടിന്റെ പ്രധാന ലക്ഷ്യം.

തട്ടിപ്പുകാർ വിളിക്കുമ്പോൾ, എഐയുടെ സഹായത്തോടെ അവരുടെ സംസാരം ടെക്സ്റ്റ് ആക്കി മാറ്റി, അതിനനുസൃതമായി ഡെയ്സി അമ്മൂമ്മ സംഭാഷണം തുടരും. തട്ടിപ്പുകാരന്റെ സമയം പാഴാക്കുന്നതോടൊപ്പം, തട്ടിപ്പിന്റെ ശൈലി ഉൾപ്പെടെയുള്ള വിവരങ്ങൾ അധികൃതർക്ക് കൈമാറുകയും ചെയ്യും. ഇത്തരം നൂതന സാങ്കേതിക വിദ്യകൾ ഉപയോഗിച്ച്, മുതിർന്ന പൗരന്മാരുടെ സാങ്കേതിക പരിജ്ഞാന കുറവ് മുതലെടുക്കുന്ന തട്ടിപ്പുകാരെ നേരിടാനുള്ള ശ്രമങ്ങൾ വർധിച്ചുവരികയാണ്.